سكربت بقلم ندى احمد

هقوله إن صاحبك حبيبك تعب وقرر يسافر!
دموعها نزلت بعد ما خلصت غني كنت متابعها وأنا هاين عليا اقوم ابوس راسها واقولها حقك عليا
_أنت كويسه!
رفعت عيونها وبصتلي ب استغراب
_بتكلمني أنا
اهه اسف إن ممكن بتدخل وكدا بس مش قادر اشوفك كدا واسكت محتاجه مساعده
_ بصيتلي شويه باستغراب وبعدين قالت ليا شكرا ومشت.
مشت. 
عدا ٣ شهور علي الموقف د ومشوفتهاش بعدها ولسه مش قادر انساها
هو الطبيعي أن حد يحب حد شافه مره واحده ومدارش بينهم غير كلام لا يتخطي دقيقتين!
فضلت طول ال ٣ شهور اروح نفس المكان الل شوفتها فيه يمكن اشوفها بس ولا مره حصلت وشوفتها حاسس تجاها بالمسؤليه حاسس انها محتجالي نظرتها المكسوره هزتني جواها چروح محتاجه تترمم وانا هكون سعيد لو الصدف جمعتنا وكنت انا صاحب المهمه د

_صحيت وانا مش طايقه وجودي علي عكس الناس أول ما بيتسرب لاوضتهم شعاع من نور الشمس قلبهم بيتملا ب الحياه بيمتنو ل طلوع شمس يوم جديد عليهم.
_قررت انزل اتمشي شويه بعد انقطاع ٣ شهور عن الشارع اصيبت فيهم بالاكتئاب بس لسه متملكتش الشجاعه الل تخليني اصارح نفسي بالحقيقه د واقرر اتعالج فوقت من أفكاري قومت لبست ونزلت مليش وجهه معينه قصداها بس اهو تمشيه عشوائيه زي حياتي 
منظر البنات ف الشارع مع صحابها بيخلي عيوني تبتسم بس قلبي بيكون حزين حاسس ب وحشه فوقت من سرحاني وقررت اروح اشرب قصب دائما بتمني حد يشاركني اللحظات د بس للأسف امنيتي مش بټلمسها الاستجابه خلصت تمشيه وقررت اروح بس شوفت فستان بنوتاتي عجبني أول مره اتشد ل لبس أو اركز فالحاجات د 
_ ممكن سعر الفستان د
_ الراجل بصلي بنظره غريبه من هيئتي نظرات معتاده عليها من منظر عيوني الل السواد حاوطهم والشحوب الل باين علي ملامحي شكلي المبهدل عموما
قطع صمته ورد عليا وقررت اشتري الفستان ولو إن عارفه إن مش هلبسه
روحت لبست الفستان وفردت شعري وبصيت علي نفسي ف المرايه
لسه فيا حاجه حلوه الحزن مقدرش يطولها! 
ابتسمت ب براءه وانا حاسه إن عايزه اعيش عايزه يكون ليا نصيب من نعيم الحياه
عايزه اروح ل دكتور نفسي!
ايوا انا الل بنكر حقيقه ان مصابه ب الاكتئاب وبهرب منها عايزه اتعالج من حزني
مسحت دموعي ودورت علي النوت الل كنت كاتبه فيها اسم الدكتور النفسي الل اقترحته عليا جارتي قبل كدا لما شافت حالتي
قفلت النوت ونمت وانا مقرره إن لازم اطلع من هاله الضلمه الل حطيت نفسي فيها د
_ قومت ولبست ونزلت بس المره د عارفه وجهتي روحت علي عياده الدكتور النفسي وانا حاسه إن هنهار فكرت ارجع مكان ما جيت بس انتصرت علي خۏفي فالاخر دخلت العياده وبصيت علي كل الل فيها بنظره سريعه كلها وجوه شاحبه الحياه نالت منها حياه مختلفه ب قصص مختلفه ب احلام مختلفه بس بيجمعهم مكان واحد فالنهايه جيه دوري وقومت عشان ادخل وانا حاسه برهبه غريبه!
دخلت واكتشفت ان الدكتور شاب ود اربكني اكتر حسيت ان رهابي الاجتماعي هيمنعني من ان اقدر اتكلم أو احكي مشكلتي عشان اتعالج منها!
_ انت
فوقت من وصله أفكاري ال لا متناهيه علي صوته بصيت ب استغراب
_ انا حضرتك تعرفني
_ سكت شويه وفكرت اقولها ولا لا بس الظاهر انها م فكراني 
_ اه لا اسف كنت بشبه علي حد تاني اتفضلي اقعدي
_قعدت وانا متوتره ايه الل انا عملته د د يراودني شعور بالبكاء يعمي ولله
_ عامله اي
_ الحمدلله 
_ طب ممكن ترفعي وشك عشان نتكلم
رفعت