بقلم محمد إبراهيم عبد العظيم

كام سنة ومافيش أي فايدة.
كل مايروحوا لدكتور يقولهم مافيش موانع للحمل خالص .. هي سليمة وهو سليم .
الشيخ حسن شك فيها وكان بيحسبها بتاخد موانع للحمل .. لكنها أقسمت إنها مبتاخدش أي حاجة .
ولما راحوا لأخر دكتور أكدله كلام سمر وقاله إنها مش بتاخد أي موانع للحمل .. وإن بإذن الله الحمل هيحصل بس هياخد وقت شوية .
من النحية التانية أهله كانوا غضبانين جدا منه .. ودا لإن الشيخ حسن مشي من بيت العيلة من غير مايقول لحد منهم .. بمعنى أصح هرب هو سمر .
كتر الكلام بينهم إن سمر وافقت على الجوازة دي بسبب فلوس الشيخ وإنها إستغلت طيبته علشان تسرقه .. وبكرة تخلف منه ولد يورث أبوه وكل حاجة ليه .
وبدأوا يدوروا عليه في كل مكان .. العيلة دي محدش في البلد كان بيطيقهم .. مش علشان هما أغنى عيلة في البلد وكدا لأ .. لإنهم متكبرين .. وشايفين نفسهم إن ماحدش زايهم خالص .
وأهم شيء عندهم الفلوس وبس .. علشان كدا كانوا هايتجننوا ويعرفوا الشيح حسن وسمر ساكنين فين .. أنا كنت بعرف أخبار سمر أول بأول .. كنت بتصل بيها دايما .. بس مكنتش معرفه حد ولا حتى جوزي .
وكانت سمر بتحكيلي على كل حاجة .. وكنت بلاحظ مؤخرا إن شخصيتها بتتغير .. بقيت أسمع صوتها بقى عالي .. وصوت ضحكتها يجيب لأخر الشارع .. ولما بسألها إنتي فين .. كانت تقولي إنها في الشغل .
وبقت سمر شخصية تانية خالص غير إللي كنت أعرفها .. بقت تشتكي من الشيخ حسن وإنه بقى عبء عليها .. وإنها مش قادرة توفق بين البيت والشغل .
وقتها قولتلها 
_ لا يا سمر .. اوعي تتخلي عن شخصيتك وتتحولي لبني ادمة تانية .. راعي ربنا في جوزك وبيتك .
وفضلت وراها لحد ما بفضل الله اقتنعت بكلامي..
لكن في فترة إتقطعت أخبارها خالص .. وتليفونها دايما مقفول .. وبعد مدة عرفت إنها وجوزها رجعوا البلد مرة تانية .. سمر حملت وخلفت بنت بعد ما عدى على جوازها ٥ سنين .
لكن في فترة إتقطعت أخبارها خالص .. وتليفونها دايما مقفول .. وبعد مدة عرفت إنها وجوزها رجعوا البلد مرة تانية .. سمر حملت وخلفت بنت بعد ما عدى على جوازها ٥ سنين .
عرفت بعد كدا إن بعد ما الشيخ حسن عرف إن إللي في بطن سمر بنت .. قرر يصارح أهله ويرجع يراضيهم .. ليه عمل كدا .. لإنه كان واثق إن لو كان إللي في بطن سمر ولد .. مكنوش سابوه يعيش .. وكانوا ممكن يأذوا سمر وإللي في بطنها .
لكن بعد ما إتأكدت إنها بنت .. وكان ناوي في قرارة نفسه إنه يصالحهم .. عدى وقت كتير على الخصام .. وهو حس إن نهايته قربت .. مكنش عايز يكمل بنى في السور إللي بينه وبينهم .
وبالفعل بعد ما أهله إتأكدوا إن سمر حامل في بنت .. رجعت الماية لمجاريها .. لكن ماحدش منهم كان طايق سمر وسطيهم .. ودايما كانوا شايفينها عالة عليهم .. البنت اليتيمة إللي مالهاش جذور .. إزاي تعيش وسط ناس من الطبقة الراقية .
يمكن كان في حاجة في دماغهم مستنيين ينفذوها .. بصراحة سكوتهم دا كان قلقني أنا شخصيا .. هما صحيح إطمنوا على فلوسهم انها مش هتروح .. وإن البنت غير الواد .. بس حتى معاملتهم مع