رواية عزيز وصبا بقلم زهرة الربيع

معروفك ابدا
عماد قال..معروف ايه يا راجل انت خيرك سابق الف مره... بس اكيد ده حد غالي عليك اوي الي اتكلمت بنفسك علشانو
عزيز ابتسم وقال..فعلا غالي جدا اشكرك مره تانيه وقفل معاه
عزيز لسه هيمشي ابوه قال..حبتها مش كده..كنت متأكد من اول ما شوفتها
عزيز اتوتر وفضل واقف وقال احم ليه بتقول كده
صفوان قال عماد حكالي كل حاجه الي عملتو ده ملوش غير تفسير واحد انك بتحبها وعايز تفرحها
عزيز قال ..لا ده علشان بحب اختي وعايز اريحها الي عملتو ده علشان اسيل ...مش اكتر بلاش دماغك تاخدك بعيد عن اذنك.... قال كده وطلع لفوق
صفوان قال بسخريه...قال اسيل قال...على بابا ..
مازن سمعو وقال ها..ايه قلك حاجه..
صفوان قال..بيضحك عليا البيه.. قال عمل كل ده علشان اسيل 
مازن قعد وقال..والله يا بابا خططك كلها بايظه اديني عملت كل الي قولتلي عليه وروحتلو وقلتلو اني بحب صبا وخليتها تسمعنا ..قولتلي كده هيعترفو بمشاعرهم لبعض بس ايه الي حصل البت قبل ما تنطق صدها قدام عنيا واحد عنيد بطريقه عجيبه
مازن قال كده وقعد بتفكير وصفوان قعد جمبو وقال..واد يا مازن هو انت بتحبها ولا ايه
مازن اتوتر وقال..احبها..ههه والله دمك خفيف يا حج..هو..هو ابنك بتاع حب برضو انا بعمل كل ده علشان عزيز يغير ويتجرأ ويتكلم معاها بس الظاهر مفيش فايده
صفوان بصلو وابتسم لانو عارفو بيكدب وقال...على العموم هنديه اخر فرصه وبعد كده الي عايزه ربنا هيتم
عند انور قام من النوم على صوت التليفون قال الو
جالو صوت المحامي بيقول..ايوه يا انور بيه الف مبروك اسهمكم الساقطھ كلها رفعت رجعت فلوسكم زي الاول واحسن
انور وقف بزهول وقال..انت..انت بتقول ايه..انت متأكد يا متر
المحامي ...لسه حالا جايلي الخبر الف مبروك تحب حضرتك ابتدي في الاجرأت وامشي الشغل زي الاول ولا هتغير حاجه
انور قال بفرحه مش طبيعيه..انا انا مش عارف مش عارف اقولك ايه ولا اعمل ايه طيب هكلمك تاني تمام مع السلامه
انور قفل معاه وكانت اسيل نايمه وصحيت على صوتو قالت باستغراب.... فيه ايه
انور جري عليها حضنها جامد وبقى يلف بيها بقوه وقال يا وش الخير ياوش السعد بحبك يا بت بحبككككككك
اسيل كانت مبسوطه جدا لفرحتو بس مش فاهمه فيه ايه قالت... اهدي بس نزلني في ايه
انور نزلها وفضل حاضنها وقال...كل حاجه هتتصلح..فلوسنا رجعت هعوضك عن اي حاجه هشتريلك اجمل فيله اجمل قصر هلففك العالم
اسيل ضحكت وقالت... طيب طيب اهدى وفهمني
انور سابها وقال شوفي يا ستي بابا كان مليونير ذيكم كده وفجأ حصل تأمر كبير عليه علشان يبعدوه من السوق وفعلا خسر كل فلوسه ودلوقتي الاسهم الي كان بيثتسمرها ونزلت رفعت جدا وعوضت كل خسارتو انا مبسوط قوي 
اسيل حطت ايدها على خده وقالت وعيونها بتلمع..انت تستاهل كل خير الف مبروك بس خدت بالها من تصرفاتها لانها لسه زعلانه منو وقالت..احم..واهو كويس على الاقل كده هتمشي ومش هنضطر نشوفك كل يوم
اسيل لسه هتمشي مسك ايدها وقال..انا مش همشي خطوه من غيرك ...انا بحبك يا اسيل..وحيات صبا اختي وماعندي اغلى منها انا بحبك ..بحبك اوي ارجوكي سامحيني
اسيل نزلو دموعها كان نفسها قوي تترمي في حضنو بس قالت بجمود..معنديش ولا سبب واحد يخليني اسامحك
