رواية جيران_الهناء بقلم~رماز~الخير
تعرس وعروسك عندي هديه ورضيه وبت ناس حتنسيك القديم وتعيش معاها احلا ايام انت من حقك تعيش وتشوف حياتك زي ماهم عملو
ودي منو كمان يا امي.
بعد اربعه سنه
القال لكم تحلقو للولد دا منو ااااا
دايرو ابقي زي ضنبك دا يامحمد
مالكم ومالو احمد اووعك تهبش الولد تاني بسجنك والله
مروة ماتجي تشوفي اخوك
ولدو وهو حر فيه اقول له شنو
يعني انا الدي ومحمد ېخرب وكمان يبقي ولدو مش اممم
ضحكته وجدعته بي مسند الكنبه وقلت اااي كان عجبك
لا والله ماعجبني والجاي في السكه دا بي يدك ماتهبشو كفايه محمد الاحتكرته علينا دا
لو ولد انسي اخليه لك يا ابو نظارات
مروه جات شايله صحن فيه حلويات ختته وقعدت جمب احمد مسكت بطنه وقالت الجايه بت قلت لكم وحااسميها هناء انا دعيت ربنا اديني لها اول بس ربنا قسم لي محمد والحمدلله ومتاكده دي هي
ايواه يامروة
مسكت يدي انا اسفه ماقصدته اضايقك بي سيرته
ختيت يدي علي خدها مااضايقته حبيبتي ارجعي لي راجلك
طيب ماشي لشنو مش قلت حتتغدا معانا
معليش بس عنود لقت لي البيت وماشي اشوفه انشاءالله المره دي اعجبني
حبيبي انت لشنو رافض تقعد معانا من جيت البلد دي قاعد في فندق وكل يوم تفتش علي بيت وبيتنا واسع احمد ماتتكلم معه
ومالي يا معفن هو الدايرك تسكن معه منو غير اختك دي واحد مزعج امشي شوف البيت انشاءالله اعجبك انت لو قعدته معانا بتخرب لي اولادي
سامعه راجلك بطردني
ضحكت احمد بهظر معاك انت عارفه بحبك قدر شنو هو ماقدر اتحمل الغربه بدونك انا ماحكيت لك كم مرة صحيت لقيتو ببكي فاقد ايامك
ضحكت هو عارف اساسا امي كانت بتتصل وتورينا كيف انت فاقدنا ودا السبب الخلاها تحلف عليك تسافر
ماتذكريني بي امك روحي مشحتفه عليها الله يجيب زمن ولادتك دي عشان القاها حجه اجيبها اووعك تعملي زي المره الفاتت وتخليها تمشي سنه تترزعي في السرير ماقادره تتحركي
وبعد السنه
حتكون اتاأقلمت
حبيبتي لازم امشي انتي عارفه عنود مواعيده دقيقه ممكن تغرمني بسبب الدقايق الضيعتها
تغرمك شنو دي روحها فيك ماتصدق تطلب منها طلب
بشوفك يلا سلام
برضو ماداير سيرة العرس سرحانه فيني وانا مارق وقالت احمد ماتقنعه اعرس حيفضل عايش علي ذكراها كدا لمتين
احمد جاء مسكها من كتفها ضاميه عليه لو الكلام مفيد كان نساها من كتر مااتكلمت معه بس دا ماحب دا چرح مابيبرا ربنا اكون معه
عشان دي قسمتهم ماتزعلي عشان البيبي بحس وشوفي حمودي مكشر وشو كيف رجعو علي الكنبه يلعبو في محمد الصغير والبيبي المامعروف جنسه لسه.
راكب العربيه ماشي في شوارع دبي وبتذكر الحصل قبل اربعه سنه وكيف امي كانت حتعرس لي بت عمي الصغيره عشان انسي بها هناء
امي انا ماداير اعرس ماداير اعرس افهميني
داير شنو طيب تعيش عمرك كدا زي المچنون
انا ماداير اعيش اساسا
قامت علي ضړبتني زي الشافع وهي بتقول ماعلي كيفك ياتعرس يا تسافر لاختك ماحااسمح لك ټدفن نفسك بالحياه
طلعته من الذكري بتلفوني البرن من عنود زميلتي وصديقتي خليجيه عيونه واسعه حواجب مقرونه لون انصع من التلج طويله تكاد تكون طولي محجبه بتلبس عبايات بس عبايات شنو حاجه كدا ووووبعلي بس
الووووو يامحمد وينج
هلا بالعنود انا في الطريج
ميه مره قولتلك لا تقلدني احجي معي بلهجتك ميه مره قلت لك ماتقلدني احكي معي بلهجتك
طيب اسف
لا تضحج عم احكي جد
وانا كمان جادي اها طمنيني البيت كيف
حلووو مرا حلو متل طلبك بالظبط فيه جنينه خلفيه وشجر
بس دا ماطلبي انا قلت كل بنفس بيوتنا السودانيه عشان امي تقتنع تعيش معاي هنا
ااااااي مو هادا حجي نفس الطراز السوداني ومرا عندك جيران سودانين
حلو في جيران امي بتحب الجيران بس خلاص ادفعي المقدم وانا في الطريق
خلاص نعتمدج
ايواه قلت لك علي ذوقك حااسكن
والله كتير مهذب اليوم شوساير معج
اتذكرته امي بس اشتقت لها ولي اخواني
اااي والله الغربه كتيير صعبه
تمام انا وقفته بسببك في الطريق اقفلي عشان اوصل
ااايه وعادة حليمه لعادته القديمه
كدا يعني طيب يا عنود غووري من وجهي
ضحكت ااي والله هدا محمد اللعرفه.
