اسكربتات
حد عينه ملونة ويبقا انسان طبيعي كدا!
عيطت تاني يعني قصدك اني وحشة
لا لا والله بقولك مش إلك حل تقولي وحشة!
ابتسمت ف قال طب بټعيطي ليه
فيه حفلة كمان شوية المفروض إني هغني فيها معنديش حد ومبتكلمش مع حد معنديش غيرها ندى! كلمتها وبحكيلها قالتلي مش لاقيين غيرك!
عياطي زاد ف كملت رغم اني والله بعملها كل حاجة عشان تكون مبسوطة ومش بقولها على حاجة لا! حتى رغم أن هي متعرفش عيد ميلادي ف شهر إيه عملتلها عيد ميلاد وجمعت فيه صحابها..
قام وقف يلا قومي عشان وراكي جماهير مستنياك
بس انا مش هغني.
يبقى افتكريني لما الشهرة تاخدك مننا وتقولي كنت أعرفك.
مش عايزة أغني.
باب المسرح فينننن.
دخلت المسرح وكنت بتفرج على العروض من ورا الستارة جه الوقت اللي كنت هغني فيه دخلت وقفت على المسرح وأنا خاېفة بس ف خيالي الشخص الغريب اللي سمعني وشجعني وببص لقيته بيشاورلي أبدأ.
خلصت غنا صوت التسقيف بيعلا والصفير شغال ورد بيتحدف على المسرح كأني ف فيلم قديم كأني..كأني نجحت!
وانا محتاجة أقولك شكرا.
هستنى أسمعها بطريقة تانية ف وقت تاني.
طب استنى يا اسمك إيه!
مش مهم إسمي هنتقابل تاني متقلقيش.
روحت فاليوم دا وكنت مبسوطة من قلبي نمت وأنا بقرر قرار مش عارفة هندم عليه ولا نتيجته إيه!
لو سمحت مش دي عمارة الدكتور محمد
دكتور المجانين
مجانين!
بتاع الطب النفسي دا أيوة فالشقة التانية.
والاخير
هو ينفع أقابل الدكتور انهاردة
عندك معاد سابق
عادي مفيش مشكلة..
فضلت مستنية شوية شوفت كذا حالة وأغلبهم سببهم علاقتهم بالناس الناس مؤذية جدا.
تقدري تدخلي تقابلي الدكتور..
دخلت وبعد كم لا بأس به من
السلامات والتعريف بالشخصية طلب مني أقعد أتكلم كأني بتكلم مع نفسي.
أنا عايشة لوحدي بقالي 3 سنين معنديش غير صاحبة واحدة بتستغلني بتحب تشوفني حاجة قليلة رغم اني معملتش حاجة! أهلي ميعرفوش حاجة عني ولا بيفكروا يسألوا عني.
أنت ليه حاطة نفسك فالوضع دا
وضع إيه
وضع المجني
