قصة_روسلين بقلم ميرنا نصر

_ كان يوم متعب جدا بس الحمدلله كده يامايان ناقص ايه؟!
=كده عندنا الاربع افراح ويبقى خلصنا ووننزل القاهره بعدهم  بقى عشان وحشتنى جدا 
_فى حد ميحبش الغردقة؟
=انا..  مبرتحلهاش كده.. اهم حاجه الراحه النفسية وانا مش مرتاحه فيها نفسياا
_اممم.
=عايز تقول ايه 
_عرفتى منين انى عايز اتكلم؟
"عشان انا فاهماك اكتر من نفسك"
=عادى إحساس مثلا 
_ انا خاېف 
=ايه؟!
_ مستغربانى صح؟!! اول مره تسمعى منى كلمة خاېف 
‏_لا مش مستغرباك عشان الكلمه خالص.. انا مستغرباك ان دى اول مرة من اربع سنين تقف تتكلم معايا وتوصفلى شعورك 

"ضِحك" 
_كنت محتاج اتكلم مع اى حد باللى جوايا 
"بصيت له بضيق "
_اى حد!! هو انا اي حد بالنسبالك ياوائل 
= بلاش القفش ده يعنى اصحاب وشركاء وكده 
=بس؟! 
_ايوه ايه اللى بس انا مش مرتحلك الفتره دى 
=خلاص انسى.. انت خاېف ليه؟! 
=تفتكرى هنفوز ف المسابقه اللى بعد شهرين دى؟!
_وليه لاء.. احنا شركة عملت اسم كبير جدا ف اربع سنين داخل مصر وخارجها وبنطلب بالاسم عايزين "روسلين"هى اللى تنظم الفرح بتاعنا او الايفينتات والمؤتمرات  وانت ونور وانا شاطرين جدا ف شغلنا ليه منفوزش 
=انا  بذاكر كويس ونور بتذاكر  وانتى اهو شغاله حتى واحنا بنشتغل هنا  مش مقصرة ومبتناميش كويس ساعه ساعتين وبتكملى شغل  بس قلقان عارفه.. انا انا مستنى اللحظة دى من زمان يامايان انا عايز شركتنا تفوز وتُصنف عالميا بعد كده وننجح ونكبر 
=وبعد كدا؟!
_نفتتح فروع تانى كتيررر  يبقى فى روسلين واحد واتنين وعشرين 
=وبعد كدا فى حياتك مش ف الكرير؟!
_انا طالع انام!! يلا اطلعى انتِ كمان عشان متبقيش وحدك..
"انا مايان إبراهيم عندى ٢٦سنه خريجة كليه فنون جميلة قسم ديكور   شاطرة جدا ف شغلى وبحبه جدا واسمى له مركزه ومكانته اى فرح لازم تلاقى جمب كلمة  wedding planner  تلاقى اسمى.. مايان إبراهيم او شركة روسلين.. الشركة اللى ليها اربع سنين فى نجاح الحمدلله ومعايا وائل كمال ..  دا حكايته حكاية بس اصحاب يعنى اصحاب وبس ونور حبيب  البيست فريند بتاعتى" 
_سرحتِ فى ايه؟! بقولك هطلع أنام 
= وانا مش هنام دلوقت هتمشى شويه...
_ماشى انا هسيبك على راحتك تصبحِ على خير 
"وانت من اهلى وكل أهلى يارب"
=وانت من اهل الخير 
_____________
_وحشتينى 
"اتكلمت بصوت مبحوح "
=وانتِ كمان يانور وحشتينى اوى انا نفسى ارجع القاهره انا مش طايقة الغردقة خالص 
_ وائل عمل ايه؟!
