ابني اخدني المقاپر
_ ابني اخدني
الحلقه التانيه
_ وعدت سنه في التانيه وكبر زين ابن سعاد وبقي راجل اد. الدنيا وعنده تلاتين سنه وسعاد بقيت من البنت الحلوه اللي الكل بيحلف بجمالها اتحولت لست كبيره وتبان كمان اكبر من عمرها...
وكانت ماشيه بالراحه ودخلت اوضة زين ابنها ودخلت وهو كان نايم وقالتله...
سعاد
يا زين قوم يا عيون ماما اصحي قوم يا حبيبي..
صباح الفل يا ست الكل تعبتي نفسك ليه انا كنت ظابط المنبه..
سعاد
لا والله المنبه بيرن من الصبح اصلا وانت ولا هنا..
ضحك زين وقالها
اعمل ايه طيب انا متعود اصحي علي صوتك..
سعاد طبطبت علي كتفه
يبقي ما تجيبش سيرة تعبي المهم انك تنام وتصحي علي اللي انت مرتاح عليه يلا خدلك شاور لحد ما اروح اجهزلك الفطار...
ايوه افضلي انتي بقي دلعي فيا لحد ما نشوف اخرتها ايه..
_ وبعد شويه كانو قاعدين بيفطرو وزين عمل نفسه مدايق وقال..
زين
شوفتي يا ماما المشروع بتاعي انا وصحابي اللي قولتلك عليه عايز فلوس زياده..
سعاد
طيب وفيها ايه يا حبيبي ما تدفع الفلوس دي وقسموها علي بعض عشان ما حدش فيكم يتزنق..
زين
يا ماما هما دفعو مصاريف حاجات كتير قبل كده ودلوقتي الدور عليا انا..
طيب يا حبيبي هو المبلغ ده اد ايه..
زين
خمسين الف جنيه..
سعاد.
يا نهار مش فايت يا زين واحنا هنجيب المبلغ ده كله منين..
زين
من خالي يا ماما خالي عادل علي قلبه اد كده ما فيهاش حاجه لو اخدت منه المبلغ ده..
سعاد
مرات خالك شړانيه ولو عرفت اني استلفت فلوس من خالك مش هتعديها علي خير...
ومين قالك بس يا ماما اننا هنستلف انتي هتاخدي حقك منه ومش حقك كامل كمان..
سعاد
تاني يا زين كلام في الموضوع ده يا ابني انت ما بتزهقش مليون مره اقولك ان الفلوس اللي عند خالك دي من تعبه وشقاه هو وانا ماليش فيها..
زين
لا طبعا هو عمل الفلوس دي من حتة الارض اللي كانت عند جدي وانتي ليكي فيها...
حتت الارض دي كانت كبيره جدك باع نصها وهو بيجوزني ابوك زمان وقال النص التاني بتاع خالك خالك بقي كبره واشتغل عليه اكتر واكتر وعمل الخير اللي عنده حرام بقي امد. ايدي واخد من تعبه وشقااه واقول حقي وانا زمان واخده حقي وغير ان خالك مش مقصر معانا انت ناسي انه هو اللي دفعلك مصاريف الجامعه ده غير الفلوس اللي بقي بيبعتهالي كل شهر...
ايوووه الشفقه الصدقه اللي اخوكي بيمن علينا بيها بقولك ايه يا ماما انتي لو ما جيبتليش الفلوس دي انا هجيبهم باي طريقه بس ما تزعليش بقي لما يتقبض عليا او اروح في داهيه...
سعاد پخوف
بعد الشړ عليك يا حبيبي ما تقولش كده ان شاء الله ربنا هيكرمك من الوسع والحلال بس بلاش تسرع..
زين بسخريه
تسرع ايه انا عندي تلاتين سنه صحابي اللي
منهم اتجوز واللي منهم خلف ومعاه عيل واتنين وانا لسه قاعد جنبك كلهم اهلهم بيعملولهم اللي نفسهم فيه وانتي عمرك ما عملتي عشاني حاجه..
اتملت عيونها دموع وقالت
بقي دي اخرتها يا زين يعلم ربنا يا ابني علي اللي عملته عشانك ده انا كبرت فوق سني سنين وحيلي اتهد وبقيت بتحرك بالعافيه عشان اكبرك وما اخليش حاجه نقصاك..
زين پحده
لا ناقصني كتير وانتي السبب علي فكره اقولك علي حاجه انا سببهالك ونازل انتي اصلا بتحبي اخوكي اكتر مني..
_ قال كلامه وطلع وسابها وهي فضلت ټعيط وزعلانه منه جدا وزين لما خلص شغله راح كافيه وقعد. مع صحابه وهو مدايق وقالهم اللي حصل..
عمر
حرام عليك ازاي تقول لامك كلام زي ده...
