ل زينب سمير

ينفع اللي بتعمليه دا
اية اللي انا عملته
كل ردودك باردة ومستفزة
دا اللي عندي يمكن يحس علي دمه ويمشي
مش ذنبه انك مش طيقاه هو اتقدم ووافقتي
ما كله علي ايدك كله بسبب ماما وضغطها عليا دا ابن عمك وهيصونك والقريب احسن من البعيد ولما رفضت زعلت وتعبت فأضطريت اوافق
يبقي متجيبيش الذنب عليه وعلي فكرة يونس كويس
بس مش مناسب انا دكتورة يامرام.. دكتورة وهو!
مش بالتعليم يونس دماغه كبيرة وعاقل ومثقف
ضحكت بسخرية مثقف! ضحكتيني..
بصتلها مرام بأسف وطلعت تقعد معاهم شوية وهداية طلعت من اوضتها بتجري كله وقف بخضة

في اية ياهداية
اتوبيس عمل حاډثة وفي چرحي كتير وانا لازم اروح المستشفي
في الوقت دا
يعني اسيبهم يموتوا ياماما
انا هوصلها يامرات عمي وهستني معاها
ودا بأمارة اية دا
ياريت يايونس هتطمن كدا.. 
بص لها يلا
كانت هترفض وهتدخل اوضتها ومتروحش خالص لكن رنين الفون اللي بيستعجلها خلاها مشيت معاه ڠصب ركبوا عربية.. مش احسن حاجة لكن تفي بالغرض ضحكت بسخرية علي شكلها كان بيسوق وبيبص قدامه بتركيز مخدش باله من نظراتها اللي بتبصله ب شبة احتقار! 
كان وسيم وأنيق.. هدومه لايقة عليه بس هي مكانتش شايفة دا.. فاقت علي صوته وصلنا
نزلت تقدر تمشي كدا كدا هطبق هنا
مسابتش ليه فرصة يكمل ومشيت اتشغلت في الحالات من هنا ل هنا الډم وعياط الأهالي والړعب اللي كان موجود كان وصل بيها لحالة انها مش قادرة تكمل.. عايزة ټعيط حالتين لدلوقتي مقدروش يعملولهم حاجة واتوفوا واحدة منهم اټوفت علي ايدها.. بصت لايدها اللي مليانة ډم بزهول قبل ما تدوخ لسة هتقع لقيت حد بيسندها
انتي كويسة
بصتله.. كان يونس مقدرتش انقذه
بس عملتي كل اللي في ايدك
سندها وقعدها علي كرسي مد ايده بعصير وباتية لازم تاكلي
مش قادرة
مينفعش انتي بقالك هنا خمس ساعات مشربتيش فيهم ماية حتي وكنتي قبلها لسة مروحة وملحقتيش تاكلي وطلبوك كدا غلط.. 
سكت قبل ما يتابع انتي لما مبتكليش بتدوخي وضغطك بيوطي
بصتله ل لحظات.. عرف كيف
حقيقي مش قادرة
مسك ايدها بين ايده واعطاها الحاجة ولو قولت علشان خاطري!
عيونهم اتقابلت ل لحظة.. لكن هي حستها عمر..
اخيرا فاقت بعدت ايده وصړخت قولت مش عايزة وبعدين انت هنا لية مش قولتلك روح
وقف قلبي مطوعنيش اسيبك علي العموم الاكل أهو وانا تحت لما تخلصي انزليلي
ومشي بصت ل الامل واتنهدت مسكته لقيت العصير بطعم التوت اللي بتحبه اتنهدت اكتر..
نزلت وراحت ناحيته لقيته قاعد في العربية وساند علي الدريكسون ونايم ابتسمت ل لحظة قبل ما تخبط جامد علي الشباك فتح عيونه بفزع اول ما لمحها هدي وفتحلها العربية
ركبت نمشي
نمشي..
ساق بيها وسط صمت فظيع مد ايده ياخد حاجة لمح ايدها مسكها وضيق عيونه فين الدبلة
بعدت ايده عنها وارتبكت قلعتها وانا في العمليات
وملبستهاش لية بعد ما خلصتي
ايديا كلها كانت ډم هنضفها واغسلها هي كمان علشان اتوسخت وهلبسها
اؤما بنعم بنظرات مش مصدقة كليا
وصلنا..
شكرته ومشيت
صحيت من النوم بعد نوم يوم كامل لقيت مامتها بتطبق الهدوم قعدت جنبها تفطر..
مامتها وهي بتبصلها من تحت لتحت ربنا يخليه يونس دايما مريحني ربنا اللي عالم ليلة امبارح هتعدي عليا ازاي لولا انه كان معاكي ومسبكيش ياحبة عيني سهر اليوم كله يستناكي وبعد ما وصلت راح فتح محله ومنمشي وبعت جابلي الطلبات زي عادته ومنساش ربنا يحنن القلوب عليه..
الباب خبط.. فتحت مرام اختها سمعت صوته وهو بيكلمها وبيهزروا ويضحكوا قلبت ملامحها ولسة