رواية اسميته تميم بقلم هند ايهاب

وعرفه يا بابا أني مش راجعه لو عمل أيه
هند أنا معاكي وفي صفك بس مش لدرجه أنك تحسي باللي بتعمليه ده صح
يعني أيه يا بابا
يعني فكري في كلامك قبل متقولي أي كلمه ټندمي عليها بعدين
دمعت وقولت 
يعني أرجعله يا بابا!!
هز راسه وقال 
مقولتش كده بس أهم حاجه أن كله يجي بالتفاهم مش بالعناد يا هند
سكت ودخلت الأوضه فضلت قاعده لحد ما سمعت صوت بابا وهو نازل وبعديها بشويه لقيت تليفوني بيرن كان المدير

مساء الخير يا فندم
مساء الخير يا هند ممكن أعرف أيه اللي عملتيه ده
عملت أيه يا فندم
أزاي تسيبي الشغل والعميل وتمشي
يا فندم حضرتك مش عارف أيه اللي حصل
أيا كان اللي حصل من أمتي بنسيب الشغل
أنا اسفه يا فندم بس حضرتك ممكن تخلي حد غيري يقوم بالتصميم ده
والسبب!!
سكت ومعرفتش أرد أصل هقول أيه عندي مشاكل مع جوزي وأن جوزي هو العميل!!
أظن معندكيش أسباب تقوليها طيب يا هند من بكره تروحي تصممي الديكور للعميل
بس يا فندم
مفيش بس
اتنهدت وقولت 
حاضر يا فندم
أتمني ده ميتكررش تاني
تمام يا فندم أنا اسفه
قفلت معاه وفضلت أتأفأف من الخنقه فضلت قاعده لحد ما سمعت صوت الباب وكان بابا طلعت
أيه يا بابا عملت أيه
اتكلمت معاه وقال أن أنت مراته وطالما لسه مراته يعني يقدر يعمل أي حاجه
بعصبيه قولت 
يعني أيه
قعد وقال 
يعني اهدي لحد ما نشوف الموضوع ده هيرسي علي أيه
بعصبيه أكتر قولت 
البيه أشتكي للمدير بأني سيبت الشغل والمدير عايزني أروح وأكمل شغلي 
الشغل ملهوش علاقه يا هند حاولي تفصلي ما بين شغلك وحياتك الشخصيه
بس يا بابا أنا مش عايزه أبقي متواجده معاه في مكان
هند متنسيش أنه جوزك وأنا واثق أن تميم بيحبك وميقدرش يأذيكي حتي لو قال كلام يضايق
هزيت راسي ودخلت المطبخ عملت كوباية نيسكافيه وطلعت البلكونه فتحت الساوند علي أغنية فيروز
بكتب أسمك يا حبيبي علي الحور العتيق تكتب أسمي يا حبيبي علي رمل الطريق بكره بتشتي الدني علي القصص المجرحه يبقي أسمك يا حبيبي وأسمي بينمحي 
كنت معليا الصوت وبشرب النيسكافيه في هدوء الهوا كان بيخبط في شعري بحنيه أكتر منه رفعت كوباية النيسكافيه عشان أشرب عيني وقعت علي عربيه فيها شخص شخص مركز معاي أفتكرت أيام زمان في نفس الوقت ده لما كنت بقف في البلكونه وهو يبقي في العربيه وبتجمعنا مكالمه لذيذه كلها حب وهزار قلبي دق لما عرفت أن هو اللي في العربيه
رجعت لورا ودخلت من البلكونه فضلت مصدومه ومش مصدقه أنه موجود حوالي دخلت الأوضه وقررت أنام ومفكرش في حاجه أو بمعني أصح نمت عشان مفكرش فيه هو صحيت وفضلت أتأمل في السقف للحظه أفتكرت اللي حصل أمبارح أتضايقت بس ضيقي خف لما أفتكرت أنه أجا تحت بيتي بالليل طردت أفكاري وقومت من علي السرير دخلت التويليت أخدت دش دافي طلعت لبست دريس دخلت المطبخ وعملت نيسكافيه في المج الحراري نزلت أخدت تاكس يوصلني للمكان وقفت قدام العياده وأنا متردده طلعت مني تنهيده وفتحت الباب ولقيته قاعد في وشي دخلت بهدوء وقفلت الباب
جيتي يعني
لو مكنتش أشتكيت للمدير مكنتش جيت
الشغل شغل ولا أيه يا بشمهندسه
غيرت الكلام وقولت 
هنبدأ منين
بالأوضه بتاعتي دي أهم حاجه ولازم تطلع بشكل كويس أوي
هزيت راسي وقولت 
أتصلت بالناس اللي هتيجي تنفذ الشغل وهيجوا كمان شويه
بأهتمام قال 
فطرتي!!
بصيت له وقولت 
مش بفكر في الأكل طول ما بشتغل
وعشان كده قبل ما تشتغلي لازم تاكلي حاجه تحبي تاكلي أيه!!
شكرا يا دكتور ملهاش لازمه
قولت جملتي ومشيت من قدامه وقعدت علي كرسي طلعت المج الحراري وخدت بق من النيسكافيه 
قعد جمبي وقال 
كان شكلك حلو أمبارح
خدت بق تاني وأنا بتجنب كلامه وقولت 
عايز توصل لأيه بالظبط
هز كتافه وقال 
هعوز أيه يعني مراتي وقاعد معاها 
بعدت عيوني عنه وكنت هشرب من المج بس لقيته مسك المج وقال 
مينفعش تشربي النيسكافيه كده