ورقتى الرابحة بقلم نشوه عادل

انى الخدامة الجديدة لقيت نفسى فى وسط قصر عينك متقدرش تجيب اخره والحديقة ترد الروح بس ټموت من الخۏف اول ما تشوف كم الحرس اللى مغطى الاسوار زى اسراب النمل دخلنا جوة بس فجأة سمعنا صوت من ورانا 
......... استنى عندك انت وهى 
لفينا وشنا للشخص اللى كان بيتكلم وكان الحفيد الاكبر خالد 
لفينا وشنا للشخص اللى كان بيتكلم وكان الحفيد الاكبر خالد كان وسيم جدا لكن نظراته ټرعب اجدع راجل بشنب اتكلم بصوت جهورى ايه القط بلع لسانكم بسأل انتم مين
صفا انا الخدامة الجديدة يا باشا وده موظف المكتب حضرتك 
خالد بنظرات تمنع لهمتعالى ورايا وانت استنى هنا 
دخلت صفا ورا خالد وهى بصة بتوتر ع كل زاوية فى القصر خالد اشتغلتى فى بيوت قبل كده !
صفا ها اه طبعا بس كانت شقق مش قصر فخم كده ده الواحد وسطو هيتحش عندكم يا بيه 
ابتسم خالد ع تلقائيتها بدون ما يبين ليها وبعدين كشړ ولف ليها واتكلم بجدية بقولك ايه لسانك ده قصريه والرد ع اد السؤال انتى فاهمة 
صفا بلعت ريقها وهى مركزة فى عيونه العسلى الفاتحة وقالت حاضر 
بعد مدة وصلوا للمطبخ وكانت فيه ست كبيرة وتدعى دادة فاتن دخل خالد وقال دادة دى الهاوس كيبينج اللى بعتها مكتب التوظيف عرفيها شغلها وفهميها كل حاجة 
فاتن ماشى يا ابنى
مشى خالد وسابهم واعطت فاتن لصفا ملابس الشغل واخدتها فى جولة داخل القصر عشان تفهمها دورها ايه وفين ولكن بقت غرفة فى اخر الطرقة فسألت صفا طب بالنسبة للغرفة دى مش هتتنضف!
فاتن الاوضة دى مسؤليتى انا الشخصية وانا الوحيدة اللى بدخل انضفها كل نهاية اسبوع وممنوع منعا باتا انكى تقربى منها 
صفا فى نفسها وهى تنظر للغرفة اكيد الاوضة دى هى مفتاح السر 
افاقت ع صوت فاتن يالا خلصى كنس وتعالى ورايا ع المطبخ 
اومأت صفا وبدأت فى الكنس واخدت بالها من وجود كاميرات امام الاوضة عشان كده محاولتش تقرب منها وهى نازلة اتكعبلت فى السجادة وكانت هتقع فصړخت بعلو صوتها لكنها اتفاجأت بنفسها بين ايد شخص ما 
صفا انا اسفة جدا مأخدتش بالى 
........ عادى ولا يهمك انتى كويسه اهم حاجة 
صفا اها 
........ وانتى تبقى مين !
صفا يوووووه بقى عى شغلانة ما قولنا الخدامة الجديدة ...وهنا تذكرت كلام خالد وقالت بسرعة انا اسف. جدا يا بيه والله انا انا 
الشاب بضحك اهدى اهدى وبعدين ايه بيه دى انا اسمى دكتور عمر عمر الحفيد الاصغر فى عيلة الضو
صفا اتشرفت بمعرفة حضرتك عن اذنك 
مشيت صفا متجهة للمطبخ وبعد ما خلصت شغلها استأذنت ورجعت ع بيتها وفجأة جه شخص من وراها وكتم بوقها 
الشخص اهدى انا الظابط حسام 
صفا وهى بتاخد نفسها حسام بيه حرام عليك وقعت قلبى انت ازاى دخلت هنا اصلا!
حسام مش عيب تسألى الحكومة سؤال زى ده 
صفا طب ما كنت حضرتك تستنى وانا اجيلك او اكلمك فى الفون 
حسام انتى هبلة انتى محطوطة تحت المراقبة حتى فونك متراقب برضه المهم ايه اللى حصل النهاردة فى يومك 
اخبرته صفا بكل شئ وكذلك عن الغرفة الغريبة التى رأتها واكملت عندى احساس قوى ان هى دى السر ورا غموض الصقر 
حسام لازم تدخلى الاوضة دى بأى شكل من الاشكال 
صفا ازاى بس يا حسام بيه صعب الكاميرات فى كل مكان ولو دخلت اكيد هيشكوا فيا 
حسام انتى هتدخلى بمزاجهم وتحت نظراتهم 
صفا ازاى يعنى 
حسام شاور ع الاوضة وخرجت منها واحدة ست وكانت الصدمة صفا دادة فاتن !
حسام دى واحدة من ضحاېا الصقر