سكربت بقلم زينب سمير
المعرفة المرة دي بالجواز!
الجواز.. يعني فعلا عايزها فعلا بيفكر فيها بجد!
بجد!
يونس ممكن يتجوز في يوم بجد
يابنتي روحتي فين
ب غصة معاك
كنتي عايزة حاجة
اا.. كنت عايزة اخرج
بنت حلال لسة انا ومرام كنا بنتفق نخرج وبنقول عايزين حد معانا تعالي بقي
بقيت حد! بقيت كمالة عدد في حياته مش اساس وشريك!
معاك اهو تمام شوفوا هنخرج امتي
انتي عارفة انا دايما فاضي هشوف بس المعاد اللي يناسب مرام
ودايما الجملة كانت بتبقي شوفي المعاد اللي يناسبك انتي امتي مبقيتش هي المعنية بالشئ امتي بقي بيهتم بغيرها اكتر وبظروف غيرها عنها..
صديقها مبقاش صديقها صديقها بيفلت منها
وممكن في خلال لحظة يبقي زوج صديقتها!
هنروح فين
ع
اتكلمت مرام بحماس نروح نقعد علي الكورنيش في كافية هناك حلو اوي بنروحه انا وهداية دايما
حلوة الفكرة اوي اية رأيك ياهداية
ببسمة بتحاول تظهر يلا بيننا
مشيت معاهم متراجعة خطوة لورا حاسة ان دا بقي مكانها معدش ينفع تقف جنب حد فيهم علي حدا او حتي تقف بينهم..
هي مش مبسوطة.. ومش مرتاحة
بصت عليهم بيتكلموا وومنسجمين وبيضحكوا اول مرة تحس ان ضحكتهم مبتحبهاش وبتوجعها رغم ان دول اكتر اتنين هي ممكن تعمل المستحيل علشان يضحكوا
كل واحد يضحك لوحده ميضحكوش مع بعض!
هي فيها حاجة غلط بتقولها انها مش مبسوطة علشان شيفاهم سوا هي بتحبهم مبتكرهوش ولا بتكرهها بس مبتحبهمش سوا!
يابنتي روحتي فين
معاكم
هنطلب مانجا نطلبلك
بصتله ب لوم انت عارف اني مش بحبها
لاعب خصلات شعره نسيت
نسي! اول مرة ينسي حاجة تخصها زي ما اول مرة متبقاش هي اساس الخروجة ولا تبقي هي اللي مجهزة مخطط للخروجة
عرف بنات كتيرة ومتغيرش يروح ويجي ويكلمها بيقفل معاهم علشانها دلوقتي بقي العكس!
لقيت نفسها بتدمع هي زعلانة و.. غيرانة!
ايوة غيرانة من مرام لانها فجأة خطفته منها خطفته وخطفت اهتمامه وتركيزه اللي كان دايما متوجه نحوها
يونس لدلوقتي مش مركز ومعرفش انها عندها دور برد رغم انه دايما بيحس اول ما تبدأ تدخل فيه
عايزة اروح
وقفت علشان تمشي مسك ايدها استني
ب غصة خليك معاها انا هروح لوحدي
لا طبعا لازم يوصلك الوقت اتأخر احنا نبقي نخرج يوم تاني
انفعلت ملكيش دعوة انتي
بان علي وش مرام الخضة ضغطت علي شفتيها بندم وإدراك انا اسفة انا بس.. عايزة اروح لوحدي
وسابتهم ومشيت لسة مرام هتطلع وراها وقفها يونس
سيبيها لوحدي
مش باين انها
