حلم اروي

مبروك يا مدام اروي انتي حامل.
بصتلها بذهول وعينيا دمعت وقلت
بجد يا دكتورة بجد انا حامل..اتاكدي ايديكي انا مش حمل ۏجع تاني.
ضحكت الدكتورة وقالت
والله بجد انا متاكده مش انتي حامل في شهرين
بس ازاي ازاي..انا مش فاهمة انا كنت عقيمة انتي بنفسك قلتي مفيش امل !
ربنا كريم اووي يا اروي مفيش حاجة مستحيل بالنسباله.

حطيت ايدي علي وشي وبكيت وانا بقول
الحمدلله الحمدلله يارب اخيرا جبرت بخاطري اشكرك يارب
مسكت ايد الدكتورة وقلت
شكرا يا دكتورة مش عارفة اقولك ايه انا لازم امشي دلوقتي لازم اقول لسيف علي الخبر ده اكيد هيطير من الفرحة حبيبي متتخيليش استني اليوم ده قد ايه 
هزت الدكتورة رأسها ومشيت انا ركبت عربيتي وانا بسوق براحة الضحكة كانت مش مفارقة وشي ودموعي بتنزل لوحدها .كان نفسي اصړخ في الشارع واقول اخيرا انا حامل .اخيرا حلمي اتحقق بقالي خمس سنين بحلم باليوم ده خمس سنين من اول ما عرفت اني بعد جوازي بسيف بخمس شهور خمس سنين وانا بسمع كل اللي حواليا يتكلموا عليا 
خمس سنين وحماتي بتسم في بدني وحاولت اكتر من مرة تجوز ابنها لواحدة تاني لولا أن سيف اتمسك بيا .سيف هو الوحيد اللي متخلاش عني حسسني اني اهم واحدة في العالم ومش مهم الأطفال. بس خلاص ربنا جزاه علي صبره قررت اروح الشركة بتاعته هناك.
دخلت الشركة وانا مبسوطة ماشية بسرعة تجاه مكتبه فتحت باب المكتب فجأة الابتسامة علي وانا
سيف قلتها پصدمة
وقال
اروي!
دموعي نزلت لوحدها ومستحملتش اقف اكتر وهربت !
جري ورايا سيف ومسك ايدي
افهميني بس يا اروي
زقيته وانا پصرخ
أفهم ايه قولي أفهم ايه انت اتجوزتها 
صح انا اتجوزتها
طب ليه ليه بالشكل ده .
بكيت ومقدرتش اكمل.
حاولت اهدي نفسي بعدين بصيتله بتصميم وانا بقول
انت الوحيد اللي حسسني مش ناقصة انت الوحيد اللي معيرتنيش بعقمي بس خلاص انت زيهم يا سيف انت اسوء منهم مفيش حد عايرني فيهم وقدر زي ما انت بالشكل ده طلقني يا سيف طلقني
روحي البيت دلوقتي وانا هاجي ونتكلم واللي عايزاه هيحصل 
مسك ايدي وقال بتصميم
اي حاجة عايزاها يا اروي هتحصل بس الطلاق لا فاهماني انا مش هطلقك..
اهدي خلاص يا اروي بطلي بكي قطعتي قلبي حرام عليك
بس انا مقدرتش اوقف دموعي مش راضية توقف حضنت أميرة جامد وانا بقولها
الغشاش..كان بيقولي اني اهم حاجة في حياته كان بيكدب عليا يا اميرة بيستغفلني طلع متجوز من خمس شهور وانا اللي زي العبيطة كنت رايحة افرحه بحملي..
بعدت عن أميرة ومسحت دموعي وقلت بتصميم
بس لا انا هندمه علي اللي عمله
هتعملي ايه 
بصيتلها وقولت
هسافر هختفي من حياته هيتجنن وهو مش قادر يوصلي
طيب وابنه
ملهوش حق يعرفه ده ابني انا بس هربيه لوحدي
مسكت أميرة ايدي وقالت
متخليش يضحك عليه مهما كان ابو اللي بطنك من حقه يعرفه
لا مش من حقه