=انا بقول الغردقة مقولتش وائل 
_مايان احنا مش لسه هنعرف بعض احنا لينا ٨سنين اصحاب اربعه كليه واربعه شغل انتِ بقيتى جزء منى بحس بيكِ من غير ماتتكلمى  احكى ايه اللى حصل 
=نور انا لمحتله من بعيد انى معجبه بيه..اهتمام واهتميت.. تغير من استايل لبسى وعملت..  حاولت اغير منى عشانه كل الحاجات اللى بيحبها انا كمان حبيتها عشانه..مامته واتصاحبنا وبقيت بحبها وعالم ربنا من غلاوة أمى اعمل ايه اكتر من كدا.. مفيش مفيش إحساس 
_ يالله يالله انتِ مش هتنسى الحوار ده بقى..هو اللى خلقه مخلقش غيره يا مايان ياحبيبى انتِ ليكِ اربع سنين بتجرحى ف قلبك..
"اتكلمت بدموع"
=مخلقش غيره يانور مخلقش غيره.. مفيش حد ف حنيته، ولا طيبته، ولا طموحه، علاقته بربنا،  ثقته بنفسه،  ضحكته،  وعلاقته بوالدته  هيبته، وجدعنته، وثقافته نور انا بحبه اوى قلبى بيوجعنى ف كل ثانيه هو مش حاسس بيا.. لما بسمع صوته قلبى بيفرح.. عارفه لما بينادم عليا بأسمى بحس ان اسمى حلو لدرجه ان مش عايزه اسمعه من اى حد تانى 
_انا ليا سنين بقولك اعترفيله وخدى الخطوة دى.. كفاية انك ضيعتى اربع سنين متزعليش منى ياحبيبى احنا كلنا اتجوزنا ومعانا اطفال الا انتى هتفضلى كدا لحد أمتى انتى سنك وصل ٢٦ وعشرين سنه 
=قصدك ايه انى عانس انتى بتعايرينى يانور 
_عانس ايه وبعايرك ايه يابنتى انتى راضيه تقبلى بحد انا اختك وعايزه اشوفك مستقرة وف بيت بقا وفرحانه انا بټعذب وانا بشوفك كده 
= خلاص انا عايزه انام هقفل معاكى واطلع اوضتى انام عشان بكره يوم متعب 
"أصعب إحساس ف الدنيا هو انك تحب من طرف واحد  بس الاصعب منه أنك تعيش فى وهم الحب.. ايوة وهم الحب انك بتتخيل اللى بتحبه انه بيحبك بس ساكت.. بتتخيله كل ثانيه انه معاك ومش هسيبك..لكن كل ده انت موهوم  . لو الدنيا سهلة وكل اللى بيحب حد يعترفله ويعيشوا فى سعاده وهنا.. مكنش دا بقى حالى "
__________________صباح يوم جديد____________
_طبعا زى كل مره بتتفرجى على زفه العروسة وفستانها وفرحة العريس بعروسته 
"اټخضيت "
= اووف فى حد يخض حد كده.. ق قلبى وقع 
_اخضك ايه يابنتى؟!  انا ليا ساعه بتحرك جمبك وبتكلم انتِ مالك الايام دى؟!! 
=وائل؟
_نعم 
=هو انا لو بقيت عروسة هبقى حلوه اوى زيها كدا 
"بص لى واتكلم بضِحك"
_ عادى هتبقى انتِ زى ما انتِ مايان بس لابسه فستان وحاطه كيلو دقيق على وشك وكيلو ميك اب 
"ابتسمت ابتسامه صفرا"
=انت شبه العريس اوى بص كدا..حتى البدلة اللى لابسها عندك  منها انا فاكره وصورتك اللى كنت منزلها اول إمبارح بيها شكلك بالظبط 
"ضِحك"
_تصدقى بصحيح شبهى بس هو احلى 
"بصيت له بحب وكأن عنيا بتحفر ملامحه ف قلبى واتكلمت بضحك ممزوج بخجل "
=تؤتؤ انت احلى منه بمراحل  .. انت كلاسيك جنتل وسكر مسكر كدا 
_طيب مش هنشتغل ولا ايه 
"بصيت له بضيق وهو بيتهرب من اى كلام" 
=مش قاعد غير ديكور البوفيه نتمم عليه..  بس انا مش قادره.. 
