عماره الموتي_بقلم هويدا زغلول _كامله

_عمارة الموتي١
ايهاب
انا بجد بحب المطعم ده لانكم بتشوفو شغلكم كويس وبالذات خدمة الديلفري مش بتاخد وقت خالص في توصيل الاوردر..
الجرسون
تحت امرك يا افندم هو حضرتك ساكن هنا قريب من المطعم..
ايهاب 
لا انا ساكن بعد هنا بشارعين كده في عماره سته ونص اللي اول الشارع..
الجرسون ملامحه اتغيرت وقال
لا يا افندم احنا ما فيش اوردرات بتطلع من عندنا للعماره دي بالذاات

ايهاب
ازاي ده بقولك انا بكلمكم كتير و..
قاطعه الجرسون
لا بقول لحضرتك ممنوع نوصل طلبات للعماره دي بالذاات..
ايهاب 
ليه طيب مالها العماره دي
الجرسون 
احنا بتجيلنا طلبات منها كتير بس مش بتكون بني ادمين دول
_وقبل ما نبدأ قصتنا تعالو نتعرف علي بطلنا النهارده واللي اسمه ايهاب وعنده واحد وتلاتين سنه وبعد ما ولدته توفت اټخانق مع خاله واللي حصل..
الخال
لا يا حبيبي العماره دي كلها بتاعتي وامك باعت ليا الشقه عشان تكمل ليك مصاريف دراستك
ايهاب. 
ازاي ده احنا كنا عايشين فيها
الخال
ده فضل مني ما هانش عليا اسيب اختي حبيبتي في الشارع انما دلوقتي فا انا اولي بمالي وابني رايح يتجوز والشقه دي هتبقي هديه مني ليه ولعروسته
ايهاب
طيب اديني كام يوم يا خالي انا كده اللي هترمي في الشارع
الخال
روح بيت ابوك اللي ورثو من جدتك واقعد هناك
ايهاب
تصدق صح انا ناسي الموضوع ده وماما كانت بتقول نشيل البيت ده لوقت زنقه عشان لو حصلت حاجه يبقي موجود كان قلبها حاسس ان اخوها هيطلع واطي..
الخال 
انت بتبرطم تقول ايه يا واد انت
ايهاب.
مش بقول حاجه بس معلش اديني كام يوم اروح الشقه هناك اروقها وانضفها عشان انقل فيها
الخال
هما يومين وتاخد كركيبك وتمشي انا ناقص هم
قال كلامه وطلع وايهاب قال بغيظ
اااه يا ابن ال.. ولا بلاش انت خالي برضو اما تروح اشوف العماره دي..
نزل من البيت ووقف تاكسي وطلع فيه وساله السواق وقال
السواق
علي فين يا استاذ
ايهاب
اكتوبر شارع رياض الشيخ يا اسطا
السواق بص ليه وقال
امم وانت رايح فين هناك بقي
ايهاب
انت بتبص ليا كده ليه المشوار مش بعيد وكمان انا رايح العماره سته ونص اللي اول الشارع
السواق 
انزل يا استاذ الله يباركلك انا مش ناقص
ايهاب
يا عم في ايه هو انا بقول ليك وديني شارع الهرم
السواق
انا مش هوصل حد اتفضل بقي انزل
_اتنهد ايهاب بضيق ونزل وقف تاكسي تاني وسال السواق قبل ما يركب وقال ليه
ايهاب 
اكتوبر يا اسطا شارع رياض الشيخ عماره سته ونص
السواق
ايوه يا ابني اتفضل
ايهاب 
ياريت يا حج كل سواقين التاكسي زيك كده..
_طلع ايهاب جنب منه واستغرب لما لقي ايد السواق شبه التلج بصوعلي وشه لاقاه مركز علي الطريق اووي ما اهتمش وطلع موبيله يقلب فيه ووقف الراجل بالتاكسي وطلع الفلوس ايهاب وكانو متين جنيه اداه خمسين وشال الميه وخمسين في جيبه وداها ليه ونزل والتاكسي مشي
_دخل ايهاب العماره وانبهر بجمالها من جوه المدخل نضيف وراقي جدا طلع البواب من اوضته وقاال
البواب
خير يا بيه طالع عند مين.
ايهاب
الله يخليك والله اول مره حد يحترمني ويقول ليا يا بيه..
البواب
طالع فين حضرتك.
ايهاب
انا ساكن هنا يا عم الحج ليا شقه في الدور السابع
البواب 
طيب اتفضل يا بيه انا هطلع معاك لو محتاج حاجه
ايهاب
بصراحه كده انا المفتاح مش لاقيه بس معايا عقد. الشقه باسم ابويا
البواب دخل جوه اوضه ايهاب بقلق
يا عم الحج انت روحت فين بس خد هنا
طلع البواب وقال ليه
كنت بجيب ليك المفتاح يا بيه من جوه انا عندي نسخ للشقق بتاعت العماره كلها
ايهاب 
بجد طيب كويس شكلك راجل امين ممكن طيب هاخد المفتاح وتروح الشقه تروقها ليا وبعدين انا لما هجيب حاجتي واجي بكره هدياك حسابك
نزلت بنت جميله اووي علي السلم وقالت 
اعتبر الحساب وصل يا ايهاب
بص ليها ايهاب وقال
مين القمر اللي عارفه اسمي دي
البواب
دي الانسه ايه بنت خليل بيه صاحب العماره
ايهاب
انتي ايه بجد
ايه 
لا وحده شبهها في ايه يا ابني ايوه ايه
ايهاب
لسه فاكراني ده احنا كنا بنلعب مع بعض واحنا صغيرين اووي لما كنت باجي مع بابا هنا عند. تيته
ايه 
طبعا فاكراك وعمري ما نسيتك المهم هستناك بكره تيجي
حس بلمعه غريبه في عنيها ورد عليها وقال
حاضر اكيد هاجي
_خرج ايهاب من العماره ووقف تاكسي ومشي وفجأه ايه والبواب اختفو والعماره نورها