رواية ليتهم يشعرون بقلم ديدا الشهاوي
وبدات تفتش في هدومي ياتري كانت مفتقداني ولا كانت بتشوف اسباب بعدي عنهم ليه
_ليه ياندي تسيبنا وتمشي ليه ياتري خدتي الفلوس ليه
نادين كانت بټعيط وفجاءه حست بغصه في قلبها متنسوش اننا تؤام وبنحس ببعض
_ااه ھموت ياتري ياندي فينك وفيكي اي
وهنا مكنش ادامي غير حل واحد ان اشيل النقاب من علي وشي يمكن يخافوا او يتقرفوا يبوصولي وبدات ارفع وهما اتفأجوا واستغربت من رد فعلهم
_ سيبك من وشها ولا جسمها اجمل يلا اقعلي العبايه
نزلت النقاب تاني علي وشي وانا بټرعب وبتحسر علي اهلي الغريب شيفني حلوه
_انتم اتجننتوا في الشارع انتم مش في وعيكم
_بت متستعبطيش احنا في حته مقطعوه محدش هيحس بينا وهنا اتاكدت ان خلاص نهايتي جات وھموت مغتصبه
_سبني سبني ايدي حرام عليكوا
_انا الاول اخلص معاها وبعدين اندهلكم
_لا انا اشمعني انت
_هو كده يلا بت تعالي معايا
ولسه هيشلني وانا پصرخ وبعيط فجاءه ظهرلي عربيه من بعيد
اقولت دا طوق نجاه ليا وبدات اصړخ
_سبني.. حرام عليكوا حد يلحقني ... الحقوني...
_بت اخرصي هتفضحينا
_ولاااا ألحق في عربيه جايه علينا سبها يلا عشان نكوت من هنا
ورموا الشنطه ورموني ووقعت في الارض كانت وقعه جامده وقعت كل حياتي معاها
فجاءه وانا علي الارض العربيه وقفت قدامي ونزلت منها ست كبيره كانت ركبه جنب اللي كان بيسوق
_انت كويسه
_الحمد لله اننا عدينا من هنا في الوقت المناسب اقومي معايا
الست سندتني ومش عارفه اتكلم من صدمتي وان ربنا انقذني علي اخر لحظه
_تحبي نوصلك فين
_لا شكرا
_شكرا اي يابنتي الحته مقطوعه ومش هقدر اسيبك تاني بعد اللي حصل تعالي نوصلك
وهنا مش عارفه اقولها اي ولا اتكلم وهي حست اني في حاجه
_اسامه اسامه سندني البنت مش عارفه تمشي من الوقعه
وهنا اټصدمت لما لاقيت اللي انزل من العربيه هو الدكتور اسامه ايوه اسامه العريس اللي كان عاوز يخطبني
_ايوه ياماما طب اركبي انتي عنك اتفضلي ياانسه اركبي
ركبت ومش عارفه هنزل فين ولا اقولهم ايه وفجاءه
_استني انا هنزل اجبها عشان رجلك
_خلي بالك من نفسك يااسامه
نزل اسامه من العربيه وجاب الشنطه اللي كانت علي الارض مرميه
_نوصلك فين
_ااانا... انااا ماليش مكان
_ازي يابنتي امال كنت جايه منين
_انا كنت شغاله في بيت وطردوني
_ياحببتي يابنتي ناس معندهاش ضمير ازي يسبوكي في انصاص الليالي كده
_خلاص يلا يااسامه علي البيت
_بيتنا ياماما
_ايوه ياحبيبي ينوبنا ثواب في البنت حتي لغايه ماتعالجها
_اللي تشوفيه ياماما
طول الطريق كان اسامه بيحاول يبص عليا في مرايه العربيه تحس كان قلقان مني
_اسمك اي
__انااا اا حياه
_حلو حياه اخبار رجلك اي
_بتوجعني
_ان شاءلله اول مانوصل هعملك اللازم
وصلنا البيت عند الدكتور اسامه ومامته دخلتني اوضه حلوه مش بطاله
_يلا بنتي خدي غيار البسيه وشيلي النقاب اللي خنقك دا
__انااااا اشيله
_ايوه عاوزكي تشيله اشوفك
_انا... انا
_مش عاوزه تشيلي النقاب ليه
_وهنا رفعت النقاب
بكرهم.. بكرهم... بكرهم
كلمه بقت في قاموسي معرفش غيرها الكره الحاجه الوحيده اللي بتعامل بيها مع الناس
_حياه خدي الغيار دا وغيري هدومك اللي كلها تراب وشيلي النقاب دا يابنتي مافيش غيري اللي معاكي في الاوضه
_نقااااب اخلعه
_اه ومالك خاېفه تقلعيه ليه امال هتفضلي بالنقاب معانا كده وبعدين من حقي اشوف وشك
_من حقك والله وعارفه دا بس... سسسس
_بس اي في اي مش عاوزه اندم اني جبتك علي بيتي هنا
_والله انا بنت ناس والدنيا جات عليا
_خلاص وريني وشك
