رواية جيران_الهناء بقلم~رماز~الخير

جيت ولا انا بتخيل دموعي نزلت لمن ختت يدها علي وشي ختت يدها التانيه وتمسح في وشي 
اخيرا شفتك يامحمد الحمدلله قبل ما...امي اووعك تقوليها والله ازعل منك قومي معاي قومي انا جيت عشان اشرب اليانسون من يدك تصدقي مافي واحده بتعرف تعملو من نسوان الخرطوم المفلهمات ديل
ضحكت بي تعب وهي بتقول عارفه انا وريتك زي مطبخ امك مابتلقي
قشيت دموعي وقلت معناها قومي انا ما بقبل واحده غيرك تعملو لي تاني
يعني جيت خلاص
اكيد خلاص الحياه بدونك صعبه يا امي قومي معاي نمشي المستشفي قومي
وانا فيني حيل عشان اقوم رفعته وقلت. الحقوني بالتوب رقدته في العربيه وطيااااره علي اقرب مستشفي خالتي انتصار ومودة و مروه وهناء يبكو واحمد بهدي فيهم 
يادكتور طمني امي كويسه
الوالده عندها تايفود تقيل وملاريا اربعه صلايب لشنو خليتو بعد المړض اتركن فيها ولا انتو مابتجيبو المړيض الا في اخر لحظات حياته وتعدوها خوف .....ناولته بنيه احمد ومهند مسكوني وبعتذرو منه 
دا ولدها ماكان موجود اسفين يادكتور
م مشكله متفهم 
مامتفهم حتفهم شنو انت دي امي البتقول عليها اهملته دي دي حياتي انا عايش عمري عشان ماتشقي كيف اهملها لزيتهم وقلت كل منكم انتو السبب
احمد حاولنا معاها كتير
مامبرر كان تكلموني بس انتو اخترتو تسكتو لو امي حصل لها حاجه لا انت اخوي ولا انت صحبيمرقته في حوش المستشفي وببكي جات هناء ومروه
محمد
قشيت دموعي اتلفت عليهم خير في شنو
احمد ومهند ماعندهم ذنب امك عنيده ورفضت تمشي معاهم احمد دا بكي لها عديل رفضت وكانت بتحلفو مااكلمك
دايرين شنو يعني اسي
ماتلومهم كلنا موجوعين عليها
مافي واحد حيحس بي دي امي ماعندي اغلي منها انا عايش بي حسها افهموني وارحموني واختوني امشو من قدامي انا مامتحمل ااي زول اتلفت منهم مدخل يديني في جيوبي وبتنفس.
بعد كم ساعه وبعد حقنه التايفود مشت في جسمها صحصحت وبدت تتكلم 
قاعدين كلنا وبنضحك ونحاول نخفف عنها
مروه شفتو ماقلت لكم امي دي بتتدلع عشان محمد 
احمد والله معاك حق من شافتو ماشاءالله تبارك الله
كانكم حاسدني عشان امي بتحبني 
قاعد جمبها وبتلعب بشعري
حبيبي ماتكاويهم ديل شفع ببكو اسي
طلعت لساني وقلت خليهم ابكو.
الدكتور قرر انها ترقد عشان حقن التايفود مرقته عشان امشي البيت واجيب لهم حاجات كلهم رفضو ارجعو ودايرين ابيتو انشاءالله برا المستشفي
احمد لحقني محمد اصبر نمشي سوا
لا يااحمد خليك معاهم انا بمشي بالعربيه وبرجع احتمال هنا يحتاجو شي
جات هناء ختت يدها في ضهر احمد بضحكه قالت محمد معه حق خليك معاهم انا حاامشي مع محمد
انتي
ايواه انا يامحمد امي رسلتني اجيب لينا حاجات من بيتنا
طيب اتفضلي احمد
ايواه
انا اسف قبيل كنت ...ربت علي كتفي وقال ولا يهمك يا صحبي نحمد الله خالتي نعمات كويسه والله مايورينا فيها مكروة
ابتسمته واتحركته ركبته العربيه معاي هناء ساكت بي هدؤ يد في الدركسون ويد علي وشي بلعب بي دقني البدا يتحدد 
بقيت سمح ود الخرطوم ود الخرطوم
طلعت من سرحتي اااا قلتي شنو
سرحان وين
ماعندي هم غير امي يا هناء
حتكون كويسه مالك شايل الهم
انشاءالله لو حصل لها شي ماحااقدر اسامح نفسي
وانت ذنبك شنو ولا عشان مشيت وماسالته مننا ولا حتي مكالماتنا بترد عليها ونسيتنا تماما
عاينته لها يادوب من وصلته ملامحه اتغيرت وحسيت بي نضوج في وشها البقي مدور كانت مبتسمه الغمازه اتحفرت زياده العيون لونه بقي احمر غاتم 
محمد سرحته تاني
كيف مع الجامعه انتي ومروة 
لو بهمك كان سالته
ماتردي عديل بدل ماامرق الحزام ونرجع للايام الخوالي
لولحت رقبته دا كان زمان لمن كنت شافعه انا اسي كبيره وماحتقدر تضربني.....لصقته لها كف ردي بدون قلة ادب
