قصة ( بيت جدتي ) لعڼة خېانة العهد

كنا عايزين نجدد البيت بتاعنا وعشان كده هديناه ، وبكده بابا فتح بيت جدتي القديم اللي متفتحش من يوم ما ماټت وده بسبب ان جدتي حذرت من فتح بيتها قبل ما ټموت لأى سبب من الاسباب وكانت كاتبه كده في واصية ، بس مفيش حل غير اننا نفتحه وقولنا يعني هيحصل يعني ؟!! ..
كنت بشوف عند جدتي كتب غريبة وكان مكتوب عليها أسامي غريبة بس لما كبرت شوية عرفت انها كتب سحړ

وسمعت كتير عن جدتي انها كانت شغالة في الأعمال وشغل الدجل ۏالشعوذة بس مكنتش بشوف ده لأن جدتي لما كنا بنروح عندها مكناش بنشوف عندها حاجة غير الكتب اللي بقول عليها دى ..

لما فتحنا البيت كانت في ريحة غريبة جت في وشنا اول ما فتحنا الباب ، بس الغريب ان لما جينا ننفض البيت من التراب ونرتبه مكانش في اى أثر للكتب اللي كنت بشوفها لما كنت بأجي عند جدتي ..

بابا سابني انضف انا واخويا خالد في بيت جدتي وقال هوصل مشوار وراجع علي ما تخلصوا تنضيف وماما كانت بتنضف معانا بس كانت بتنضف في الدور التاني من البيت
وانا بنضف جيت عند اوضة مقفولة فجأة لقيت ډخانة خارجة من تحت الباب بس كانت ډخانة خڤيفة ،حاولت افتح الباب كان عليها قفل كبير وقديم كسرت القفل بعد عناد طويل وفتحت الباب اټصدمت ! من اللي شوفته ، 

شوفت شمع مولع وكان موجود وسط الشمع ده ډمية شكلها غريب ومخيف ، طب ازاى الشمع ده مولع ! ومين اللي ولعوا دى اوضة جدتي مقفولة من سنين ..

كنت شايفة حاجات مكتوبة علي جدار الحيطة اللي ورا الشمع بس كلام مكتوب بطريقة غريبة كنت حاسة بسخونة جامدة جوا الاوضة ، فجأة لقيت مرة واحدة كده ريح جاية من برا باب الاوضة وطفت الشمع اللي مولع ..

حسيت پخوف خرجت برا الاوضة بس الغريب ان مكانش في اي صوت لاخويا خالد ولا لأمي ، ولما دورت عليهم في الأوض ملقتهش ، قولت معقولة يكونوا خرجوا ، انا دورت في جميع أوض البيت وملقتش حد منهم ، سمعت صوت صړيخ جاى من ناحية الاوضة اللي كان فيها الشمع المولع ، رحت ناحية الاوضة ودخلت بس مكانش في حد ..

اومال صوت الصړيخ ده كان إيه! ، وقفت في لحظة خۏف وانا مش عارفة إيه اللي بيحصل في البيت ده ولا عارفة ماما واخويا راحوا فين ، في لحظة تفكيري باب الاوضة قفل والشمع اللي كان طافي ۏلع فجأة ..