_مالك؟!  انتِ كويسه حاسس انك مش نايمه كويس 
" ايه دا انت طلعت بتحس زينا  عادى "
=ايوه منمتش من إمبارح 
_طيب خلاص هجبلك قهوه وهروح أكمل انا ونرجع نتكلم زى ماانتى مصممه من الصبح اننا نقعد ونتكلم مع بعض 
=مبحبش القهوه 
_فى حد يبقى كلاسيك شبهك كدا وميحبش القهوه؟! طيب هطلب عصير برتقال 
=عرفت منين انى بحب البرتقال؟!
_ايه السؤال ده أحنا لينا اربع سنين شغالين مع بعض وبتطلبيه كل مره  
"ابتسمت دا طلع بيلاحظ ياجماعه زينا عادى الموضوع مطلعش صعب اوى "
=ماشى انا هستناك ف مطعم الفندق 
_تمام 
"عدا نص  ساعه كنت حرفيا محضرة  كل حاجة اولا مكان كبير جمب البحر وقلب كبير مرسوم على الارض بالورد وبين كل وردة و وردة شمعه، وخليتهم يشغلو أغنية  *الف ليلة وليلة لام كلثوم  ، أم كلثوم ف المناسبات اللى زى كده هى الحل.. لبست اشيك فستان عندى ورشيت أجمل برفيوم  والاكسسوارت اللى بيحبها لانه ف مره   ودى اخر مره عشان دا ميبنطقش خالص قالى حلوين اوى دول يامايان..لما بينطق اسمى ببقى عايزه اقول قوله تانى كده!!!  .. هو بس لو عرف كم الحب اللى جوايا محفور ف قلبى ليه دا كفيل انه يعيشه أسعد إنسان ف الدنيا"
_مايان انا دخلت الفندق وقالولى انك مش ف الغرفه بتاعتك 
"اتكلمت بصوت مليان حب  "
=ايوه انا قاعده فى مكان حلو اوى بعتلك اللوكيشن بتاعه ع الواتساب 
_ اه تمام عرفته انا خمس دقايق وابقى عندك 
"كان جاى من بعيد  وفى الباك جراوند ام كلثوم بتقول «ياحبيبى ياحبيبى.. الليل وسماه ونجومه وقمره..قمره وسهره.وانت وانا ياحبيبى انا ياحياتى انا  » وكأن أم كلثوم بتوصف اللى بقوله على لسان حالى  شكله متعصب ومدايق  وقفت وقربت منه وابتسمت"
=عرفت توصل بسرعه 
"رد بعصبيه "
=ايه المكان المقرف ده وايه الفستان اللى لابساه ده.. انتى أمانه  ووالدك موصينى انى احافظ عليكى لغايت ماترجعى ف تلبسى فستان بالمنظر ده وتقفى وحدك ف مكان مفهوش حد ومشپوه ورد وشموع انتى جاهزه للخطڤ؟!
"يارب تكون غيره.. يارب يكون غيران"
_وبرضو ام كلثوم كفايه ف الشركه انا بجد معرفش بتسمعى الاغانى دى اذاى؟!!!!
"ابتسمت واتكلمت بخجل وانا بمسك ايده "
=اقعد بس وفى هدوء انا نفسى اشوفك ف مره هادى ومفيش ال ١١١اللى بين حواجبك دى 
_غيرى ام كلثوم عشان بجد بتعصب من اغانيها 
"ضحكتِ"
=اشغل غيران عليكى عارف علشان عليكى خاېف 
_دا انتى رايقه اوى غيرة ايه وزفت ايه يابنتى انتِ أمانه 
=ماخلاص ياعم المحافظ عرفت انى زفت  امانه 
"قام متعصب وطلب  من حد  بعيد يمنع  تشغيل الاغنية وراح نحيه القلب وبعثره ساعتها سجنت  دموعى بالعافيه كأنها سجين عايز يهرب من زنزانه عشان مش مستحمل قهر وعبودية السچن"
_بس كدا ياشيخه المكان بقى مريح الاول كنت.م متوتر خالص جو مشحون سلبية كدا 
=سلبية..!!! 
