رواياتى
وأنا حاسه بتعب دخلت أعمل ينسون وشربته بس بلا فايده قومت بسرعه من مكاني فحسيت بدوخه قعدت مكاني وأنا حاسه بتعب شديد جرس الباب رن
قومت بهدوء وكان عدي بيه أول ما شاف حالتي سندني وقال
في أيه مالك
هزيت راسي وقولت
مش عارفه حاسه أني مش كويسه خالص الحقني أبوس أيدك
شالني ونزلنا روحنا المستشفي
بأبتسامه قالت
مبروك أنت حامل
أيه!!
ابتسمت وقالت
حامل بقالك أسبوع
كملت كلام وقالت
حضرتك جوزها
ابتسم وقال
أخوها هي حبت متقلقش جوزها
هزت راسها بتفهم وقومت من مكاني مشيت جمبه بهدوء وهو فضل ساكت تماما وصلني لحد العماره من غير ولا كلمه خد مني رقمي عشان لو أحتاجت حاجه ومشي
بقولك حامل
بفرحه وهو مش مصدق وقال
أنت أزاي متقوليش وأنت هناك
هز كتافه وقال
مش مهم المهم أني كنت هطمن عليها وكنت هبقي جمبها
بص له بطرف عينه وكمل
مش أنت
رفع أيده وقال
أنا قولت أني أخوها وبعدين أنا أخلي بالي منها دي مرات عشرة عمري
خده تحت دراعه وقال وهو بيضحك وقال
هي بجد حامل
ضحك بعلو صوته وقال
حامل وربنا حامل
بتساؤل قال
بس أنت ناوي علي أيه
مش عارف بس قريب أوي هرجعها
ابتسم وقال
هند معذوره يا عدي هند شافت كتير أمي كانت بتعاملها وحش وزيها زي أي واحده مستحملتش قالت تبعد مع أني عارف أنها بتحبني
ربنا يجمعكوا علي خير يا صاحبي
طلعت البيت وأنا مصدومه أزاي هقدر علي الموضوع ده لوحدي أزاي هستحمل مسؤلية طفل لوحدي وأنا مش قادره أتحمل مسؤليتي قعدت علي أقرب كنبه وحطيت أيدي علي بطني
دمعت
وقولت
ياريتك كنت معاي دلوقتي
الجرس رن أتوقعت أنه يكون عدي بيه وفعلا طلعت توقعاتي صح
عامله أيه دلوقتي
الحمدلله
سكت وبعدين قولت بتوتر
عدي بيه أنا كنت متجوزه علي فكره
بس أنا مسألتكيش يعني دي خصوصياتك محبتش أتدخل فيها
فاهمه بس حضرتك متعرفنيش كويس فحبيت أوضحلك أني كنت متجوزه
يعني أتطلقتي!!
آه
السبب!!
موضوع يطول شرحه
لو عايزه تحكي لي كأخ أو كصديق أنا معنديش مشكله
تمام بس حابه أشكرك علي اللي عملته معاي الأول
معملتش حاجه زي مقولت هناك أنا أخوكي ومفيش شكر بين الأخوات المهم هدخل أعمل فنجان قهوه
