سكربت حب حلال بقلم نشوة عادل

لقاء جهزى نفسك النهاردة عشان انا اخدت ميعاد مع اهل البنت اللى نويت اكمل نص دينى معاها 
لقاء دى كدبة ابريل صح قديمة يا دكتور هاشم مش هتدخل عليا 
هاشم اولا احنا لسه فى مارس ثانيا والله مش بهزر انا بجد نويت اتجوز 
لقاء بفرحة بجد يا حبيبى طب مين هى وعرفتها ازاى وشكلها ايه 

هاشم حيلك حيلك انتى قلبتى وكيل نيابة كده ليه اسمها چنى طالبة فى القسم عندى فى الفرقة الرابعة اما بالنسبة لشكلها بقى هسيبك تتفاجئى لوحدك وتعرفى ان اخوكى بيقع واقف 
لقاء بخبث امممممم واشمعنا ست چنى دى بالذات
هاشم الحكايه ف السطور عشق الطالبه دکتور 
كان اول يوم جامعه طالبه داخله بکبرياء
لمعت عيونه لمعه فيها دمعة تقول بکاء
قال ف عقله ممكن نرسي. رد قلبه خلاص رسينا 
يوم بعد يوم وفترة. لما اتقابلنا وحكينا 
كان كلامها تقول بقطرة تنطق كلمه كل فترة 
حاطه بيني وبينها ستره مش عارف أشوف عينيها 
يوم عن يوم بيكبر. وصل حده حبي ليها 
خۏفت ف لحظه أخسر. قولت أروح وأطلب إديها 
فجأه بدون ماأفكر. شايل ورد وعند بابها.... 
. 
لقاء بعدم تصديق انت بتكتب فيها شعر كمان والله وعيشت وهشوف اليوم اللى الدوك وقع فيه ومسماش
هاشم دى تتكتب فيها حكايات يا بنتى دى حتة شوكلاتة انتى نفسك لما تشوفيها هتعرفى 
فى مكان تانى بالتحديد فى منزل چنى كان والدها قاعد معاها وبيقول جهزى نفسك يا حبيبتى فيه عريس هيتقدملك النهاردة 
چنى بتوتر عريس! عريس مين يا بابا انا لسه مش جاهزة لموضوع الجواز ده بصراحة انا مركزة ع دراستى وبس الفترة دى 
ابراهيم يا حبيبتى انتى حاليا فى اخر سنة وفى التيرم التانى كمان ايه المانع انك تقعدى معاه وتتعرفى عليه مش يمكن ترتاحى ليه 
چنى ايوة يا بابا بس........... 
ابراهيم مقاطعا يا حبيبة بابا انا مش هجبرك ع حاجة انا كل اللى طالبه منك انك تقابليه بس لانى عطيته كلمة فلو مقتنعتيش بيه خلاص ولا كأنك شوفتيه اساسا 
استسلمت چنى وقامت وقفت وقالت حاضر يا بابا اللى تشوفه عن اذنك 
تركته ودخلت ع غرفتها كتمت صوت بكائها وفتحت الفيس ودخلت ع اكونت