_ايوة الرومانسية سلبية تصدقى وزن قافية حلو.. ها ياستى احكيلى كنتِ عايزانى ف ايه ومصممة تحكيه من الصبح 
"اتوترت واتلعثمت وخۏفت احكى كنت بس محتاجة نظرة من عيونه.. نظرة واحده بس تأكدلى انه ينفع اتكلم واعترف..نظرة تطمنى من ناحيته.كلمه حلوه تشجع قلبى يتكلم بس حسيت پخوف شديد وقلبى كأن حد بيعصره "
_اسف.. 
"اتكلمت بصوت مليان خوف "
=ليه..ب.تتأسف
_عشان انا عارف انك مبتحبيش الناس العصبية.. ولا بتحبى حد يتعصب عليكى او يزعق قدامك وانا بعمل كده  وعملت كده دلوقت حقك عليا انا عارف انى زى الزفت ف النقطة دى 
"ابتسمت وقلبى هدى شويه"
=انت حلو مش زفت خالص 
"ضِحك جامد وبص ف عيونى بتركيز ودى لاول مره من اربع سنين ف اللى هو انا قلبى بيرقص خلاص..  دا بيبص ف عنيا اينعم متوتر وحسيت وشه بيصفر  بس كانت عينيه كأنها بطبطب عليا وبتهدينى "
=بتضحك ليه؟!
_ اصلك لما بتقوليلى انت حلو او مسكر اه بتعصب بس بحسك طفلة اوى طفلة صغيرة كيوت كدا بس انا بكره الكلام ده يعنى 
"قال كيوت..وطفله  وبحسك لا دا انا هيغمى عليا  قالهم كلهم ف نفس الدقيقه مش كل سنه كلمه سبحان الله تقريبا القيامه هتقوم دلوقت حالا"
_انتِ متنحة كدا ليه يابنتى!!؟ انتِ معايا 
"طول عمرى بتمنى اكون معاك ف كل صلاة هى دى دعوتى الوحيده"
_ماياااان؟!! انتِ سمعانى 
=اه اه انا سمعاك أهو كنت بفكر ف كام حاجة كدا 
_طيب ها ايه الموضوع؟!
"أخذت نفس عميق وهديتنى واتكلمت بصوت رقيق"
=انا كنت جبانة.. وسلبية ومتمسكة بمبادئ هبلة لا تمت للواقع  اى صله  كان المفروض من اول سنة اقعد القاعدة دى معاك    واعترفلك بكل حاجة جوايا.. ماما الله يرحمها زمان قالتلى متشليش جواكى لا حلو ولا وحش.. ساعتها مفهمتش ف سألتها قولتلها مش فاهمه؟! قالتلى لو بتحبى حد  قوليله ولو حد عمل معاكى معروف اشكرية وان حد شكله حلو قوليله  وفرحيه.وان حد زعلك واجهيه وعاتبيه  الكلام الحلو الناس محتاجه تسمعه والۏحش عاتبى بيه الناس وارميه من جواكى ومن ودانك عايزه تعيشى ف سعاده اعملى بالنصيحه دى متشليش وحش ولا حلو 
_الله يرحمها.. بس انا برضو مش فاهم 
=انا للاسف معملتش كده وشيلت.. شيلت جوايا حب كبير اوى اوى  حفر ف قلبى، حفر ايه هو بقى قلبى كله.. وائل.. انا.. انا..
_انا مش فاهم حاجه واول مره اشوفك بتتلعثمى كدا 
=ب. بحبك  .. بحبك من زمان اوى من قبل مااشوفك وانا راسمة شخص كدا كان خيالى وكنت دايما بتريق وبحفل على نفسى واقول هجيبه تفصيل لحد مالقيتك وظهرت انت. ليا اربع سنين بس محسوبين عليا حبك لكن انا بحبك من قبل مااشوفك..  انا عايزه أعيش معاك واكمل حياتى كلها وياك عشان انت مش بالنسبالى حب ف حياتى انت كل حياتى اصلا.. 