_نادين نادين انتي فين يابنتي
_مافيش ياماما بدور في حاجات ندي يمكن الاقي حاجه
_انا قلبي وكلني عليها اوي انا مكنتش عارفه انها لما تغيب كده هتوحشني ياتري فينك ياندي وبتعملي اي
_الله انتي هنا يانادين وانا بدور عليكي
_ايوه يابابا كنت بتكلم مع ماما شوي
_عامله ايه ياام احمد
_بخير والله بس كنت عاوزه اقولك علي حاجه
_اقولي ياام احمد
_هو احنا هنسيب البت كده منعرفش عنها حاجه ولا هندور عليها
_انا اقولت اي. سيره البنت دي اتقطعت من البيت فهمتوا بنتك ماټت.. ماټت
_يابابا براحه علي ماما هي ام وقلقانه علي بنتها
_وانا اب ووطت راسي في الوحل وسرقتنا
_طب يابابا احمد اخوي خلاص كلها شهرين وفتره جيشه تخلص هنقوله اي وهو متعلق بندي
_هقوله ماټت.. ماټت
بعد كلام الست ام اسامه ليا وقلقها الواضح بعد توتري لما قالتلي شيلي النقاب عاوزه اشوفك مكنش عندي حل تاني غير انفذ ليها طلبها
_من فضلك ياحياه عشان اطمن لوجودك لازم اشوف وشك
_حاضر والله ماقصدي اقلقلك
_شيلي النقاب
وهنا رفعت النقاب عن وشي وكنت خاېفه من رده فعلها اول ماتشوفني
_ ايه دا ايه اللي في وشك دا.. دا حد رميك بميه ڼار ولا اي
_لا حضرتك دي بهاق انا وحده عندي بهاق في وشي وجسمي
_ااه عرفته شوفت في التلفزيون اتكلموا عنه وشوف مسلسلات عليه
_وهو حضرتك مخفتيش مني ولا اي
_هخاف منك ليه عادي زي اي مرض.. بس دا معدي ولا اي
_لا مټخافيش مش معدي
_طب خلاص غيري هدومك ولبسي النقاب عشان اسامه يدخل يعالجك ربنا يشفيكي
_شكرا لحضرتك
طبعا من طريقه كلامها اللي كان عكس رد فعلها اكدلي انها مش متقبلني ولا متقبله شكلي
_ماما.. ماما مالك سرحانه في اي
_اهااا لا بدا مافيش حاجه يااسامه
_شكلك في حاجه انتي مكنتيش كده اول مااوصلنا
_لا ابدا بس اټخضيت ومش عارفه اعمل اي
_اخضيت من اي واقوليلي اخبار البنت اللي جبنها معانا
_بقولك ياسامه اديها علاج عشان تمشي يابني احنا منعرفش وراها اي
_انت مالك مكنش كلامك دا هو حصل اي خلاكي تخرجي من عندها كده
_مافيش اقوم يلا عشان تكشف عليها وتروح لحالها
انا كنت قاعده في الاوضه بعد ماخرجت ام اسامه وغيرت هدومي ولبست نقابي ومكنتش مصدومه من طريقتها ولا كلامها لاني متعوده علي دا وفجاءه الباب خبط
_حياه . حياه الدكتور اسامه عاوز يدخل عشان يكشف علي رجلك
_اتفضلوا ادخلوا
وهنا اسامه دخل ومعاه والدته وكان عينه في الارض
_عامله ايه دلوقتي
_الحمدلله بخير بس رجلي مش عارفه ادوس عليها
_طب ممكن ترفعي العبايه عشان اشوفها
رفعت العبايه وكنت مطمنه لاني لابسه شراب اسلامي تقيل
_حضرتك لازم اشوف رجلك عشان اكشف
_اهو رجلي اهي
_حضرتك لازم تقلعي الشراب
_شراب لا طبعا استحالة اقعله
_حضرتك انا مش بلعب لازم اكشف
_لا مش هينفع اديني اي حاجه مسكنه وخلاص
_ازي ياعني هو انا حلاق صحه من فضلك ياانسه الشراب لانها شكلها ورمه جدا
امه طبعا فهمت ليه مش عاوزه اقلع الشراب
_خلاص يااسامه اكتبلها مسكن عشان تقدر تمشي عليها وتروح
_ياماما ماينفعش وازي هتمشي وهي شكلها ورمه
_ بعصبيه الټفت اسامه ليا من فضلك الشراب
طبعا اضطريت اوافق علي قلع الشراب واول ماقعلته كان اسامه بيشوف شغله وبدا يكشف علي رجلي واټصدمت من طريقته وانه متفجأيش ولا شوفت رد فعل لما شاف رجلي وفيها البقع البيضا دي
_رجلك فيها شرخ كويس اني عندي جبيره هتلبيسها لمده اسبوع لغايه مالورم يخف والشرخ يروح ولو استمر الۏجع هنضطر نعمل اشعه
_ اسبوع يااسامه.. ياعني متعرفش حتي تروح
_ابدا ياماما بعد اسبوع تقدر تدوس عليها الا حاجات بسيطه
