رواية حبى الاول كامله بقلم نيره عبدالله
تعبان ودي كانت المستشفي اللي نور بتدرب فيها ولما نور سألته مين دول قالها اختي وابنها ولما حكتلي استغربت لاني قبلها كنت سألته قالي ان اخته مسافره قبل خطوبته باسبوع ومش هترجع الا بعد سنه فشكيت في الموضوع وطلبت من نور تجبلي العنوان اللي اتكتب في استماره المستشفي ولما روحت سألت بواب العمارة قالي دي شقة الدكتور عمر ومراته
مراد_ ي بابا انا اتاكدت اول امبارح بس وكنت بحاول انا واحمد عشان نجمع أدلة تدين عمر
بابا شيما_ كلم عمر خليه يجيلي
مراد_ لا يابابا انا هكلم احمد يجي ونقول لشيما الاول الحقيقة وبعدها نشوف هنعمل اي
بابا شيما هز راسه وقعد زعلان عشان ظلم بنته
بابا_ معاك حق
وقام دخل ليها وحضنها ومسح دموعها
وقال_ متزعليش مني ي قلب ابوكي حقك عليا
شيماء بعياط_ انا اسفة انى زعلتك ي بابا وهعمل كل اللي قولتلي عليه
باباها باس خدها_ اسف يانور عينى اني ظلمتك مكنتش اعرف انى عمر واطي اووي كدا
شيماء_ مش فاهمه
شيماء_ هو مين
بابا شيما_ هتعرفي كمان شويه قومي بقي حضري لينا اكل حلو كده من ايدك
شيماء حضنته_ حاضر ياحبيبي وباست راسه وقامت تحضر الفطار
باباها اتنهد بحزن وقام قعد برا
عند نور وبسمة في كافتريه الكلية
بسمه_ هي لسه شيمو مجاتش
نور_ لا
بسمه_ مالك
بسمه_تانى يانور هضيعيه من ايدك تانى
نور_ انتى عارفه انى ده حلمى من وانا صغيره
نسمه_بس انتي تقدري تعملى هنا كل ده نور افهمي مراد ضحي عشانك هو كان هيسافر عشان يشتغل في المكان اللي كان نفسه يستغل فيه بس ساب ده كله واختارك انتى لازما انتي كمان تختاريه هو
نور_ ي بنتي هو انا بقولك هنسيب بعض انا كل اللي بقوله ناجل الفرح بس واول لما اخلص دراستي أرجع ونتجوز
نور_ والله لو كان قالي عاوز اسافر كنت قولته سافر انا مش انانيه زيه
بسمة_ هو برضوا اللي اناني ولا انتي
نور_ تقصدي اي ي بسمه
بسمة_ اقصد انتي تقدري بكل سهوله اللي هتحققيه هناك تحققيه هنا بس مراد الفرصة اللي ضيعها عشانك عمره ما هيعرف يلاقي زيها هنا ي نور واخر حاجة هقولها ليكي اعملي براحتك اللي انتي عوزاه بس متبقيش تزعلي لما مراد يسيبك
عند أحمد بيرن على شيماء بس تليفونها مقفول وبدا يقلق عليها وقلق أكتر لما رن علي وبسمه ونور بس محدش فيهم كان بيرد فرن علي مراد
مراد_ الو يااحمد
احمد_ مراد شيماء كويسه
مراد_ ايوه متقلقش عليها بس انا عاوزك تيجي البيت
احمد_ في حاجه ولا اي
مراد_ بابا عرف موضوع عمر
احمد_ طب ما ده كويس اوي
مراد_ ايوا بس فيه حاجة كمان
احمد_ حاجة اي
مراد حكي له حكايه الظرف
احمد باستغراب_ تفتكر مين يكون بعته
مراد_ اكيد لا عمر لا منى
احمد_ طب منى هتعملى كدا ليه
مراد_ لما تجي هحكيلك
احمد_ طيب اهو في الطريق
عند منى وعمر
منى_ كل حاجه هتم انهارده
عمر بضحك_ الله يرحمك ياااحمد
مني_ تفتكر أحمد ممكن يقولهم اللي يعرفه عنك خصوصا بعد ما بعتنا الظرف
عمر_ حتى لو قالهم اللي هيحصل انهارده هيقلب كل الموازين لصفي أنا
في بيت شيماء
الباب خبط وشيماء قامت فتحت لاقت احمد
شيماء_ انت بتعمل اي هنا
احمد_ وحشتينى وقلقتينى عليكي