"اتعصب ووقف وعَلى صوته"
_حب... حب ايه وزفت ايه؟! ايه الكلام..  الفاضى ده  انتى.. انتى عبيطة ولا اية ا..  انا مش بتاع حب..  ولا  ولازفت.. انا معشمتكيش  بحاجه وان كنتى انتى هبلة وتافهه وعايشه مراهقه متأخرة دى حاجه ترجعلك 
"فجأه لقيته وقع من طوله  واغمى عليه ومكنش عارف ياخد نفسه كان بيتنفس بطريقه غريبة جدا وعالية وغير هاديه  كنت حاسه بنبضات قلبه مكنتش عارفه اقرب منه ولا اجرى بعد الكلام اللى قاله كان عقلى بيقولى كرامتك فين امشى.،  وقلبى عامله ېنزف دموع من الصدمه والكسر ومن منظر الحبيب اللى على الارض فوقته ورشيت برفيوم وقعدت اصړخ عشان حد يجيب الاسعاف لغايت ما جه" 
_انا فين.. 
"رديت بلهفه ورجعت مسكت نفسى واتكلمت بهدوء ودموعى گأنها مطر"
=فى المستشفى حمدلله على سلامتك 
"اتكلم بصوت مغمغم  "
_ايه اللى حصل..
"عنيا كانت بتحفظ ملامحه لاخر مرة"
=مفيش انت بس تعبت شويه نتيجة الضغوطات انا نور ورامز على وصول  ومروحه معاهم 
"قام بإنتفاضه"
_انتِ أمانه اقول ايه لعمو إبراهيم لما ترجعى لوحدك 
=ماانا قولت لحضرتك انى مروحه مع رامز ونور وهما على وصول ووالده حضرتك على وصول للاسف نور بلغتها عشان تاخد بالها منك هنا 
_وانتِ مش هتبقى معايا نكمل هنا 
"بصيت له ولسه الدموع بتجرى من عنيا" 
=حمدلله على سلامتك 
_مايان 
=استقالتى على مكتب حضرتك ف الفاهرة اول ماترجع هتلاقيه 
_أستقالة.. انتِ بتقولى ايه يامايان دى الشركه واقفه عليكى  والمسابقه والافراح اللى طالبينك انتِ بالاسم 
"ف الوقت ده دخلت نور ورامز جوزها جمبها"
=صدقنى مش هقدر اكمل ف مكان انا بشوفك فيه كل شويه انا كدا بأذى نفسى 
"اتعصب وعلى صوته "
_هو هو بالڠصب ل احبك ل تقدمى استقالتك
"اتعصبت وبكيت بحړقة "
=كفاية انت بتقول ايه كفايه تجريح بقا.. كفاية كلام يسم البدن زنبى ايه انى حبيتك.. هاا زنبى ايه.. انا حبيتك من كل قلبى مستكتر الم الباقى من كرامتى اللى بهدلتها امبارح وامشى  انا مش قادره اكمل ولا هقدر اكمل كفايه بقااا
"خرجت بعيط وورايا نور بتهدينى ورامز صاحبه كان بيزعق فيه "
'
" واهو عدى شهر  كان كله عياط وقله نوم وۏجع قلب مش قادرة أعمل حاجه  ولا أتصرف ولا افكر ولا اشتغل لغايت مااخدت القرار انى مش هتجوز ف حياتى هعيش بس اشتغل واهتم بشغلى وكريرى وافتح شركة وابنيها من الاول "
_ينفع ادخل 
"جريت على نور وحضنتها "
=نور وحشتينى اوى.اوى اذاى شهر مشفكيش 
_مهو لازم متشفنيش لما يكون قدامنا منافس ف السوق قوى واسمه مايان إبراهيم لازم نختفى ونذاكر كويس 
"ضِحكت  "
=انا اجى جمبك ايه انتِ ولا هو 
_لا دا انتى عديتى أصلا انتِ ليكى شهر  يابت بس واكتسحتِ  ف السوق وركنتِ روسلين على جمب 
=بإمارة اخر مسابقه ماانتم اللى كسبتو 
_احنا اتنين لكن انتِ واحد 
=الحمدلله مكنتش متخيلة كم النجاح ده انا حاسه انى مبسوطة اوى 
_موحشكيش؟!