علي
عمل الصح يا عمر ان ما وقفتش امه في ضهره دلوقتي هتقف امتي..
عمر
بقولك ايه يا زين سيبك من عمر ده واحد اصلا سايب اهله وقاعد لوحده ومش فارق معاه حد...
زين
والله انا شكلي هعمل كده وارتاح...
علي
متأخر اصلا ازاي تقعد. مع امك وتتحملها كل ده...
عمر پحده
دي امه وڠصب عنه لازم يتحملها زين سيبك. من العاق ده وركز معايا انت روح صالح امك واوعي تسيبها تنام زعلانه وبالمره كلمها في موضوع هبه بنت عمك..
زين
اااااه ده لسه موضوع هبه موال لوحده امي مش بتحب عمي ولا بنته واكيد مش هتوافق..
علي
يبقي جات من عند ربنا اتجوز واسكن بعيد عنهاواوعي تقولي انك. ناوي تتجوز وتسكن جنب امك كمان..
عمر
وفيها ايه هي مش امه ومالهاش غيرو طيب ياريتها امي عايشه وانا كنت عشت تحت رجليها مش جنبيها وبس..
زين
انا قايم مروح وما تخافش يا عمر انا مستحيل اسيب امي لان مش معايا فلوس اجيب شقه بعيد عنها..
_ مشي زين وهو بيضحك وعلي كمان كان بيضحك وعمر بص لعلي وقاله بحزن..
عمر
شايف الضحك اللي انتو بتضحكو ده لما تتحىمو من امكم هيبقي دموع وندم..
_ وفي البيت وصل زين وكان جايب معاه بسبوسه وقابلته هبه بنت عمه وهو طالع وهي لابسه بجامه خفيفه شويه وقالتله...
هبه
ما لسه بدري يا استاذ..
زين
انتي ايه اللي انتي لابسااه ده يا هانم بقي وكمان قعدالي بيه علي السلم..
هبه
الله يا زين هو مين يعني بيطلع ولا بينزل دلوقتي..
زين
انا اهو مثلا وبعدين انتي ابوكي فين وازاي سايبك تطلعي كده في الوقت ده..
هبه
هو انا يعني نزلت الشارع ده انا مستنياك علي السلم وبعدين تعالي بابا صحي جوه وعايزك...
دخل معاها زين وقابلو عيسي اللي كان قاعد بيتفرح علي التلفزيون وقال..
عيسي
اهلا اهلا يا ابن الغالي يا حبيبي تعالي اقعد...
زين
معلش يا عمي بس الوقت اتأخر وانا لازم اطلع عشان ماما زمانها مستنياني..
عيسي
واكيد. طبعا هتتخانق معاك عشان التاخير ده ما هي كانت بتعمل كده وتنكد علي ابوك لحد ما ربنا اخده..
زين بضيق
بس عادي يعني انا متعود علي النظام بتاعها...
عيسي
طيب هتيجي
امتي الست امك عشان تخطب البت هبه ولا انتو ناوين تخللوها جنبيكم...
زين
لا يا عمي ازاي يعني الكلام ده ان شاء الله قريب..
عيسي
هي البت هبه ما قالتلكش علي العريس الدكتور اللي متقدملها..
بص زين لهبه وقال
لا ما جابتليش سيره واكيد. طبعا العريس ده اترفض يا عمي..
هبه پخوف
ايوه طبعا ولا ايه يا بابا اما مش هتجوز غير زين..
عيسي
ايوه طبعا اومال بس انا قولت اقولك احنا بنضحي ازاي عشانك...
زين
اطمن يا عمي هبه مش هتتجوز غيري وعلي اخر الاسبوع ان شاء الله هجيب امي ونجي نتكلم. رسمي..
عيسي بخبث
ان شاء الله يا حبيبي روح يلا عند ماما عشان ما تقلقش عليك...
_ سابهم زين وطلع فوق لقي مامته قاعده علي الكنبه ونايمه علي نفسها قرب منها وقالها..
زين
ماما... ماما اصحي انا جيت..
صحيت سعاد وقالت
اخيرا كل ده بره يا ابني ليه التأخير ده..
زين
يا ماما كنت مع صحابي ولا حرام يعني افك عن نفسي شويه..
سعاد
براحتك يا حبيبي بس ترجع بدري شويه عشان تقدر تصحي الصبح وتروح شغلك وانت مفوق..
زين
ماما انا مش صغير عشان تقوليلي نام بدري عشان تروح المدرسه الصبح فايق انا لولا ظروفك الزفت دي كان زماني متجوز وعندي بدل العيل اتنين...
سعاد بدموع
هي ظروفي اللي زي الزفت دي كانت بأيدي يعني وبعدين احنا فيها اهو اعمل انت اللي امك ما قدرتش تعمله يمكن تطلع القمر وتاخدني معاك ولا وشي هيبقي وحش عليك وهتسيبني..
