تزوجت من اخت مراتي

خرج الدكتور وعينه في الأرض وقدامه شاب متعور وهدومه كلها دم
الدكتور : قدرنا ننقذ المريضة بس للأسف مقدرناش نلحق الجنين.. البقاء لله
بدر : جنين !!! جنين ايه يادكتور
الدكتور : حضرتك تقرب للمريضة ايه الأول ؟
بدر : انا خطيب اختها .. جنين ايه اللي بتتكلم عنه احنا هانخرف !!
حضرتك اكيد متلغبط بين اخت خطيبتي وواحدة تانية

الدكتور : مستحيل .. مش اخت خطيبتك إسمها زهرة وقصيرة وشعرها أسود طويل ؟
بدر : أيوة بس مستحييييل تكون حامل دي اشرف من الشرف ولا حد لمسها أصلا انت بتقول ااااايه
الدكتور : ده التقرير الطبي بتاع زهرة تقدر تقراه وتتأكد من كلامي .. عن إذنك
بدر مسك التقرير يقراه .. بدأ يبرق وعينه تحمر لما اتأكد من كلام الدكتور بجد
التقرير ۏقع من ايده في لحظة مش قادر يستوعب فيها اللي بيحصل !
بدر للممرضة : العربية اللي خپطټ عربيتنا اللي كان فيها مlټ ولا عايش ياانسة ؟؟
الممرضة : سبحان الله .. الشاب اللي خبطكم بالعربية جبناه هنا ولسة ملحقناش نعمله حاجة اختفى وهرب بالجروح والكسور اللي كانت فيه
وطى بدر جاب التقرير من الأرض
وراح في اتجاه الاوضة اللي فيها زهرة
زهرة نايمة علي السرير دماغها ملفوفة بالشاش وشعرها الاسود مفرود ع المخدة جنبها ودراعها ملفوف .. بدأت تفتح عينيها وتفوق
بدر واقف قدامها باصصلها ووشه احمر وعروقه نافره
زهرة بتعب : بدر .. انا فين وايه اللي حصل
بدر بعد سكوت لحظات: حادثة .. عملنا حادثة ع الطريق يازهرة واحنا رايحين نطبع دعوات الفرح بس ادينا بخير الحمدلله
زهرة : يالهوي .. وانت كويس يابدر ؟؟
بدر باصصلها وساكت ودماغه بتودي وتجيب في اللي الدكتور قاله
زهرة : بدر ؟؟
بدر : آه يازهرة كويس
وهما بيتكلموا جت امها وابوها ومها اختها (خطيبة بدر)
ابوها وامها جريو علي زهرة يتطمنوا عليها
مها جريت علي بدر
بتمسك وشه پخضة : انت كويس ياحبيبي ولا فيك حاجة طمني عليك ؟؟
بدر : انا كويس يا مها .. شوفي اختك
بتبص علي اختها
مها : الف حمدالله على سلامتك يازوزو .. حبكت معاكي ياختي تعملوا حادثة ويحصلك كدا قبل فرحي انا والواد الغلبان ده بأسبوع  مكانوش كرتين دعوة رايحين تطبعوهم دول  
عبير امها : يعني هي بمزاجها يا مها ما تخلي عندك تمييز يابنتي
ابوها : خلاص ياجماعه مش وقت خناق .. المهم دلوقتي ان انتو بخير الحمدلله ومحدش جراله حاجة ، وزهرة كلها يومين وهتخف وهتبقى زي الفل قبل الفرح كمان
بدر واقف عينه في الأرض وكأنه في عالم تاني مش معاهم
عبير امها : بدر انت كويس يابني ؟؟
بدر : انا عاوزكم في موضوع ياجماعة ممكن تيجو برا دقيقة بس عشان زهرة ټعپlڼة
ابوها : تعالو برا نشوفه عاوزنا في ايه
خرجوا ال٤ من الاوضة ووقفوا برا
ابوها : في ايه يابدر هي زهره فيها حاجة !!
مها : أوعى تقول في اي حاجة ومحتاجين نأجل الفرح لحسن انا مستنية اليوم ده بقالي سنيييين ومعنديش اي استعداد إنه يتأجل تاني  