"اتوترت واتلعثمت  "
=هو..هو مين ده 
_الحبيب الغائب 
"اتعصبت"
=نور لو عايزانا نكمل اصحاب متجبيش سيرته 
_طيب هو سألنى عنك على فكرة ومتابع الاكونت بتاعك والاكونت الرسمى لشركتك  وامبارح شوفته فاتح فونه وكان الباك جراوند انتِ بلاش قسۏة.
=بلاش انتِ تفتحى ف چرح قفلته وبحاول اخيطه 
_بيحبك انا متأكده من ده.. عارفه فى اوقات بييجى متعصب لما الشركه تخسر حاجه وينادم يامايان ويدخل مكتبك  وبعدها يطلع يبصلى كأنه ماسك الدموع بالعافيه ويقول «احمم انا نسيت انها مش موجوده» حس بوجودك 
=انا بكرهه يانور فاهمه يعنى ايه بكرهه 
"فضلت ٣شهور ف نجاح بحاول ابعد تفكيرى عنه  مهو مش بالسهل ياجماعة دول اربع سنين برضو.. بيوحشنى وبجرى على صوره اكلمها"
 _صباح الخير اذاى مشغله فريد الاطرش ام كلثوم راحت فين 
 ‏"بصيت بلهفه واتكلمت "
 ‏  ‏=انت.. انت ايه اللى جابك هنا 
 ‏"كانت شغاله ف الباك جراوند فريد بيقول مانحرمش العمر منك ياحبيبى.. مانحرمش العمر منك ياحبيبى ولا من ضحكة عنيك الحلوه دى"
 ‏_الله ايه الاغنية الحلوة دى 
"  ‏ابتسمت ابتسامه خفيفة لانه بيكره الاغانى اصلا بس وبالذات الرومانسية والافلام الرومانسية والمسلسلات بس مش عارفة ليه  وجوده والاغنيه شغاله وكان واحشنى كنت حاسه ان قلبى بيحس كل كلمه فريد بيقولها وطاير"
_مدمنة أغانى بس ذوقك حلو..
‏=يسلام مش انت ف المؤتمر  اللى فات لما سجلو معاك قولت انى ذوقى وحش 
‏"ابتسم وبص ف عنيا "
‏_طيب ما انتى متابعه اهو 
‏=بټشتم ومتابعش 
‏_ كنت عايزك ترفعى قضيه ولا تيجى ف المكتب ونشد مع بعض كنت عايز اشوفك مش بس ف الصور ف ثم انك عارفة انك ذوقك مش وحش  لسببين   اولا  عشان انتِ اللى كنتِ مشغله الشركه بذوقك ولطفك 
‏=وثانيا ؟!
‏_ انك اختارتينى وحبيتينى  وانا حلو اوى ف دا لو دل عن شئ يدول تن حسن ذوقك وحلاوته 
‏=نرجسى.. ثم انك بتقول حبيتك وخلصنا عشان انا مراهقه متأخرة لو سمحت اطلع بره يااستاذ وائل 
‏"ساد الصمت بينا وباصين ف عيون بعض وفريد بيقول «وانت جمبى بنسى روحى وانت جمبى بنسى كل الدنيا  الا عينك حبايبى» "
" ‏ابتسم وبص ليا ومسك ايديا"
_ ايه الاغنيه اللى بتحكى كل مشاعر الواحد دى 
=وائل انا مش ناقصه لغبطة اصلا حرام عليك بجد كفايه ضيعت من عمرى اربع سنين وانا متاكده انك كنت حاسس بيا من اول سنه كفايه انى بعدت عنك وابتديت اقوم على رجليا
_جايزتكونى بعدتى عنى  بس ف قلبك صح؟! انا لسه ف قلبك يامايان..  عشان إمبارح كنتِ منزله بوست عجبنى اوى  ودا كان  ليا وانا متأكد  وكان بيقول 
«مُجرد مرَورك المُدهشِ في مخيَلتي 
‏ يُصيبني السِرور بطريِقة مُفرطة.»
