قصة كوميدية كاملة بقلم روني محمد

لما اخد العشرين ألف .. بعد اذنك يا حضرة الظابط ..
ريناد قالت بصوت واطى 
كده يا هيما عاوز عشرين الف وحياة ابويا لاطلعوا على جتتك واخليك متسواش تلاته تعريفة .. يابو نكله يا مصدى ..
تانى يوم ابويا جاب الفلوس وخرجنى من القسم واول ما وصلت البيت لقيت ماما بتقولى 
اهلا برد السجون بقيتى سوابق يا بت !!

مامتى الحلوة انا مش عاوزة اتعارك النهاردة سبينى ادخل انام بدال ما اتحول ذمبي وانزل اطبق في زمارة ابراهيم ابن ابو نكلة ده ..
طيب يا اختى روحى نامى نامت عليكى حيطة ..
بعد يومين روحت الجامعة وقابلت دينا صحبتى وكنا قاعدين فالكافيتريا بنتكلم ..
دنيا قالت 
انتى حطمتى الرقم القياسي فالعرسان طب ما تبعتيلى عريس ينوبك ثواب بدال منا سنجل بائس كده ..
يعنى هما كان فيهم حد عليه الطلا حتى كلهم يا بنتى روبابيكيا ... عاوزين يتحطوا في متحف اللوفر ...ماما ھتموت وتجوزنى محسسانى انى عنست خلاص واهى ختمت بالزفت ابراهيم والى عمله فيه ...
عندها حق احنا فعلا عنسنا ... ما تشوفي ابراهيم ده لو شاب حليوه كده توكلى عالله ..
انتى عبيطة يا دنيا انا اتجوز ابراهيم ابو نكلة يا بنتى ده اقرع ..
عادى يزرع شعر مش قضية ..
ده بيلبس هدومه بالمشقلوب. .
عادى ابقى لبسهاله صح ..
بس بس بطلى عبط ابراهيم ده اخر راجل فالكرة الارضية ممكن يتجوز ولا حتى يرتبط يا بنتى ده بخيل ايحه ده يوم ما يتجوز واحده هيتجوزها عشان سببين ياما هيبعها اعضاء او انه هيعصرها تنزل فلوس ...
طب ايه رأيك في محسن الى فالسادس انا ركبت معاه الاسانسير مره وانا نازلة من عندك بصراحه شاب محترم ووسيم ..
بس بيضرب هيروين ..
يالاهوى مع انه ميبنش عليه
اهو شوفتى اسكتى بقى وغيرى السيرة ..
يا ريناد يا حبيبتى احب افكرك ان الدفعة كلها ياما مرتبطة ياما مخطوبة مبقاش فاضل غيرى انا وانتى وسته من الاخرون ..
طب يعنى انا هعمل ايه
وافقى عالعرسان وفكى النحس يمكن الاقى عريس انا كمان وتتفك عقدتى ..
عقدة ايه يا ام عقدة مصدية مربوطة فالحنفية ..
اهو شوفتى قلتى بنفسك مصدية انا عاوزة عرييييس ما حد يشوفلى عريييس يا جدعااااان
لقيت واحد قرب علينا وقال 
احم ينفع انا ..
انا ودنيا بصينا لبعض وجرينا من قدامه ...
ريناد يخربيتك فضحتينا. ...
ههههه وانا هعرف منين ان الاخ واقف بيتصنت علينا ...
بيتصنت !! د ا انتى صوتك لوحده كان يصحى الميتين .. منك لله يا شيخه هوري وشي ازاى للدفعة ..
يمكن نصعب عليهم ويجبولنا عرسان ..
يووه انتى مفيش منك فايده ... انا مروحة وخليكى انتى دورى على عرسان براحتك ...
مشيت اليوم ده وروحت البيت ولقيت ماما اعدة مع ناس فالصالون وبتقولى 
تعالى يا ريناد سلمى عالضيوف ..
رحت عشان اسلم لقيت طنط وفاء صاحبة ماما وابنها رأفت .. دخلت سلمت عليهم وقعدت جنب ماما طنط وفاء قالت 
عروستنا كبرت وبقت زى القمر ..
ابتسمت وانا اشعر بالريبة في داخلى وقولتلها 
شكرا يا طنط ده من زوقك ...
رأفت اا ازيك يي يا ر ر ريناد
ريناد الحمد لله بخير وانت
رأفت ا ا الحمد لل لله ..
ماما قالت 
طب تعالى يا وفاء اوريكى طقم الخشاف الى سمير اخويا جابهولى من السعودية ..
طنط وفاء قالت 
اه وماله ورهونى. .
حركاتهم باينه اوى بصراحة هو