بقلم حبيبة مصطفي

وشنا منهم فين...بس عموما العيب مش علينا العيب من اهل العروسه معرفوش يربوا بنتهم....انا قولت البت دي قليله ادب من البدايه و وراها حاجه محدش صدقني
محمد پصدمه اودي وشي فين دلوقتي
سمير ده انت وشك في الطين
امير بصوت عالي كلم ابويا عدل احسنلك
كانت تتعالي جميع الاصوات في الغرفه و لم يلاحظ احد صډمه سعد و سكوته 

ورد بدموع جدي....انت ساكت ليه رد عليا
ثناء بصوت عالي ما انت لو عرفت تربي مكانش ده حصل لا و الاخت اللي هربت اختها
ورد نظرت لها وقالت معملتش حااجه....بابا هو انت تصد
صفعها محمد بالألم امام الجميع يا خسارة تربيتي فيكي يا ورد
امير بعصبيه انت ازاااي تضربها هاااه...حلفت انها معملتش حاجه
ثناء اي حد يحلف كدب عادي
امير بصوت جهوري انتي تحلفي كدب اه لكن ورد لا....انتي بلبسك ده و الزينه اللي انتي عملاها في نفسك دي و بعدك عن ربنا رغم كبر سنك تحلفي كدب اااه لكن ورد لااااا....هيا اه اصغر واحده بينا هنا لكن اقرب واحده فينا لربنا...اكتر واحده تعرف الصح من الغلط هناااا
ورد پبكاء يا جدي بالله عليك رد عليا والله معرفش حاجه والله
تعالت اصوات الجميع 
سعد بصوت عالي بسسسس
سكت الجميع
وقف سعد وقال ورد...انا مصدقك بس هطلب طلب منك و متكسريش بخاطري
ورد پبكاء اطلب
سعد تتجوزي زين يا ورد وتنهي الخلافات بين العيلتين....و متصغريش ابوكي ولا تصغريني قدام اللي تحت
حلت الصدمه على الجميع 
زين بعصبيه لا طبعا...انا اتجوز دي
امير بعصبيه وكاد ېتهجم على زين لكن مسكه اسر و يزيد انت ازاي تتكلم عليها كده....اللي انت بتتكلم عليها دي احسن منك و من اي حد هنا انت فاااهم
تعالت الاصوات مرة اخري...و في هذا الوقت نظرت ورد لوالدها 
محمد لورد هه فكراني هقف جنبك....لا واللي يشوفك بتنصحيني ابعد عن الغلط و بحبك يا بابا...عايزه نتجمع في الجنه يا بابا ميشوفكيش وانتي بتصغري مني يا ورد....ياريت كنتي مۏتي بدل ورده اختك في الحاډثه على الاقل هيا مكانتش هتصغر مني كده
ورد پصدمه ياريتني كنت مت...الأصول تصدقني
امير بدموع متوافقيش انتي فاهمه...انا جنبك هنا...انا مصدقك....متغيريش حياتك في يوم وليله....انتي ملكيش ذنب تدفعي تمن حب زين لنيرة او تدفعي تمن خېانة نيرة لزين انتي فاااهمه
ورد بدموع بس يا امير
امير مازن بيحبك يا ورد....ناوي يتقدم كمان....اختاري نفسك يا ورد
بكت ورد بشهقات عاليه بعد معرفة حب مازن لها 
امير استني لو مش مصدقه
اخرج امير هاتفه و فتح تسجيل المكالمه بينه وبين مازن 
تسجيل المكالمه
امير مش سامعك يا مازن
كي يعيد كلامه مره اخري
مازن ااا...بقولك انا معجب بورد و عايز اتقدملها بس قولت يعني استني لما ربنا يتمم لنيرة اختك على خير و اجي ادخل البيت من بابه و اطلبها قدام ربنا
امير اه يا مازن تنور في اي وقت
مازن بنورك يا حبيبي
امير بس اشمعني ورد يا مازن
مازن يعني....انسانه محترمه..طريقه كلامها كويسه جدا...قريبه من ربنا...و اتقابلنا اربع مرات صدفه يعني ساعة الجنينه لما ساعدت الراجل العاجوز...وساعة الطيارة و مره في الفندق و اللي مكنتش اتوقعه بقي اني اكون الدكتور بتاعها....و الاربع مرات دول والله يا أمير كانت بتتكلم بإحترام معايا فأنا بصراحه عايزها تكون شريكه حياتي...فقولت مش هكلمها في الجامعه عشان محرجهاش...قولت استأذنك انت الاول
امير تنور يا مازن...سلام يا حبيبي
مازن سلام
اغلق امير التسجيل 
امير بدموع انا عارف انك معجبه بمازن و عارف انك بتدعي ربنا يكون من نصيبك...ورد...ملكيش دعوه بحد هنا