=ومين قال انها ليك 
_انتِ من سنتين قولتيلى انك لما بتفكرى ف مواقفنا بتضحكى وبتبتسمى وبتحسى انك فرحانة من غير اسباب.. بس ف البوست  قولتيها بطريقه رومانسيه كنتِ بتلمحيلى من بعيد ف وقتها وكنت عارف انك بتحبينى 
"كان نبضات قلبى عماله تعلو وتخفق تقريبا مكنتش نبضات قلبى دى نبضات عشق من سنين كان صراع رهيب بيحاصرنى بين انى اهرب واطرده وبين انى عقلى يخضع لحب قلبى ليه وعشقه"
=معاك ربع ساعه عشان انا عايزه اروح اتفضل 
‏" بص ليا وعنيها كأنها بتحتوينى.. عنيه كانت بدقق ف ملامحى بطريقة غريبة خلانى متوتره أكتر.. كأنها بتقولى وحشتينى اتكلمت بهدوء وطريقه رومانسية كنت اول مرة أشوفه كده  نفسى اسمع مايان منه كتير واعتزل عن العالم كله عشان مسمعش اى كلمه بعدها "
 ‏_انا..  انا عندى مرض الفيلوفوبيا عارفاه؟!
 ‏"هزيت رأسى بالنفى "
 ‏_دا مرض رهاب الحب  الخۏف من الحب والجواز والبنات  انا عانيت بمشاكل كبيرة خالص من وانا طفل لكذا صدمة ورا بعض.. ووو انا يعنى وو
 ‏" كنت مصدقاه وكان بيتلعثم ومتوتر ومخڼوق وهو بيحكى حطيت ايدى على ايده "
 ‏=انا سمعاك كمل.. ا انت كويس؟!
 ‏_كنت كويس وانتِ معايا.. بصى انا حصلى كذا صدمة وصلتنى لكدا كنت بشوف عڼف كتير وزواج ابويا وامى الفاشل دا زود عندى المشاكل وحاجات تانيه كتير لو حكيت مش هخلص لغايت ماشوفتك حسيت بحاجه غريبة بس فجأة كدا كنت بشوفك اتخنق واتوتر واټرعب  وكنت فضلت كدا شهور لغايت مااتعودت على وجودك بس وانا عارف انى لا هحبك ولا هتحبينى انا.. انا رفضت اتعالج بس بعد ماسبتينى بعد ماعرفت ان ممكن اهرب من الدنيا كلها وعايز اهرب فعلا من الدنيا وبناتها وكل اللى فيها بس وانتِ معايا  اللى حصل وانتِ بتعترفيلى جاتلى صدمة رهاب الحب ودى طريقه علاج انتِ عملتيها من غير ما تحسى عشان كدا أغمى عليا وتعبت  ودا الفايل بتاعى مكتوب كل حاجه عندك والدكتور اللى بيعالجنى.. بس كل اللى عارفه انى.. بحبك  وبرضو مش زنبك تعيشى مع واحد مريض ب الفيلوفوبيا
 ‏= انا قبلاك زى ماانت كدا انا..  انا بحبك..  بحبك اوى كمان 
_انا فاشل ف التعبير يامايان 
انا كنت فاشلة ف كل حاجة انت مش فيها..  فاشلة ف كل خطوة انت مش معايا  فيها 
_مش هعرف اقول كلام حلو 
=مش محتاجة اسمع كفاية عيونك بتحكيلى كل حاجة اصلا 
_حقك انك تسمعى كلام حلو منى  بس انا 
"ابتسمت "
=انا هعلمك.. اصلا لسانك هيقولى كل الكلام الحلو اللى بقوله لما تحسه منى  .. 