ضحكته وقفلته
عنود من اول الاصحاب الاتلاقيت معاهم هنا هي وفهد امي بعد مارفضته اعرس ورفضته السفر حضرت لي شنطتي وصحتني وانا نايم محمد يا ولد قوم حيلك
خير ياامي دايره حاجه مهند مش قاعد
لك سنه نايم ومابتعمل شي
محتاجه حاجه وماعملته لك
وجودك وعدمو واحد اتفضل قوم احمد رسل لك اقامه معه هناك لقي لك شغل بي شهادتك
قمته معلي صوتي انتي القلتي له مش بتصغري بتك مع راجله لشنو انا شافع عشان القي لي احمد شغل انا قلت لك داير شغل ادتني كف بديت تعلي صوتك كمان
دنقرته راسي ياامي خليني في حالي عليك الله خليني مع خيبتي
قعدت في الكرسي وتبكي انا ماولدتك عشان اخليك تضيع بالساهل كدا لا هي اخر بت ولا اول بت النسوان كتار
وهي الډخله شنو
لو ما مشيت حتشيل ڠضبي عمرك كل انا لا عافيه لك ولا رضيانه عنك لو قعدته يوم زياده في البلد دي
قعدته في الارض وراسي في رجوله
حرام عليك ماتشيلني غضبك هو انا ناقص ماكفايه علي الانا فيه دا سامحيني واعفي عني
ماعافيه عنك
حاامشي واحصل لي حاجه
وانت اسي ماحاصل لك
امي انا ماداير اسافر ماتجبريني علي شي مادايره
خلاص يامحمد اقعد وانا لا حااكل لا حااشرب طول ماانت قاعدنفضتني وقامت
اتوقعته بتهددني بس قعدت اليوم كل بدون اكل ماقدرته اتحمل تقعد جعانه بسببي شلته شنطتي وجيت .
وصلته البيت الحجزته عنود وقفته العربيه ونزلته كانت منتظراني برا وتضحك هلا والله محمد
بعاين للحي الفيه البيت كان مقاس طلبي البيوت ماعاليه وقريبه من بعض اعلي بيت يكون طابقين وسطوح جنينه خلفيه وقدام البيت مكان العربات الحي راقي نضيف زيو وزي البلد السياحيه دي
دخلته لي جوا كان طابق واحد بس غرف كتيره
دا شنو ياعنود البيت دا ماضيق
شو هاي ضيج وماضيج حبيبي هادا بيت لي عوائل بي حاله شو بيك
دا عندنا بعيش فيه طالب جامعي براهو نحن بنحب الحيشان الواسعه البيت رغم غرفه الكتيره مافيه مساحه تحسيه كاتم كدا فاهماني
قلتلك انكم كتير مبذرين فتحت باب وقالت شوف هاااي المساحه حبيبي هادا ميدان كورة والله
طلعت علي الجنينه فيها مسبح وقعده كراسي وطربيزه ومعمولات بي قماش ابيض فوق كدا من الشمس زي المظله بس دي بي قطع وجميله
تمام حلوو
شفته كيف يازول
ضحكته وقلت مابتقدري تقليدنا خليك في خليجيك دا وانا ماشي لمحته شجره جوافه قريبه من الغرف وراميه علي جنينه الجيران
وقفته سرحان فيها
شو بيك
الشجره دي ممكن اقطعها ولا في مسائله
لو بضايجك وتسببلج ازعاج اقطعها حبيبي
تمام بكرا شوفي زول اجي اقطعها مابحب شجر الجوافه
عندج حساسيه منه
اممم
قفلنا البيت وراجعين البنك مكان
