رحلتى_من_نسيانك_لحياة_جديدة بقلم نشوة عادل
هند انتى بتتكلمى
هند بصتله باستغراب وفجأة بابتسامة بتكلم انا ...اه انا بتكلم عمرو انا بتكلم بجد
جرى هانى عليها واخدها فى وهو بيعيط وبيقولها اتكلمى اشتمينى زى زمان لما كنت اسړق عصير المكس شوكلت والمولتو بتاعك من التلاجة ولما كنتى تبجحى لما ازعقلك انك بتلبسى هدومى وبتستخدمى البرفيوم بتاعى قولى اى حاجة انا راضى والله
نزل الشخص من العربية وقال قولتلكم الخطة هتنجح
نظرت هند للشخص باستغراب مين ده يا هانى وخطة ايه انا مش فاهمة حاجة!
عمرو تعالى نركب بس معاه وهنفهمك كل حاجة بس نقعد فى مكان نشرب حاجة بدل الحر ده
ركبوا التلاتة مع على العربية واتجهوا للكافيه وهناك شرح على كل حاجة لهند من اول ما مروة راحتله تحكيله عن حالة عمرو لحد ما نفذوا خطة اليوم
هند بضحكة يعنى كل اللى فات ده كان لعبة من عمرو وهانى عشان ارجع اتكلم تانى لا برافو هايل اوى والله
على انسة هند انتى ليه بتسميها لعبة ليه متقوليش ان اخوكى عمل كده عشان بيحبك ونفسه يشوفك راجعة لحياتك الطبيعية تانى!
عمرو مشفق عليكى! يا بنتى انا حالتى كانت زى حالتك انا وانتى اتعرضنا لنفس الصدمة والخسارة الفرق ان انا كنت بحاول ارجع لحياتى لكن انتى كنتى مستسلمة يعنى ببساطة انا كنت محتاج ليكى زى ما انتى كنتى محتاجة ليا
عمرو تمثيل ايه! انتى مش فاهمة اى حاجة ابدا
هند مش فاهمة ايه
عمرو انى حبيتك
اترسمت صدمة ع وش هند الا على وهانى لانهم كانوا عارفين ان عمرو حبها فعلا فأكمل عمرو ايه مصډومة ليه ايوة حبيتك معرفش ليه ولا ازاى ولا امتى بس من اول يوم شوفتك اتجذبت ليكى حبيت كل تفاصيل يومى معاكى لقيت نفسى قلبى رجع تانى ينبض بالحب مش بس عشان يعيش
كانت بتقف عشان تمشى لكن عمرو وقف قصادها ومبقاش بينهم فرق كبير رفع وشها وقال بصى فى عيونى وانتى تعرفى بكدب ولا بقول الحقيقة ...ثم مسك ايدها وحطها ع قلبه حسى بضربات قلبى اللى صوتها بيعلى كل مرة بكون قريب منك فيها
هند خاېفة اصدقك تجرحنى وانا مش ناقصة انا فيا اللى مكفينى
عمرو تقبلى تتجوزينى!
عمرو تتجوزينى اظن مفيش اثبات اكتر من كده انى بحبك وعاوز اكمل حياتى معاكى
هند بصت لهانى اللى ابتسم لها وهز راسه بأيوة وقالت موافقة
على مبارك ان شاء الله عليكم بس قبل الفرح بقى لسه خطوة نهائية لازم نعملها فى العيادة نقدر نقول الفينش بتاع العلاج وبعدها متبقوش محتاجين لى فى حاجة
عدى شهر كان عمرو وهند بيروحوا فيه العيادة كل يوم لعلى وبيقعد الاثنين ع الشيزلونج ويركب جهاز خاص ع الراس ويخليهم يتكلموا ويخرجوا كل اللى جواهم من مشاعر سواء ايجابية او سلبية
على الحمدلله كده العلاج اكتمل واقدر اقولكم حمدالله ع السلامة
عمرو انا بجد مش عارف اشكر حضرتك ازاى يا دكتور لولا وجودك مكنتش بقيت كويس
على الشكر لله يا عمرو ولانسة مروة لانها كانت السبب الاول فى علاجك
هند لا حقيقى يا دكتور كتر الف خيرك