بدر : لا مفيش تأجيل ولا حاجة الفرح في معاده كمان اسبوع
بس فيه تعديل بسيط هيحصل
عبير : ايه هو يابدر
بدر : انا مش هتجوز مها .. انا هتجوز زهرة أختها. يتبع

بدر : انا مش هتجوز مها .. انا هتجوز زهرة أختها
مها وعاصم ابوها وعبير امها باصينله پصډمة. !!
عاصم : نعم يااخويا ؟؟؟!!!
هو ايه اللي مش هتجوز مها هتجوز أختها ، انت lټ'چڼڼټ ولا ايه
عبير أمها : ايه اللي انا بسمعه ده ؟؟ بدر انت اكيد بتهزر صح
مها بتضحك : ما طبعاً بيهزر ياماما انتي بتاخدي علي كلامه زهرة ايه اللي يتجوزها   
هو هيروح يتجوزها عشان حادثة عملوها عشان انا كنت مشغولة شوية وهي اللي راحت معاه يطبعوا الكروت يعني  
بدر : لا ياجماعة انا مبهزرش انا بتكلم جد وجدا كمان
عبير : هو اااااايه الي بتكلم جد انت فاكرها سايبه ولا الدنيا ماشية علي مزاجك عشان تقعد خاطب بنتي سنتيييين وهوب يطلع في دماغك تتجوز اختها قبل فرحكو بأسبوع انت lټ'چڼڼټ ولا جرا لمخك حاجة !!!!
عاصم : بس ياعبير اسكتي
بيبص لـبدر : انت مش هتقول كدا ولا هتعمل كدا من غير سبب ، قولي سببك يابدر عشان انا لحد دلوقتي ماسك أعصابي بالعافيه
مها واقفة فطسانه من الضحك وكأنها في صډمة ومش مستوعبة اللي بيتقال
بدر : عمي انا عايزك خمس دقايق علي إنفراد
عبير : إنفراد ايه لا انا عايزة اسمع ال…
عاصم بيقاطعها : خلااااص ياعبير خلصنا.. هدخل اشوفه عايز ايه واخرجلكو
دخل عاصم وبدر علي أوضة جانبيه كدا يتكلموا
مها : يلا ياماما ندخل نشوف زهرة مش وقت هزار ده البت ټعپlڼة جوا
عبير بتبصلها باستغراب !!
*في الاوضة*
عاصم : ها يابدر .. ممكن تفسرلي اللي قولته من شوية بقا ؟
بدر : انا مكنتش هاجيب سيرة الموضوع لحد ولا هتكلم فيه، بس بما إني عارف ان حضرتك اب متحضر وتفكيرك ناضج وعشان حضرتك لازم يكون عندك سبب منطقي عشان توافق اني اتجوز زهرة بدل اختها هقولك اللي حصل
بس تعاهدني عهد رجالة إن الكلام اللي هنقوله دلوقتي مش هيخرج برا ومحدش تالت هيعرفه
عاصم : ده الموضوع شكله كبير بقا !
بدر : زهرة كانت حامل ۏسقطټ النهاردة   
عاصم بيبرق وبيمسك بدر من التيشيرت : لا ده انت كدا زودتها اوووووي
بدر : تفتكر انا ممكن احور عليك في حاجة زي دي ياعمي ؟ دي زهرة اختي وحضرتك عارف كدا من اول ما دخلت بيتكو
عاصم بيهدي لثواني و بينزل ايده : اومال الي بتقوله ده اسميه ايه ؟؟
بدر : سميه اني lټصډمټ النهاردة زيي زيك بالظبط لما لقيت الدكتور خارج بيقولي كدا ومن وقتها وانا مخي مهديش تفكير وانا بجمع كل الأحداث جنب بعضها
عاصم بيحط ايده علي دماغه : ازاي يعني .. ازااااي
بنتي اشرف من الشرف ومحدش لمسها يابدر