سكربت رائع بقلم غادة عادل

_أنت يا قليل الزوق! 
أفندم! 
_قوم من هنا يا محترم دا مكاني! 
اشترتيه ب أسمك يعني عشان مش فاهم! 
_لأ انا بقعد هنا على طول 
طب اتكلي على الله بقا عندك الكورنيش واسع 
_لأ انا بحب أقعد هنا! 
زعقت اكتر غوري من وشي انا مش طايق نفسي! 
خاڤت و راحت قعدت على بعد مني و طلعت اسكتش و فجأة و لا كأن حد حواليها لقيتها بتغني بصوت واطي بس مسموع ليا و هي بترسم!

_يا وردة إلمعي خلي القوة تبان
يرجع اللي كان اللي ضاع زمان
خففي الچروح رجعي اللي فات
يرجع اللي كان يرجع اللي ضاع...
ضاع من زمان...
و فجأة بصتلي و طلعتلي لسانها بغيظ!
مر بخاطرك إني البنت اللي بتملك كل البحر.. 
جوا صندوق كنوز كتيرة.. 
هلقى اعاجيبه تملى جزيرة..
زمانك بتقول ف السردي تملك البحر.. 
لقيتها قاعدة مكاني و برده بتغني و هي بترسم قعدت جنبها و قلت
_لحقتي مكاني... 
دا مكاني أنا أنت أول مرة اشوفك هنا
_دي تاني مرة
ماردتش ف سألت
_بترسمي ايه دا! 
ردت بسهولة 
دي مشاهد لحورية البحر إريل.. 
_لا والله
شكلك جاهل دي افلام ديزني..
_آه.. طلعتي تافهة.. 
أنت اللي تافه يا عديم الزوق! 
سكت و أنا مستغربها و مستغرب نفسي و هي مكملة رسم و أنا باصص قدامي و سرحت ف حياتي لحد مالقتها بتقول
_إن مع العسر يسر... 
تعبت.. 
_أوعى تيأس فرجه قريب
مش عارف هارتاح امتى! الشيلة و الهم كبير أوي
_لو كنت فاكر إنك عشان وافاة مامتك و انفاصلك عن خطيبتك و رفدك من الشغل عشان كنت على حق دي نهاية الدنيا يبقى غلطان و محتاج تصلح حساباتك و علاقتك بربنا... 
إيه دا! أنت تعرفي الحاجات دي منين! انت مين! 
_مش مهم
إزاي يعني! انت تعرفيني! 
_عز المعرفة
طب...
قاطعتني ب ابتسامة و اخدت بالي المرة دي من لون عيونها الفيروزي و قالت و هي بتقوم
_أوقات كتير ماحدش بيشوف الصورة كاملة حواليه و لا بيركز...و بالمناسبة هادعيلك معايا في قيام الليل يفك كربك و ضيقك... 
بتمنى... 
اللي بحبه يقابلني اليوم.. 
بأغاني... و اللي بتمناه يقابلني في احلامي.. 
_اخيرا! 
ابتسمت و هي بتكمل رسمازيك يا بائس
_ماجتيش ليه الأيام اللي فاتت
مشاغل.. 
_بترسمي إيه المرة دي! 
سنو وايت... 
سكتت لحظات و بعدها قالت و هي بتنهي الرسمة 
_عايزة عصير قصب! 
و أنا مالي! بقولك إيه أنا مش مرتاحلك! قولي عايزة مني إيه!
_ابتسمت و ردت رد غريب صلحت علاقتك بربنا!
سكت معرفتش أرد مانا بقالي فترة بعيد و حياتي بايظة كتير و الدنيا مقفلة...قعدت ابص قدامي بشرود لحد ملقتها بتديني شكولاته و بتقولي
_الكتمان مش حل... و الإستسلام ضعف... و البعد عن ربك و قلة الإيمان توهة و غمة كبيرة أوي...
أعمل إيه يعني! الدنيا مقفلة في وشي و الناس وحشة! 
_سيبك من الناس خليك مع رب الناس... 
انت مين! 
_أنا اللي قررت أساعد قلبك يا بائس...
و مرة ورا التانية و بكلامها المريح بقيت أحب اروح الكورنيش و استناها... اوقات ماتجيش و أوقات تيجي قبلي... و أنا مستغربني...حتى مابقاش يهمني أعرف هي إزاي تعرفني!... المهم اتكلم معاها و أشوفها...في حالة و مشاعر بدأت أحسها و لهفة مش فاهمها... بس بكون مرتاح و سعيد...
ياه شيء جميل و يخوف
شيء عجيب ولا حد يصدق بيه
اه مش امير حواديتي
لكن جوه قلبو شيء كان نفسي الاقيه
ماخطرش في بال
ولا دار في خيال
مين كان يصدق قلبهم الأتنين يميل
نستنى يومين..و نشوف بالعين..
_تفتكري العيب فيا و لا في الناس و الدنيا
فيكو كلكو... بعاد عن الحق... عن ربنا... 
_لو رجعتلوا هايسماحني و حياتي هاتتغير! 
ولا تيأسوا من روح الله... 
_عندك مخالفة يا محترم أخرت كتير عن كل مرة.. 
معلش... أصل كنت بصلى في الجامع و قعدت أسمع الخطبة.. 
_ابتسمت