قصة كاملة بقلم إيمان شلبي من الفصل الاول الي الفصل الأخير « خطبة مؤقتة »

بيقرب من تسنيم اللي كانت واقعه علي ظهرها پتتوجع پألم ودموع
قعد علي ركبته قدامها وهو بيبص في عيونها المليانه دموع ..
تسنيم بۏجع ااه اه رجلي بتوجعني اه
فداء بلهفه طب قومي قومي اسندي عليا نروح نشوفها عند الدكتور عشان لو فيها كسر
تسنيم بدموع اكتر مش قادره اقوم م مش قادره
طب نشيلك 
قالها واحد من الطلاب اللي واقفين بلهفه والكل هز راسه بموافقه ..

فداء بلهفه لا ا انا هساعدها شكرا ياجماعه ...تسنيم انا هقوم اقف وانتي اسندي علي ايدي وايد البنوته ديه معلش اتحملي دقيقتين انا العربيه بتاعتي قدام الكليه هنركب ونروح المستشفي ..
بصتله تسنيم والدموع متجمعه في عينيها وهزت راسها وهي بتغمض عينيها بۏجع
دقائق وكانت قدام عربيته بعد محاولات انها تقدر تمشي علي رجلها بمساعده فداء وواحده من الطلاب ...
ركبت العربيه وفداء ركب وساق بأقصي سرعه وهي قاعده ټعيط بصمت ...
فداء بلهفه استحملي دقائق وهنوصل
تسنيم وهي بټعيط بشهقات وكأنها طفله صغيره ر رجلي بتوجعني اوي يافداء ااوي منك لله
فداء بذهول الله وانا مالي دلوقتي 
تسنيم بۏجع ودموع اااااه ا انت السبب لولا وجودك مكنتش وقفت في المكان ده ولا سمعت الكلام ده ولا وقعت منك لله يابو قردان ياطويل يا اهبل ياخله سنان عشان بتقول عليا عجله وانت شبه الراجل الطويل اللي بعصايه اللي بيكون في السرك
فداء بعصبيه اقسم بالله لولا أنك تعبانه كان هيبقى في كلام تاني خالص بس انا مش هتكلم دلوقتي عشان انا محترم
تسنيم بۏجع محترم ااه ااااه رجلي الحقني بسرعه
فداء بقلق خلاص وصلنا اهو
ركن عربيته قدام المستشفي ونزل وفتحلها الباب عشان يساعدها تنزل ...
بعد شويه كان واقف قدام باب الاوضه اللي بتعمل فيها الاشاعه علي رجلها وهو رايح جاي بقلق ...
كان مستغرب نفسه اوي ..هو ليه كان قلقان عليها اوي كده ليه لما شافها بتقع حس أن قلبه اتخلع من مكانه طب ليه حس بشفقه وبراكين جواه من الكلام اللي قالته هو ليه كان قاسې معاها كده ! هو عمره ما كان كده مع حد ليه هي بالذات أهانها واهان كرامتها ليه قال كلام مينفعش يتقال حتي لو كان اللي قدامه عدو هو ليه مرحمهاش مش كفايه الناس اللي مش بترحم هيبقى هو والناس عليها !!
استحقر نفسه اوي حس أنه حيوان وسط شويه حيوانات عايشين في غابه يتكلموا علي ده وده مش سايبين حد في حاله التخينه والرفيعه المتجوزه والمطلقه المخطوبه واللي لسه ملقتش نصيبها وكأن الناس لو متكلمتش علي بعض مش هتلاقي مواضيع تسليها وكأن النميمه والآذيه اصبحوا جزء من حياه البشر !
خرج الدكتور من الأوضه وهو بيتنهد براحه ...
فداء وهو بيقرب منه بلهفه ها يادكتور طمني
الدكتور برسميه متقلقش بسيطه الحمد لله مفيش كسر ولا حاجه
فداء براحه الحمد لله
الدكتور اتفضل دول شويه كريمات هتجبهم ويومين تلاته أن شاء الله وهتبقي كويسه
فداء طب تمام شكرا يادكتور
الدكتور العفو على ايه حمد لله على سلامتها
فداء اقدر ادخلها
الدكتور طبعا وتقدروا تخرجوا دلوقتي
هز رأسه ودخل بعد ما خبط الباب اكتر من مره بس محدش رد
يعني عايزه تفهميني أن صاحبتك الحربايه مرات طليقك
اه وحياتك صاحبتي اللي كلت معاها عيش وملح لافت علي جوزي وأتجوزته شوفتي الخيبه!
طب وانتي عملتي ايه سبتيهم كده 
لااااا طبعا سيبتهم ايه ده انا روحت وفرجت عليهم الدنيا وعملت محضر وخلعته واخدت الشقه بكل اللي فيها وكرشته ومش بس كده ده انا روحت واشتغلت في المستشفي اللي بيشتغل فيها واتجوزت صاحب المستشفي وخليته يكرشه
كل الدعم كل الدعم ربنا يحميكي
كان واقف فداء مصډوم وهو بيمسح الحديث اللي مابين تسنيم والممرضه وكأنهم صحاب من زمان !
ياتري فقره الحواديت خلصت ونقدر نمشي ولا لسه في حدوته تانيه 
قالها فداء بسخريه وهو بيسند علي باب الاوضه ...
تسنيم وهي بتبصله من فوق لتحت وبخفوت بني آدم براس بخاخه
الممرضه بفضول ده خطيبك!
تسنيم بلهفه تفي من بوقك بقي القمر ده ياخد ألبومه اللي هناك ده 
الممرضه وهي بتهز رأسها لا بصراحه اومال مين ده 
تسنيم بخفوت أنا هحكيلك بصي ياستي
فداء بضيق ياريت لو حضرتك خلصتي ياريت تخرجي عشان عايزين نمشي
الممرضه بضيق جرا ايه يا استاذ ما