سكربت كامل بقلم مى سيد

هو محبنيش ليه 
السؤال ده جه ف بالى كالعاده وانا قاعده ع السفره مستنياه عشان الفطار الحقيقه انى مش عارفه هل انا متحبش فعلا انا فعلا وحشهه لدرجه ان محدش يحبنى طول حياتى! 
وللأسف مش قصدى عليه هو بس إنما انا متحبتش من حد خاصه من اهلى كنت دايما بنتهم بالاسم عمرى م حسيت انهم بيحبونى لذلك كنت محتاجه حب أواب جدا 

لما جه اتقدم وافقت مش عشان هو حلو جدا شكلا انما عشان كان ملتزم 
انا طول عمرى نفسي ف حد ياخد ب ايدي للجنه يقربنى من ربنا يحببنى ف طاعته يصحينى لصلاه الفجر يعينى ع القيام وحفظ القران لو بعدت خطوه يقربنى واهم حاجه كنت محتاجه حد يحبنى يبقى حنين عليا 
لما أواب اتقدم حسيت اني خلاص هستريح هلاقى الحنان ال عمرى م حسيته هلاقى حد يحبنى انا محتاجه حد يحبنى جدا بس للأسف أواب محبنيش بس انا حبيته وده ال زود كرهى لنفسي وزود ثقتى ف انى متحبش ولا استاهل اتحب ولا  
مى مى 
ها نعم 
نعم اي بكلمك من بدرى مش بتردى وسرحانه 
معلش انا اسفة مخدتش بالي محتاج حاجه 
وكالعاده رد بزهق كأنى حمل تقيل عليه 
لا انا نازل ع الشغل 
طب مش هتفطر  
لا شكرا مش عايز 
وكالعاده سابنى ومشى سابنى بدون م يحقق حلمى ف ان جوزى قبل م ينزل الشغل ياخدنى ف حضنه ويطمنى يطمنى انه هيرجع وانه مش هيشوف غيرى طول م هو برا البيت بس يلا مش لازم 
وكالعاده قومت شوفت شغل البيت وانا دموعى ع خدى انا حببته حبيته اوى م هو طبيعى اشوفه الفارس ال هينقذنى من سجن اهلى هو يتحب يتحب اوى عيونه العسلى ال بتقفل لما يضحك تتحب وطيبته وحنيته وروحه وغمازته ال بتبان وهو بيضحك مع اخوه غمازته ال عمرى م شفتها واحنا لوحدنا قلبه يتحب بس للأسف قلبه مشغول مشغول بحب بنت عمه ال رفضته عشان ملتزم وهى عايزه واحد يعيشها حياتها مش هيخنقها بالتزامه عشان كده مرفضش لما مامته رشحتنى ليه وانا وافقت لانى كنت محتجاه 
الساعه 2 وصل حطيت الغدا واستنيته ع م يغير هدومه وقعدنا ناكل 
ڠصب عنى لقيتنى بقوله
انا بحبك 
نعم ! 
أنا بحبك 
سابنى ومشى سابنى ومشى من غير م يرد من غير م يبصلى كل يوم بيثبتلى ان فعلا متحبش عدى اسبوع بعد ال حصل من غير م اشوفه وجه يوم الجمعه 
يوم تجمع العيله
أانا حقيقى ممتنه لكل كومنت اتكتب ممتنه لأى حد كتب كومنت فرح قلبى بيه شكرا جدا بجد 
خرجت من اوضتي الصبح وروحت اخبط عليه عشان اعرفه انى نازله تحت ولما خبطت كتير ومردش دخلت انا لقيته نايم والحقيقه انه مش تبع البشر وهو نايم والله شعره نازل ع جبهته محليه رموشه الطويله وال مخبيه عسل صافى تحتها لحيته ال محلياه اكتر واكتر ملامحه اللطيفه قادره ابص فيها من غير م اخاڤ انه يشوفنى ملامحه قادره تخلينى اقع ف حبه ميه مره كفيله تخلينى اختاره ف كل مره كأنها اول مره كفيله تخلينى احاول اعافر عشان أوصل لقلبه بس باين انى هتعب 
فوقت من سرحاني لما لقيته بيتقلب وفاق لما شافنى واقفه قدامه زى الصنم 
اتعدل بقلق وخوف 
ف حاجه ولا اي انتي كويسه 
احم ايوه الحمدلله بس جيت اعرفك اني نازله تحت عند طنط عشان اعمل الغدا 
طب مخبطتيش ليه  
انا خبطت كتير بس انت ال مصحتش عايز حاجه قبل م انزل  
لا شكرا 
نزلت ولقيت مرات اخوه الكبير تحت وال حرفيا مش بتحبنى لأنها اخت ريناد بنت عمه وال الحقيقه مش عارفه بتكرهنى ليه مع ان اختها هى ال رفضت ارتباطهم قبل م انا ادخل ف حياتهم أصلا المهم 
سلمت ع مامته وبوست ايديها ك العاده 
سلام عليكم ازيك ي طنط 
بصتلى بحب وال الحقيقه نفسي ابنها يبصلى البصه دى مره 
وعليكم السلام ورحمة الله وبركاته الحمدلله ي بنتى ف فضل ونعمه وبعدين مش انا قولتلك قوليلى ي ماما 
حاضر ي ماما انا هدخل اشوف الاكل بقا واعمل الاكل