زين بضيق
هو اللي يقعد هنا معاكي هيروح قمر انتي مش عايزه تساعديني وديما كاتمه علي نفسي وعلي طول خاېفه عليا وخاېفه علي شغلي وخاېفه علي المصاريف ليه بتعملي كده..
سعاد
خلاص ابطل اخاڤ عليك وعلي شغلك ولا اقولك اعتبرني مش موجوده..
مسك زين ايدها وقال
انا اسف مش قصدي كده والله بس اما مخڼوق ومدايق اني سايف كل صحابي اتقدمو وانا لسه مكاني حتي المشروع وقف بسببي وشكلي بقي وحش اووي..
سعاد.
انا قررت ابيع الفريزر اللي جيبته من فتره وكمان هطلع الانتريه القديم وهنرجع ده و..
زين
مش حل ده كله ما يجيبش نص المبلغ بس خلاص انا مكتفي بشغلي في الشركه..
سعاد
امال ايه بقي اللي مزعلك يا ابني ولا انت عايز تتعبني وخلاص..
زين
لا طبعا ده اهم. حاجه رضاكي عليا حتي انا جايبلك بسبوسه اهو يا سوسو شوفتي ابنك بيحبك ازاي..
سعاد ابتسمت
بتعرف تاكل بعقلي حلاوه بس تعيش وتجيبلي..
زين
طيب استني بقي اجيب الاطباق من المطبخ وناكل عشان عايزك في موضوع مهم..
سعاد
اما كنت عارفه برضو ان البسبوسه دي وراها حاجه..
_ ضحك زين ودخل المطبخ جاب اطباق وقعدو ياكلو وقالت سعاد...
سعاد
ايوه يا زين. كنت عايز تقولي ايه يا حبيبي..
زين
ابنك. بقي بيحب يا سوسو وعايز يتجوز..
سعاد
يا الف مبروك يا حبيبي ده احلي خبر سمعته في حياتي..
زين
مش عايزه تعرفي بقي هي مين دي اللي ابنك اختارها عشان تبقي شريكة حياته..
سعاد
طبعا
عايزه اعرف مين انا اعرفها..
زين بقلق
اا انا عايز اتجوز هبه بنت عمي عيسي بنت يتيمه امها قابلت وجه رب كريم وهي صغيره وعمي مننا وعلينا وو..
سعاد پحده
اممممم وبعدين يا ابن بطني كمل وايه كمان...
زين بضيق
في ايه يا ماما مالها هبه دي انا اللي مربيها..
سعاد
لا اللي مربيها عيسي وبنت خفيفه كده ومش مظبوطه ولا شبهك ولا فيوم هيكون في عمار بيني وبين عيسي..
زين
ايوه ليه كده ليه كل حاجه اطلبها تقولي لا وتطلعيلي فيها الف عقده هو انا لازم ابقي علي مزاجك عشان انتي تبقي راضيه..
سعاد پحده
انت تخرس خالص واياااك تتكلم معايا كده تاني انا عرفت بقي ايه سبب تغييرك عليا عمك وبنته كرهوك فيا يا زين...
زين
بقولك ايه يا ماما انا هتجوز هبه ويحصل اللي يحصل بقي عايزه تيجي معايا وتقغي جنبي اهلا وسهلا مش عايزه عاادي هعتبرك. مش موجوده زي ابويا...
_قال كلامه وسابها ودخل اوضته ورزع الباب ورااه وبصتله سعاد. بحزن ودخلت اوضتها ونامت وهي بټعيط..
وتاني يوم صحي زين لوحده بس متأخر علي شغله لان سعاد ما صحتوش وهو مشي من غير حتي ما يطمن عليها..
_ وبعد ما مشي زين يشويه الباب خبط ولما فتحت لقيت قدامها عيسي وقالها...
عيسي
اهلا يا ام الغالي كده تزعلي الواد عشان عايز ياخد بنتي..
سعاد
نجوم السما اقربلك يا عيسي لو كانت بنتك امها عايشه كنت ممكن اوافق واقول تربيت هناء انما تربيتك انت مش لابني..
عيسي
لا هتبقي لابنك اصلها غلطت مع حد. وما فيش حد يشيل الشيله دي غير ابنك ولو انتي قولتيلو حاجه زي دي مش هيصدقك وهيفتكرك بتخربي الجوازه ومش بس كده اللي ما قدرتش اعمله زمان لما رفضتيني هعمله دلوقتي..
سعاد بقلق
قصدك ايه ان شاء الله يا راجل يا شااايب..
عيسي
قصدي انك هتترمي في الشارا من بيتي وبيت اخوية وعلي ايد ابنك يا سعاد..