ولسه هتمشي انور قال لا..لا عندك..انتي كمان بتحبيني ومفيش اقوي من السبب ده الي بيحب بيسامح من قلبو يا اسيل
اسيل بصتلو بدموع وقالت..انا لما حبيتك كان عندي قلب سليم احبك بيه...بس دلوقتي معنديش قلب سليم علشان اسامحك بيه والبركه فيك
اسيل قالت كده ومشيت وانور قعد بحزن شديد بس حاول يهدى ويتماسك علشان يقدر ينسيها وافتكر صبا وانها لازم تعرف بموضوع الفلوس فخرج علشان يقولها
عند احمد كان نايم ودخلت سمر بتوتر وقالت..ممكن نتكلم
احمد قال پغضب..اتفضلي..عايز اشوف ممكن تقولي ايه عايز اعرف البجاحه هتوصل بيكي لفين
سمر كانت ناويه تخليه يطلقها قالت..مش هكدب عليك يا احمد انا بحب عزيز من قبل ما اتجوزك وهو رفضني وراح اتجوز الي اسمها بسمه وانا علشان افضل جمبو اتجوزتك
احمد بصلها بزهول وقال..وقادره تقولي كده قدامي بعد ما كنتي كل يوم تفهميني انك اسعد واحده بجوازنا
سمر نفخت بضيق وقالت پغضب..انا فعلا كنت اسعد واحده بجوازنا لاني هبقى جمب عزيز قولتلك انا بحبو وهفضل احبو ومش بشوف راجل غيرو حتى وانا في حضنك بفكر فيه و
بس احمد ضربها قلم قوي وقال اخرسي..مش عايز اسمع صوتك غوري من وشي انتي طالق..طالق..طالق يا زباله غوري من هنا
بفلمي..زهرة الربيع
صفوان دخل وقال اهدى اهدي يا احمد وبصلها بقرف وقال كنت اتوقع اي حاجه الا بلوتك دي منك لله خدها من هنا يا مازن
سمر قالت يا خي الف بركه. ..ولا يا خدني ولا اخدو انا ماشيه لوحدي ولعلمكم كلكم انا هرجع تاني بس على اني مرات ابن اخوك مرات عزيز الالفي ....سلامات يا انكل
قالت كده وخرجت پغضب وسابتهم ھيموتو من الغيظ والڠضب من كلامها
عند انور خرج لقا عزيز بيخبط على باب اوضتو ومحدش بيفتح ففتح هو الباب انور قلو..هيه صبا مش جوه ولا ايه
عزيز قال انا سبتها جوه ...يمكن لسه نايمه..ايه باين عليك مبسوط انهارده
انور لبتسم وقال..جدا..انهارده جالي خبر حلو اوي واكيد صبا كمان هتفرح ممكن تناديلها
عزيز ابتسم وقال..تمام هناديلها ودخل بس دور عليها في كل مكان ملهاش اثر طلع وقال..غريبه هيه مش جوه 
انور قال... طيب يمكن تحت
عزيز قال..لا انا كنت بايت تحت ودلوقتي اطلعت هيه مش تحت يمكن هنا ولا هنا ولا راحت الاسطبل
انور قال ياستغراب ....بس هيه قالتلي انك منعتها من نزول الاسطبل وهيه مش هتنزل علشان متزعلكش
عزيز قال بفرحه..هيه قالتلك كده
انور قال ايوه قالتلي كده..انا قلقت الصراحه
عزيز رغم انو كان مبسوط ان صلا بتتكلم عنو وانها مش عايزه تكسر كلمتو بس قلق قوي عليها وقال طيب تعالى ندور في كل السرايا اكيد هنلاقيها
في مكان مجهول غريب صبا قامت لقت نفسها مربوطه على السرير قالت بفزع فيه ايه... انا فين.. رابطني كده ليه
جاسر ابتسم وقال..
عايزك قوي

جاسر ضحك وفكها وقعدها على الكرسي وقال بشړ..لا انا مش هعمل كده دلوقتي وراكي مكالمه مهمه لازم تعمليها الاول
صبا استغربت وقالت... مكالمه ايه
جاسر قال انا هقولك هتقولي ايه بالظبط بس لو غلطتي في حرف.. عزيز الالفي مستنيه في السرايا كبايه عصير باجمد ماده مسممه وانا ھموت واشوفو بيفرفر
صبا خاڤت قوي وقالت ابوس ايدك ما تعمل كده ارجوك سيبو في حالو كفايه الي عملتوه معاه
جاسر مسكها جامد من فكها وقال..الي سمعتيه في السرايا تنسيه خالص فاهمه يلا وريني الشطاره هكلمو وتقوليلو زي ما هقولك بالظبط
انور وعزيز كانو