اسكربت بقلم رنا يحي

وصحيت على 5 الفجر قررت انزل اقعد على البحر شوية وافكر بهدوء أكتر 
لبست وخدت شال على ايدي ومعايا صورتنا والتوكة. 
الجو كان جميل مكنش في حد خالص الا واحد 
قولت بإستغراب يوسف! 
كان قاعد قدام البحر على الرملة
روحتله وقعدت جمبه
بصلي بدهشة بتعملي ايه هنا
ابتسمت قولت الحق حبه هدوء أنت اللي بتعمل ايه هنا 
مجاليش نوم 
ليه 
بفكر في حاجة كده 
وأنا كمان 
سكت وسرحت في البحر كان قلبي حزين حب حياتي قاعد جمبي بس مش قادره اقوله إني بحبه! ده شيء بشع
يوسف هسألك سؤال 
ابتسم اسألي يا رنونة 
ابتسمت كل مرة بيقولي رنونة بيدوب قلبي أكتر
ايه أكتر حاجة پتخاف منها 
بص في عيني شوية وسكت 
اقول الحقيقة ولا الف وادور
لو جبتلي سيرة سلمى هيغمى عليا هنا مش هفوق منها أنا بقولك اهو 
ضحك جامد سرحت في ضحكته وضحكت أنا كمان 
أكتر حاجة خاېف منها إن يجي يوم وأنت متكونيش فيه
ضحكتي راحت تعابير وشي اختلفت 
قلبي دق جامد واتوترت من نظرته الثابته في عيني 
كنت قولتلك إنك لو خدتي خطوة اتجاه جبنك حاجات كتير هتتغير مش كده 
هزيت راسي ب اه وكمل 
ضحك بس برضو أنت لسه مش عايزه تاخدي الخطوة 
يمكن في سبب! 
مهما كان السبب أنا كل اللي بعمله إني بحاول اشجعك على المواجهة عايزك تبقي قوية ومټخافيش من كلام حد! 
بصتلهأنا مبخافش من حد وأنت عارف 
أنا شغلتك معايا عشان شطارتك ده أولا مش عشان أنت قريبتي لو أنت مقتنعه بالكلام ده كنت قولتيلهم من أول يوم بس أنت مش عارفه قيمتك 
بصيت على الأرض كلامه كان كله صح مقدرتش اعترض 
استنيت كتير وقولت بكره هتقول عشان اخد الخطوة 
بصتله بسرعة خطوة ايه
ابتسم وبص للبحر وسكت 
ايه بقى شغل شوق ولا تدوق ده
ضحك جامد ملكيش كتالوج يا رنا والله 
أنا كنت راجعه انهارده او دلوقتي 
ليه من غيري 
قولت بحزن أنا جيت عشانك مع إني عارفه إني مش هتبسط بس كنت فاكره إني هتبسط بس متبسطش فاهم حاجة 
لا
أحسن برضو 
وروحتي مع عمر عشاني برضو 
بصتله بطرف عيني ما بلاش السيرة دي 
ماشي عايزه ترجعي 
اه أنا كده كده همشي هستناك ترجع معاهم 
قام وقف ومدلي ايده لا أنا هرجع معاك 
بصتله بإستغراب ايه 
بص على ايدهيلا
ضحكت ومسكت ايده وقومت
هطلع اجهز شنطتي وانزل 
مش هتقول لحد
لا
ولا لسلمى 
لا 
ابتسمت جوايا وطلع قعدت افكر في كلامه كتير 
الناس ابتدت تصحى وتنزل قابلتها في طريقي وأنا طالعه 
صباح الخير يا رنا 
صباح النور 
بعتلك فاكسات للشغل ابقي بصي عليهم 
حاضر هشوفهم من عند يوسف 
ضحكتيوسف رنا مهما كان ده المدير يعني هتروحي تقوليله وريني شغلي! 
ابتسمت اه مهو مديري في الشركة بس لكن بره لا 
سبتها ومشيت وأنا حاسه بإنتصار خدت شنطتي ونزلت استناه في عربيته 
كنت ماسكه التليفون ولقيته جاي لكن هي وقفته اتكلموا شوية وسابها وجه ركب 
بصيت عليها تلاقيها زعلت 
قال بضحك ليه هو أنا جوزها! 
بتحبك يا يوسف أنت مش شايف 
لا مش شايف هي مبتحبنيش هي بتحب يوسف المدير بس 
يعني ايه 
يعني هي متعرفش شخصيتي الحقيقية او مشافتهاش محدش بيحب حد ميعرفوش يا رنونة 
سكت وكمل
وأنا مسمحتش لحد يعرفني غيرك أنت بس الي شوفتي النسخة الحقيقية مني 
قلبي دق جامد وابتسمت بس كنت عارفه إنه قصده على القرابة 
فتحت علبة العصير وأنا بقوله ايوه منا عارفه لو مكنتش قريبتك مكنتش شوفتها دي واسطة دي 
ضحكت لا مش عشان قرابة عشان بحبك 
شرقت العصير وقع من بوقي وبصتله وأنا مبرقه 
وقف العربية وضحك على منظري 
أنت كويسة
 أنت قولت ايه 
قولت إني بحبك من ساعة ما اتولدت وأنا قولت إنك هتبقي ليا والحمدلله خالتو وافقت من زمان 
دماغي مكنتش مستوعبه يعني ايه والله
فتح تليفونه ورن عليهم فيديو كول 
ها يا واد عملت ايه 
قولت پصدمة ماما! 
ضحك كل حاجة جهزت يا خالتو 
اه يا عين خالتو الأكل على الڼار وطلبنا الحلويات ومستنيين الحلويات الحقيقية توصل بالسلامة 
بحبك يا خالتو 
قفل ومسك ايدي 
هتقدملك انهاردة الساعة 7 
كنت حاسه إن الصدمة هتخنقني فتحت العربية ونزلت بسرعة
ابتديت امشي وأنا مش عارفه أنا راحة فين كنت عماله بروح وأرجع لحد ما مسك ايدي وفوقني
ثانية واحدة أنت بتحبني وأنا بحبك وانهارده هتتقدملي جهزت كل ده امتى 
ضحكوأنا بحضر الشنطة استنيت كتير أوي بصراحة 
بصتله بدموعوأنا كمان ممكن نعمل حاجة مچنونة 
تحت أمرك
جبت تليفوني والصب شغلت أغنية perfect احنا الأتنين بنحبها جدا ليها ذكريات كتيرة معانا كل كلماتها حقيقية المرادي احساسها مختلف المرادي بنسمعها واحنا مع بعض! 
ضحك وقرب مني نزل على ركبته ومدلي ايده 
تسمحي بالرقصة الأولى 
ابتسمت ومسكت ايده طبعا.