سكربت بقلم امل احمد
انت في الصفحة 2 من صفحتين
قاعده باكل وانا مبتسمه وبصاله وبغيظه عشان التشيز كيك إلى طلبها خلصت وقاعد بيبصلى وهيمو_ت ويدوق أنا عارفه بس بعينه !
احم
_ ....
هو ده بقى طاجن ال..ااه
_ العك العك
لا لا مقصدش عك ايه بس حرام بردك نقول على نعمه ربنا عك
_ امممم ومن شويه مكنش حرام
طب اااه بقولك ايه متدوقى سيف حبيبك كده !
ده أنا لبستلك البدله مخصوص عشان نعمل Us
_ لاء بردو عشان تبقى تتريق على اكلى
أنا يابنتى!
_ لاء أنا يا ابنى
ده انتى مستفزه !
_ ايوه عارفه اسكت بقى عشان استمتع بطعم الشيكولاته
طب على فكره بقى أنا عينى فيهاا وانتى حره خلى بطنك ټوجعك بقى ومتعرفيش تنامى طول اليوم
نتنه !
.....
_يا سيف قرب الكوبايه شويه مش عارفه اخد صوره عدله
أنا عايز اعرف أنا هطفح العصير ده امتى بقالك ساعه بتصورى فى أمه !
_ انت مستعجل على ايه هو هيطير استنى اصور الاول !
بقالك ساعه بتصوررررى
_ ايوااا كده أخيرا ياربى صوره حلوه
يا فرج الله ..ولقيته شرب العصير كله فى مره واحده !
عارفه يا أمل..!
_ لاء
هو ايه الى لاء هو أنا لسه قولت حاجه
_ ما انت بتقولى عارفه يا أمل بقولك لاء وبعدين ايه أمل دى اسمها عارفه يا امول عارفه يا أمولتى يا مولا إنما مش املل كده حاف
من عيونى يا أمولتى
ابتسمت اوى اصلى بحب أسمى وبحب دلعى اكتر!
_ جلب امولتك قول ..
أنا أول مره احس انى مبسوط ومطمن أوى كده أول مره احس انى مش عايز الوقت يعدى عايز افضل كده لأكتر وقت ممكن لحد ما ازهق وماعتقدش انى هزهق !
معاكى !
_ بس انا متعبه أوى يا سيف
مزاجى على طول متقلب مش طول الوقت ببقى فاضيه على طول عايزه أخرج واتفسح لما بتعب بتعب جامد وبحتاج رعايه اكتر من ما براعى حد أنا فعلا متعبه و
مش عارفه انت هتفضل تستحملنى كده لحد امتى
لحد ما تروحى للى خلقك !
_ يخربيت رومانسيتك يا جدع
أنا فى الرومانسيه معنديش يا أما ارحمينى
اييييه فى ايه!!
_ أنا علقت على شاى قبل ما ننزل ونسيته على الڼار !!
منك لله يا أمللل يا قدري الأسود
_ و..وربناا نسييت !
بقولك ايه
_ ايه
بما أنها كده كده بايظه وزمان البيت بيولع دلوقتى فخلينا قاعدين مع بعض على البحر كده شويه
_ والله فكره احكيلى بقى كنت شقى ازاى وانت صغير!
يا من تحلين مرار أيامى وتجعلي لها مذاقا جميلا مثلك
ل أمل أحمد