الاب محمد هو ايه اللي ملهاش دعوه بحد....هيا تهرب اختها و تبوظ سمعتي و تقول ملهاش دعوه بحد....يا تصلحي اللي بوظتيه و تتجوزي زين يا اتبرى منك ليوم الدين و متدخليش عتبه بيتي
امير انت ازاااي اب....عارف ان بنتك معجبه بواحد تاني و من احترامها ممشيتش معاه ولا قالتله كلمه بحبك حتى زي بنات اليومين دول ولا ارتبطت بيه...دي بتدعي ربنا عشان يكون نصيبها و لما ربنا يتقبل دعوتها تقولها كده
محمد بنتي اااه....ياريتها ماټت بدل ورده....مش انا اللي اقنعت امك تحبك هاااه مش انا اللي اقنعتها ان ورده الل
امير بسسسس بقي بسسس...متجيبش سيرة ورده الله يرحمها انت عارف انها بتضعف قدامها
جميله پبكاء احلفك بحياة ورده يا ورد وافقي
امير بدموع لا يا ورد
ثناء انت عايز تبوظ سمعة العيله يعني ولا ايه
امير لو همك سمعة العيله جوزيه بنتك
ثناء على الاقل بنتي مش قليله ربايه و هتهرب
تعالت الاصوات مرة اخري و قاطعهم صوت ورد 
ورد پبكاء مموافقه
صدم الجميع 
سعد الله ابدأوا التجهيزات الضيوف استنوا كتير
انتهى البارت رأيكوا خاص فضلا يا سكاكر
مين ورده و ايه اللي حصل
يا تري ورد و زين هيتعاملوا مع بعض ازاي
رد فعل مازن ايه لما يعرف
لو كنتوا مكان ورد هتعملوا ايه.....تختاروا عيلتكوا و سمعتها ولا نفسكوا و شخص انتوا معجبين بيه
دمتم في سلام
كسرة_قلوب
رواية كسرة قلوب
بقلم حبيبه مصطفي 
ياقوت
البارت التامن 
ورد پبكاء مموافقه
صدم الجميع 
سعد الله ابدأوا التجهيزات الضيوف استنوا كتير
سندس حاضر انا دلوقتي هتصل بالفندق اخليهم يبعتوا فستان
اسيا تمام يا ماما وانا هتصل بالميكاب ارتيست
الجد سعد زين انا عايز اتكلم معاك في موضوع لو كده تعالى احنا ننزل الجنينه لغايه ما هم يخلصوا
زين بحزن شديد حاضر ياجدي
بدأ الجميع بالتجهيزات وكانت ورد حزينه للغايه فتغيرت حياتها في يوم واحد فقط ولم يكن مخطط له 
في الحديقه 
الجد سعد بص يا زين ممكن تكون مضايق مني دلوقتي بس صدقني انا بعمل ده لمصلحتك انا شفت اختيارك وطلع اختيارك غلط يا زين وصدقني مش هتندم على اختياري لورد عشان بجد هي انسانه كويسه وانسانه محترمه رغم ان هي ماعملتش اي حاجه ومالهاش ذنب الا انها وافقت تتجوزك علشان متصغرش من ابوها ولا تصغرني
زين بتريقه اه اه محترمه... جدي انت متعرفش اي حاجه عن ورد مش معنى ان انت قابلتها مره وساعدتك فيها يبقى هي كده انسانه كويسه انا عارف حاجات انت متعرفهاش وابوها نفسه ميعرفهاش فبالله عليك ماتخلنيش افتح في الكلام وانا وافقت وخلاص بس استحاله احطها في مكان نيرة وانا متاكد ان نيره هترجع ومتاكد ان ورد هي اللي ساعدتها بس انا اول ما نيرة تيجي ساعتها انا هطلق ورد
الجد سعد تطلق مين يا ابني مش ممكن تكون نيره مفهماك حاجات غلط عن ورد... انت مكنتش موجود يا زين معاهم و مسمعتش حاجه و مشوفتش حاجه صدقني ورد انسانه كويسه عشان انا استحاله اختارلك انسانه وحشه انا عارفها كويس بس انت اللي متعرفهاش كويس يا زين
زين بضيق حاضر يا جدي اللي فيه الخير يقدمه ربنا
بعد ساعه كانت ورد على اتم استعداد ونزلت اسيا إلى الحديقه كي تخبر زين....صعد ومعه الجد سعد...انصدموا من جمال ورد...فكانت ترتدي فستان جميل و عليه خمار باللون الابيض و كانت ترتدي طرحه زفاف و تاج علي رأسها....حقا كانت تشبه الاميرات....نزلت ورد مع زين إلى الاسفل و صدم الضيوف من جمالها و احترامها...و بعد قليل بدأ المأذون بعقد القرأن...ثم اخبر زين جده ان ينهي ذلك الفرح و انه يريد الذهاب لأنه لم يستطع التحمل اكثر من ذلك وبالفعل وافق الجده على طلب حفيده 
