بقلم محمود صالح

هاا يا ملك احكيلى ايه اللى حصل و مين عم فؤاد ده  
متقلقيش من حاجه يا ملك احنا معاكى و انا مصدقك باين عليكى بنت ناس و محترمه ... 
بص حضرتك انا هحكيلك كل حاجه بس والله انا ما عملت حاجه عشان انا اول مره اخش قسم 
انا مصدقك والله يا ملك بس انتى ساعدينى عشان اقدر اساعدك و اقدر الاقى صحبتك 

بص حضرتك لما خلصت ثانويه صنايع حبيت اكمل تعليمى فا مجموعى جاب كليه برا محفظتى و كانت معايا صحبتى بوسى كنا حابين انا و هى نكمل تعلمينا و كنا باردو جايبين نفس المجموع فا سفرنا اسكندريه 
و قبل ما نسافر كلمنا حد من على السوشيال يشوفلنا سكن قريب من الكليه و فعلا لقينا سكن قريب 
فا روحنا انا و صاحبتى المنطقه الشقه كانت فى مكان كويس و قابلنا صاحب العماره كان اسمه عم فؤاد كان باين عليه الطيبه و كان ساكن فى الارضى عمرى ما اتخيلت انو كده يا حضره الضابط 
قابلنا بطريقه لطيفه و ورانا الشقه كانت كويسه و سكنا فيها بس كانت عاوزه شويه تنطيف و شويه معطر و خلاص فضينا حاجتنا و بدأنا انا و بوسى نرتب المكان و بعد يوم طويل خلصنا و كنا تعبانين جدا 
فا نمت انا و صاحبتى نسيت اقولك ان صاحبتى ليها قدره غريبه مش فى حد خالص 
صاحبتى كانت تقدر تشوف الارواح و الناس المېته 
بتقولى ايه يا ملك  
ايوه زى ما قولت لحضرتك تقدر تشوف الحاجات دى 
طيب تمام كملى يا ملك 
و بعدين حضرتك خلصنا اليوم و نمنا صحيت على حركه بليل حسيت ان بوسى قامت من نومها بصيت عليها و قولتلها رايحه فين 
قالتلى رايحه الحمام يا ملك فى حاجه 
قولتلها لا مفيش حاجه ثوانى بسيطه و لقيتها جريت عليا و بتقولى اصحى يا ملك اصحى 
قولتلها فى ايه يا بوسى 
قالتلى لقيت بنت خارجه من الحمام و طلعت الشقه برا 
قولتلها متهيألك يا بوسى مفيش حاجه لقيتها نامت جمبى كانت خاېفه و انا بدأت احس بالخۏف