مسكت خده لسه يدك تقيله
لسه لسانك طويل
الخرطوم ماغيرتك
الجامعه ماغيرتك
الجامعه عارفين لها شنو احمد زي الحرس نمرق من المحاضره نلاقهو منتظرنا يوم اكون شغال مهند بديل
ضحكته مهند اتعلم المسؤليه
لا حوله مهند خلانا نعرف انك كنت مدلعنا
ضكر نجم الدين دا مابولد غير الضكوراها ودكتور تميم وين
كويس
مالك اتشاكلتو
لا بس
وصلنا البيت وقفته العربيه جمب الباب نزلته فتحت الباب وقلت بس شنو 
نزلت مكشره وشهامافي شي خلينا نجيب الحاجات ونمشي 
طيب ادخلي جيبي المحتاجه مسافه انا امرق 
دخلته البيت عاينته لي شجرة الجوافه وذكرياتنا قبل سنه مضت اتذكرته هناء وجدعيها المابنتهي اتذكرته امي وهي بتشاكلني خلي البت يا محمد. قشيت دموعي يارب تقومي بالسلامه وانا اوعدك مافي حاجه تبعدني عنك ولا حتي مشاعري الماقدرته اډفنها رغم البعد 
هناء جات شايله شنطه ضهر لقتني واقف في الحوش تحت شجرة الجوافه عاينت لي محمد انت لسه
لسه بتحبي الجوافه
دخلت لي جوا بحبها بس ابتسمت وقالت حبي لها زاد بعد انت مشيت
استفرضتي بها ومافي زول امنعك مش
ضحكت 
وريني تميم مالو
عاينت لي جوافه فوق وقالت نزل لي دي
رفعت يدي بحاول امسكه جات علي ختت الشنطه علي الارض ومدت يدها وبتقول دي ياخ دي
نزلت راسي ويدي فوق ويدها فوق وقلت انتي طولتي صح
ابتسمت طولته بس انا بقيت مزززة كمان 
انتي من يومك مزة بس مزه قصيره
عاينت لي انا مزه 
ردي علي سوالي عشان زهجته منه
سوال شنو
تميم خطيبك مالو 
تميم ماعندو مشكله بس جات داخله تقوي تكورك خلاص جيت عشان اللقاءت ماقلت لكم حتكون معه 
عاينت لي وقالت ديل مامريحني
لسه ديل هم
وحات الله زادو 
نزلت يدي ومشيت علي تقوي معاها كم واحده مسكتها من عبايته لزيتها برا وقفلت الباب 
هناء يدها في خشمها وتضحك
ابتسمته وقلت ماوقتهم والله دخلته غرفه امي شلت لها مخدته البي فايبر جبتها لها ارساليه بالشعبي ابتسمته لانها معلقاها فوق حسيتها دايره تحتفظ بها ذكري
والله يا امي انا جبتها لك تستعمليها ولا تخزنيها
امك بتحبك يامحمد اي حاجه منك بتعتبرها اثر تاريخي
اتلفت علي هناء الواقفه في الباب 
وانا بحبها ياهناء وندمان علي الشهور العديتها بعيد عنها مابتتخيلي تعبته قدر شنو بدونكم
بدونه ولا بدون دلع امك
كلكم فرقتو معاي مروه واحمد علاقتهم كيف 
اختك بقت تدلع علي الولد وهو متحمله
رفعته البطانيه دخلتها في كيس وقلت خليها تدلع الخطوبه للدلع اساسا
محظوظه والله
عاينته لها لشنو حاسك مامبسوطه مع تميم
حتي لو دايره انبسط تغريد واخواته مابخلوني
عملو شنو تاني
خليك منهم تعال اوريك حاجه جرتني ومشت بي علي غرفتي فتحتها وقالت شوف 
دخلته لي جو بضحك امي رتبتها مشيت علي رف الكتب 
كل نهايه اسبوع بشتري كتاب او روايه واختهم لك في الرف 
لشنو عملتي كدا
ونحن بنرتب فيها لاحظته لي رواياتك خلصت قلت اجيب لك الجديد
يعني ماسمعتي كلامي صاح
لا والله ماقاعده اقرا بس بشتريهم وبختهم وماعارفاهم حلوات ولالا مسكته اول واحده كانت فوق عاينته فيها فتحتها كانت رومانسي ابتسمته وقلت انا مامالي ومال الرومانس
قعدت وهي بتتضحك معقوله ماحبيت يامحمد
بقلب في صفحاته وقلت القلب مابشيل اتنينوانتي اكتر واحده عارفه كدا
لشنو يعني انا اعرف
لانك بتحبي خطيبك يعني بتعرفي الحب
انا ماحبيت تميم زي ماانت قلت القلب مابشيل اتنين
عاينته لها مستفهم 
عاينت لي بي نظره حزينه وقالت بعادك كان قاسې علي
عقدته حواجبي وبحاول افهم تلفوني ضړب طلعتو وعيوني عليها وهي مدنقره بعد قالت جملته رديت بدون اشوف الرقم الووو
محمد محمد الحقني
مالك يامروة مالك پتبكي
امي يامحمد امي الكتاب وقع