=انا هشرب قهوة اعملك؟! 
_انا ملاحظ فى كم فناجين كتير شكلك حبتيها ؟ 
=هى مين دى؟! 
_القهوه.. 
=لا انا بكرها جدا..
_نعم!! اومال لو مكنتيش بتحبيها كنتِ هتشربى قد ايه 
_تشرب؟! 
_مايان!! بتتهربى 
=بتفكرنى بيك ف اتعلقت بيها وبقيت بحبها زي ماانت بتحبها بالظبط تخيل كل البنات بتغير على حبيبها من البنات وانا هغير من قهوة انت متخيل؟!! 
"ضِحك"
_ف كل مرة بتعرفى تخطفى قلبى بطريقة مختلفة انا نفسى اعرف بتجيبى الكلام ده منين؟!
_من قلبى يانبض قلبى
___________________________________
=الحلو سرحان فى ايه؟! ومشغل فريد الاطرش 
_اكيد فيكِ  ...  اهو لسه الاستاذ فريد قايل وانت جمبى بنسى كل الدنيا الا عنيك حبايبى..
=يالله بقا على خطڤ القلوب  
_تعرفى النهارده كام ف الشهر ؟!
=٦/٣٠صح؟!
_بيفكرك ب ايه؟!
=الثورة!!
_فصلتينى  لا. ياختى مش الثورة..زى النهارده من ٣سنين كنت عندك ف المكتب والاغنيه دى شغاله وبعترفلك بحبى 
"ابتسمت انه فاكر وانه مش ناسى كل زكرايتنا "
_بحبك 
=مش اكتر منى..
_لسه بتكرهى القهوه 
=انا وهى بقينا اصحاب 
_ودا ليه؟!
=عشان اتعلم منها اذاى خليتك تعشقها 
_كالمعتاد انتِ اللى بتغلبينى ف الكلام بس انا بعشق عيونك وبعسقك اكتر منها تتعلمى منها ايه بس   تسمحيلى بالرقصه دى على اغنيه استاذ فريد لإحياء الذكرى
"ضحكتِ واتكلمت بطريقة مسرحية" 
=كان على عينى يابنى روسلين  بنتك بټعيط انى اسف ليك و لاستاذ فريد 
_ ابنك!!  طيب نشرب قهوه طيب..يا  مايان  يامينو استنى بس.. ياست منك لله ياروسلين 
"معقول اه معقول اتجوزنا وبنتنا روسلين على اسم الشركه  بتاعتنا  اول معرفتنا ببعض  لما شوفته ف ورشه عمل وكنا لسه طلاب وعرضت الفكره نور ووافقنا . وسميت الشركة روسلين وبنتنا على اسم الشركة انا حابة اقولكم  متأجلوش مشاعركم مضيعوش وقت طالما اللى قدامكم فعلا يستحق  وقادر انه يكونلك سند واهل وطالما انتم الاتنين مؤهلين انكم تفتحوا بيت هيطلع أطفال  اسوياء نفسية  عبروا عن مشاعركم بالكره والحب والاعجاب زى ما قالت ماما متشيلوش لحلو ولا وحش جواكم.. جايز لو كنت كلمته من اربع سنين مكنش يبقى فيه نصيب ربنا بيختار اعظم الاوقات..اللطف  والكلام الحلو هو اللى بيطرد الفيلوفوبيا.. انا اللى حبيت مريض الفيلوفوبيا وانا اللى مريضه بحبه حاليا"
_لسه بتقرى عيونى؟!!انا بقيت بعرف اتكلم خلاص
=‏وأن فِي عينَاك بحرٌ تاهتَ فيه سُفني ❤️
قصة_روسلين

بقلم ميرنا نصر