مراد بضحك_طب ادخل ياحنين
شيما اتكسفت وحطت وشها في الارض ومراد واحمد ضحكوا علي كسوفها
بابا شيما_ تعالي ي احمد اتفضل ادخل
احمد دخل وقعد عمي انا كنت عاوز أتكلم معاك في اللي حصل انهارده انا اللي غصبت علي شيما انها تقعد معايا هي مكنتش موافقه بس قولتها عاوزك في موضوع بخصوص عمر عشان توافق تقعد معايا وصدقني لو كنت اعرف اللي هيحصل انا مكنتش قعدت معاها لاني مستحيل اعمل حاجة تضرها
بابا شيما بابتسامة_ هنتكلم بعدين في كل حاجة حصلت ي احمد خلينا ناكل الاول عشان يبقي بينا عيش وملح
أحمد_ ده شرف ليا ي عمي
وقعدوا كلوا سوا وبعد وقت قعدوا تاني كلهم
بابا شيما_ مراد حكي ليا كل حاجة
احمد_ ياعمي انا بحب شيماء وعمر مش يستاهلها
شيما_ انا عاوزه اعرف فيه واي اللي مراد قاله لبابا خلاه يقول عليه واطي واي اللي كنت هتقوله ليا امبارح وقولتي مراد هيبقي يقولك ما تفهموني بدل الالغاز دي
احمد_ انا هحكيلك وحكلها
شيماء پصدمه ودموع_ عمر يعمل كدا ليه عملتله اي عشان يعمل فيا كده
احمد_ وانتى بټعيطي ليه ده واحد مش يستهلك
باباها حضنها_ احمدي ربنا انك عرفتيه على حقيقته
مراد_ المهم دلوقتى اكيد عمر ومنى يبدبروا لحاجه واكيد هما اللي ورا حكايه الظرف دي
احمد على شان كدا عندي فكره وحكلهم الفكره
بابا شيما_ خد بالك ي بني اللي داخل عليه مش سهل
أحمد_ متقلقش عليا يعمي يلا انا هستأذن انا
شيما راحت توصله عند الباب
احمد لشيما_ هتوحشينى
شيماء اتكسفت_ وانت كمان لما تروح كلمني
احمد بابتسامة_ حاضر
احمد نزل وركب العربيه ومشي وفي الطريق لقي عربيه واقفة نزل يشوف في اي لقي حد خبطه وأحمد داخ واغمي عليه واخده وركبوا العربيه ومشوا
المجهول_ معانا باشا
المجهول_ تمام هاتوه وتعالوا
وقفل معاهم وابتسم بشړ وقال_ اخيرا وقعت ي احمد
عند شيماء عمالة ترن على احمد بس تليفونه مقفول
شيماء بقلق_ يارب تكون بخير يااحمد قلبي وجعنى أوي معرفش ليه
وقامت اتوضت وصلت ودعتله وفضلت صاحية طول الليل من قلقها وخۏفها عليه
تانى يوم
احمد فتح عينه وكان دايخ ومربوط في الكرسي ومش شايف حاجة عشان النور كان ضلمه
أحمد بۏجع_ انا فين
المجهول_ نورت ي أحمد
أحمد_ انت مين
منى فتحت النور_ مش عارف صوتي يابوده كدا ازعل
احمد پصدمة_ منى
منى_ اه منى ياحبيبي وحشتنى يابيبي
احمد_ عاوزه اي وجيباني هنا ليه
منى_ اولا عاوزك انت ثانيا مش انا اللي جيباك هنا حد تاني بيحبك اوي هو اللي جايبك هنا وعاوز يشوفك
احمد_ حد مين
عمر دخل_ انا ي احمد
احمد ضحك بسخرية_ اهلا ي ابو ياسين
عمر_ ماانت حلو اهو وطلعت عارف كل حاجه
احمد_ قولتك مش هسيبك
عمر بضحك_ تصدق ضحكتني بس انا بقي اللي مش هسيبك يااحمد واللي انت عاوزه مش هيحصل عشان شيماء ليا انا وبس
احمد بغيرة_ متقولش اسمها شيماء دي ليا انا وهتفضل ليا لاخر يوم في عمري وعمرها
منى بعصبيه_ بتحلم يااحمد انت ليا ومش عارفه شيماء اي اللي بتكلموا عليها فيها اي احسن منى
احمد بعشق_ فيها كل حاجه حلوه فيه جمالها اللي بالنسبه ليا مفيش منه قلبها لي خطفنى من زمان عيونها اللي بسرح فيهم صوتها اللي بيودني دنيا تانيه كل حاجه فيها