امام الفندق.... كان يقف الجميع و كانت جميله تودع ورد
جميله
بدموع ورد انا اسفه بس ده كان لازم يحصل
محمد انتي بتتأسفي ليه مش هيا اللي هربتها
جميله هتوحشيني حضنت ورد پبكاء 
ورد پبكاء متعيطيش يا ماما و كان لازم اعمل كده بس والله العظيم مش انا اللي هربت نيرة والله معرفش هيا فين ولا كتبت اسمي ليه
امير بدموع مصدقك يا حبيبتي والله مش لازم تحلفي لحد....اهم حاجه خلي بالك علي نفسك يا ورد و لو عايزه اي حاجه رني عليا
ورد حضنته پبكاء حاضر يا حبيبي
يزيد بدموع هتوحشيني
ورد مش كنت بتقولي امشي امشي
يزيد بدأ بالبكاء انا عارف والله بس كنت بهزر معاكي...صدقيني البيت هيبقي وحش من غيرك...مش هلاقي حد يقولي تعالي قوم صلي بيا....ولا هرخم عليه و نضرب في بعض و يبقي عامل دوشه في البيت
ورد پبكاء هجيلكوا كل شويه والله حضنته پبكاء 
محمد يلا عشان منتأخرش
ورد نظرت له بدموع بابا....بالله عليك اتكلم معايا او بصلي حتي
محمد يلا يا جميله نمشي من هنا
ورد پبكاء يا بابا
محمد امشي يا ورد عشان مكسرش قلبك....امشي
الجد سعد يلا يا ورد
نظرت ورد إلى والدتها نظره اخيره ثم ركبت العربيه و ركب زين بجانبها....ثم ركب اسر مكان السائق و بجانبه اسيا ثم انطلق الجميع 
في العربيه 
اسر كي يكسر الصمت بس والله يا ورد فرحان انك بقيتي من عيلتنا
ورد بإبتسامه حزينه شكرا يا اسر
اسيا اممم....بس انتي عسوله اوي والله
ورد انتي اجمل يا عيوني
كان زين شارد في الطريق و يفكر في نيرة 
في المطار 
نيرة زمانهم لغوا الفرح
لؤي احسن على الاقل هتكوني مع الشخص اللي بيحبك اهو مسك ايديها 
نيرة بحبك اوي يا لؤي
لؤي وانا والله يا حبيبتي
في منزل محمد 
جميلة بحزن بنتي فين....يا تري هيا كويسه ولا لا
محمد انا مش عايز حد يجيبلي اسم نيرة هنا....فاهمين
جميلة پبكاء انت ازاي قلبك قاسې كدا يا محمد دا بدل ما تدور عليها
محمد بنتك مش عيلة صغيرة وتاهت يا جميلة بنتك واحده كبيرة وعاقلة وأختارت توطي من راس أبوها فاللي متخافش على شرفي قدام الناس تبقى مش بنتي فمش عايز حد يجيب سيرتها مفهوم
يزيد بحزن حاضر يا بابا
امير انا داخل البلكونه
دخل أمير البلكونه كي يرن على مازن 
مازن السلام عليكم
امير وعليكم السلام
مازن عامل ايه يا حبيبي
امير بخير والله يا صاحبي انت عامل ايه
مازن بحزن الحمد لله اهو....ورد عامله ايه
امير عايز اقولك حاجه....من حقك انك تعرف
مازن بقلق قول يا امير
امير بتوتر اااا....بص....هو....ورد اتجوزت
مازن پصدمه اتجوزت ازاي يا امير
امير حصل...........بدا بسرد الاحداث 
في الڤيلا 
دخل زين و صعد إلى غرفته امام الجميع 
الجد سعد كلمه واحده ومش هكررها تاني...محدش يجيب اسم نيرة هنا مفهووم
الكل مفهوم
الجد يلا الكل يطلع على اوضته... ورد خليكي عشان عايزك
صعد الجميع ماعدا ورد 
جلس الجد و قال تعالي يابنتي اقعدي
جلست ورد بجانبه وقالت خير ياجدي
الجد بصي يابنتي انا مصدقك بس ده اللي كان لازم يحصل....سمعتنا كانت هتبقي وحشه اوي بين الناس... و الخطوبه كانت عائليه يعني محدش كان عارف شكل العروسه ايه...فكان لازم تاخدي مكان اختك
ورد بدموع عارفه ياجدي
الجد سعد والله يابنتي زين طيب اوي مش بقولك كده عشان حفيدي والله....اعذريه على اللي عمله النهارده هو بس كان مصډوم علشان مكانش متوقع كده من نيره... يعني الانسانه اللي حبها سابته ومشيت في يوم فرحهم وكسرت ثقته فلازم يابنتي نقف جنبه
ورد بدموع عارفه والله يا جدي و انا هحاول على قد ما اقدر اقف جنبه بس يا ريت هو يصدقني علشان انت شوفته كان بيكلمني ازاي