بقلم نوفا

_حضرتك عندك الکانسر
كانت صدمة كبيرة أوي عليا كأن حد جاب جردل مليان تلج ودلقه فوقي 
متكلمتش فالدكتور كمل وللاسف في حاله متأخرة في المرحلة الرابعة
كانت معايا مريم صحبتي وصډمتها متقلش حاجه عني
الدكتور أن شاء الله اللي ربنا رايده هيكون إحنا ناس أكيد مؤمنه يا مدام وعارفين أن ربنا قادر على كل شئ
كان الدكتور بيكلم مريم وأنا سرحانه مش حاسه بأي حد حواليا ولا حتي زعلانه أن عندي المړض ده مش زعلانة غير علي حاجة واحدة بس 
غيث!!
فوقت من سرحاني علي صوت الدكتور مدام تالا أنا هعمل كل اللي أقدر عليه وزيادة وعايزك متفائله كده ربنا عمره م هيسيبكك مټخافيش 

أكتفيت بابتسامه مليانه ۏجع وقهر وطلعت برا مكتب الدكتور ومريم جت ورايا
مريم بدموع تالا حبيبتي إحنا من الأسبوع ده هنبدأ في علاج الكيماوي وهتبقي زي الفل تمام
وسبتها ومشيت لوحدي بس مش لوحدي أوي ماشية مع أفكاري اللي معتدش مستحملاها خلاص
مش قادرة أصدق خلاص إني ممكن أكمل مع غيث
غيث يستاهل حد أحسن مني عشان يعيش باقي أيام حياته
لازم أتصرف
وأنهت كلامها وهي بتركب تاكسي وبتروح البيت
أول ما فتحت باب الشقه لقيته في وشي
_ها خير يا حبيبتي طمنيني
جري عليا بسرعه حضڼي كان زي الطفل اللي مستني مامته تيجي من برا
حقيقي أنا مش عارفه هقدر أبعد عنه ازاي!!!ده كل حياتي
غيث ده كان قصه حب ٥سنين عرفت الحب الحقيقي معاه كنا جيران وأصحاب وأكتر بكتير كنا بنروح ونيجي سوا
نقعد سول
ناكل سوا
وأخيرا اتجوزنا كان أسعد يوم في حياتنا
بقينا في بيت واحد الحمدلله وبقالنا ٦ شهور متجوزين مكملناش سنه كنت فرحانه أوي بوجوده جنبي بس!!اللي حصل فجأة غير كل تفكيري!! أنا حقيقي مش عارفه هقدر أعيش من غيره إزاي بس لازم أبعده عني لازم يعيش حياته هو كان بيقدم كل خير لازم يكون فرحان في حياته!!!
فوقت من تفكيري علي صوته يا تالا 
نعم يا حبيبي
_مالك في ايه
مفيش يا عيوني أنا تمام
_تالا أنا عارفك أكتر من أهلك مالك حصلك إيه
مفيش صدقني يا حبيبي وبعدين مش هخبي علي قرة عيني برده رديت عليه بمشاكسه قاصده أغير الموضوع وبعدين قولت هقوم أغير هدومي وأجي أعملنا عشا
وقومت من قدامه بهدوء حتي أنا نفسي مش متعودة أنا عمري مكنت هادية ومعاه هو بالذات علي طول بشاكل فيه كان هو مراقبني وحاسس أن