وجدتك_نورى_فى_وسط_ظلمة_الحياة بقلم نشوة عادل
ده معروف اوى وعمل حاډثة من تلات سنين واتعمى ومن وقتها مبقاش يكتب واختفت اخباره
انيس ايوة هو ده
سلمى طب وانا المفروض هعمل ايه
انيس هتعيشى معاه فى الفيلا عشان تخلى بالك منه ومن مواعيد ادويته وتخرجى معاه لو خرج وهكذا
سلمى اعيش معاه بالفيلا لوحدى ازاى بس!
انيس مش لوحدك اخوه موجود وكمان الخدم ومعظمهم ستات وفيه منهم واحدة هتكون معاكى دايما صبح وليل
انيس انا عارف الناس دى كويس وعمرى ما هوديكى لحد ميعرفش ربنا فلو انتى مرحبة كان بها اما لو مش موافقة خلاص هعتذر ليها
سلمى خلاص يا دكتور وانا موافقة اروح عشان خاطر حضرتك
اتصل انيس ع نادية اللى طلبت منه يجيبها بكرة ليهم ع الفيلا وبالفعل تانى يوم راحت سلمى وقابلت نادية واياد وكانت مرتاحة بالمقابلة قعدت نادية مع سلمى وفهمتها طبيعة زياد والحاجات اللى المفروض تعملها وهكذا
سلمى ربنا يهون عليه ان شاء الله ويعينى واكون عند حسن ظن حضرتك
نادية اوعدينى انك هتستحمليه مهما عمل ومش هتسبيه بس لحد ما ارجع
سلمى ان شاء الله اوعدك
نادية ربنا يريح قلبك يا بنتى ودلوقتى تعالى عشان اعرفك ع زياد واعرفه عليكى
راحت سلمى مع نادية ع غرفة زياد وكالعادة كانت ضلمة ومليانة ابتدت سلمى تكح بقوة لان عندها حساسية صدر
سلمى الدخان ده غلك جدا ع الصدر والرئتين حضرتك بټموت نفسك بالبطئ
زياد ياريت متدخليش فى اللى ملكيش فيه واظن ماما فهمتك هتعملى ايه وياريت تلتزمى بكل كلمة قالتها
زياد بخنقة تمام يا امى
سلمى اسفة جدا يا استاذ زياد لو اتعديت حدودى
زياد ولا يهمك
نادية تعالى معايا يا بنتى اوريكى غرفتك واعرفك ع الخدم وع دادة سامية هتحبيها اوى
بالفعل اتعرفت سلمى ع الخدم وراحت ع اوضتها كلمت امها وعرفتها باللى حصل واطمنت عليها وكمان كلمت هايدى وحكيت ليها عن زياد .. تانى يوم سافرت نادية عشان تعمل عمليتها
إياد ياااه واخيرا وافقت ده انا لسانى اتدلل عشان توافق اننا نروح نغير جو
زياد وأدينى وافقت يا سيدى عشان متزعلش
إياد خلصانة هروح احضر شنطتى حالا واعرف دادة سامية
مشى إياد...سلمى احم ميعاد الدوا بتاع حضرتك دلوقتى
زياد تمام هاتيه وروحى حضرى هدومك
زياد الخدم هيحضروا الشنطة انتى هنا ممرضة مش خدامة عندى
سلمى لنفسها انسان متناقض
زياد بتقولى حاجة
سلمى لا ابدا بستغفر فى سرى
زياد افتكار ربنا رحمة برضه يلا روحى جهزى نفسك
بالفعل راحت سلمى عشان تجهز شنطتها وبعد ما انتهوا ركبوا العربية واتجهوا لشرم الشيخ
فى عيادة دكتور أنيس كان الشغل خلص والسكرتيرة مشيت وفضل هو لوحده هناك واثناء خروجه فجأة دخل عليه شخص ملثم
أنيس پخوف انت مين وعاوز ايه!
اخرج الشخص مسډس من جيبه وقفل الباب وطى صوتك يا دكتور وقولى سلمى فين!
أنيس سلمى! سلمى مين!
الشخص اووووف بقى يا دكتور احنا مش لسه هنغنى قصاد بعض سلمى الممرضة بنت قمر فين يا دكتور
أنيس معرفش
الشخص ازاى متعرفش وهى شغالة معاك هنا وكانت عايشة فى الشقة اللى قصادك دى
أنيس الله ما انت عارف كل حاجة يبقى ازاى متعرفش مكانها دلوقتى وجاى تسألنى انا!
الشخص بقولك ايه انا خلقى ضيق ومعنديش وقت اضيعه معاك انطق البت فين
أنيس وانا قولت اللى عندى معرفش هى فين
الشخص عمر وقال يبقى اتشاهد ع روحك يا دكتور
أنيس پخوف طيب طيب هقولك هى شغالة ممرضة خصوصى عند زياد الجوهرى
الشخص مين زياد الجوهرى ده وفين عنوانه
أنيس هو كاتب وعايش فى فيلا فى ..................
الشخص شكرا اوى لحضرتك يا دكتور وعشان تعاونك معايا ده ليك منى هدية حلوة
....تانى يوم انتشر خبر مقټل دكتور أنيس ع السوشيال ووصل الخبر لسلمى واڼهارت بالبكاء وجالها استدعاء من النيابة للتحقيق معاها لانها كانت شغالة معاه
سلمى استاذ زياد انا لازم ارجع المنصورة
