رواية جيران_الهناء بقلم~رماز~الخير
شنو
جيت راجع من الجامعه شايف عربيه حيدر قدام الباب وتقوي وصحبته واقفت جمب بابهم مشيت دقيت الباب جاني هو فتح
محمد اتفضل دخلته وقلت دا بيتنا انت بتفضلني
بيتكم انت مش جارهم بس
رفعت حاجبي وقلت لا نحن متربين مع بعض
كلنا متربين مع بعض دا مامعناه اخوان ولا هنا ماعندكم المحارم والبنفع والمابنفع
قصدك شنو
ماتزعل مني انا عارفك محترم والجماعه ديل محترمين بس ديل نسوان براهم ماصاح انت تدخل عليهم في اي زمن
انا خطيبها اجي وقت داير في النهايه حتكون حلالي ومرتي بس انت ...قربته منه وبعاين جوا عيونه داير اشتبك معه جات خالتي وقالت محمد ولدي اتفضل بعاين فيه وقلت تسلمي
تعال تعال اصلا دايراك ماشي معاها وبعاين فيه خالتي الزول دا الجابه شنو خطوبه هي ولا زواج والزفته دي وين
والله يامحمد مااسالو لو ساقها بيته عشان انت الوافقته عليه وانا اساسا مادايره وماهاضمه وقلبي ميابيه
كدا مغرزه لك
انتي جاده ياخالتي
اي والله جاده وعشان امغرزك اكتر ناديتك هاااك دي القهوه هو قال جاء اشرب كبايه معانا اتفضل امشي اقعد معاهم انادي لكم هناء
تنادي هناء خالتي الكلام دا ماصاح لزتني وقالت البتعملو بي ايدك يامحمد
قاعد معه محمر له ومحمر لي هناء قاعده وساكته زهج قام وقال لها بتصل لك
حمرت لي هناء وقلت احمد دا خاطب مروه دي من متين حصل يوم شفتيه جاء وقال نادوها اتونس معاها ولا حصل مرقو سوا ولا اسوقك تعلمك دخلت غرفته من سكات
خالتي لوت خشمها وسكتت
وانا راجع من الجامعه بي ركشه شايف عربيه حيدر واقفه وجمبها هو وماذن الحلبي ېدخنو
نزلته من الركشه قدام بيت احمد دخلته الغرفه كان نايم ضړبته بالمخده وقعدته في السرير مقاصده وقلت قوم قوم عندك مهمه
محمد الجابك شنو بعد الحصل مش قلت نخليك مع نفسك
حيدر خطيب هناء
مالوعرسو وجاب محمد صغير
العرس دا مستعجل عليه انت مافي زول دايرو غيرك حيدر الليله شفتو مع ماذن الحلبي قوم شوف لي لو اصحاب
يعني لو اصحاب
ماكان صاحبنا ولا انت داير ثغره في حيدر
اااي داير ثغره حتقوم ولا اقوم عليك
اعمل شنو يعني
ماعارف قوم فكر معاي شوف لي حاسوبك دا المهم اتصرف
طيب دقيقه انا مهكر صفحة ماذن خليني افتش لو في محادثه بينهم مسك اللاب وقال بس الاول تدفع
ادفع شنو كمان يا ود ماتشتغل ساي
الدفع تعتذر مني لانك ضړبتني انا ماتافه كدا تضربني وترجع لي وقت تحتاج
ماداير ابوسك كمان
لا بعد سنه بوريك الببوسني منو
قل ادبك لسه عشان مااخليك تعرسها زاتو
فالح لي انا والمسكينه ديك بس لنفسك طيره
قمته من السرير مارق وقلت الطيور علي اشكالها تقع مرقته علي خالتي ام احمد جبت مويه وعملته عصير
اعمل لكم قهوه يا محمد يا ولدي
ياريت ياخالتي والله مع انها حتسهرنا بس احتمال سهرتنا تطولشلت العصير ودخلته ختيتو في الطربيزه كبيت في كبايتي وبعاين له
ماتكب لي
مالي ومالك اخدمك ماكفايه اديتك اختي
الله يصبرني عليك وعلي اختك
مالها كمان ماتكون مزعل لي البت دي
زعلانه براها الهرمونات شغاله الايام دي
احسن خليها تنفسن بك
الحق تعال شوف صحبك
انتظرته الواطه تصبح لبسته واتشيكته واتصلته لي حيدر اجيني في بيتنا ومشيت جبت حاجاته الجابها وانتظرتو في الديوان سلمتهم ليه وقلت ربنا يسعدك مع غيرها.
مشيت لي خالتي انتصار قعدته معاها وكلمته بالحاصل
زغردت وقالت الحمدلله يادوب قلبي ارتاح
معقوله انتي بتحبي بتك للدرجه دي مادايره تمشي منك
ياريت لو اعرسها واحد من الحله ويسكنها جمبي الغربه دي لو دايره كان سافرته مع اخوي
الحله دي مافيها زول مناسب لها يا خالتي انشاءالله نصيبه اكون برا الحله اطمني هي مابتخليك وحتسوقك معاها جات داخله هناء عيونه مليان دموع
لشنو لغيت الخطوبه لشنو تقول له مادايره
خالتي الموضوع اتقفل خلاص
لا ماخلاص يا امي ماخلاص معاهم حق الناس لمن قالت انه ماحيوافق وحيتحجج بالمدرسه انت مابتحبني انت مستكتر علي السعاده
هناء انا لو شايفه بسعدك كان وافقته عليه بس دا مستحيل ....قاطعتني وهي بتعاين في عيوني والبسعدني منو انت
قمته من قعدتي وقلت شنو ماسمعتك
خالتي اتكلمي كويس
معناها كلام دنيا صح ومرقت خلتنا
دي بتقول شنو مرقته وراها هناء يابت تعالي هنا دنيا قالت لك شنو
ماشي وتبكي مسكته وقفته وقلت ردي علي دنيا قالت لك شنو
عاينت لي بعيونه المليانه دموع وقالت دنيا قالت انك ماحتوافق علي حيدر ولا غيرو لانك داير تستفرض بي لانه ماعندي زول احميني انت معقوله تفكر فيني كدا يامحمد نحن مش اخوان
اخدته نفس وقلت دنيا قالت كدا عشان توقع بينا بس ما مشكله مرقته تلفوني وريتها صور لي حيدر معه بناتكم صوره مع كم بت وصور وهو بشرب مخډرات بفرج فيها وقلت شايفه دا السبب الخلاني ارفضو مافي راجل مابخاف الله بصون له واحده حيجيبك راجعه علي عنقريب انا ماربيتك عشان اديك لاي واحد اعذبك بس لو دايره بعد العرفتيه دا انا اسي بتصل له وبعتذر منه .
انا ياتو مره كسرته لك كلمه وكمان تعتذر منه المعفن انا زاتي ماكنت دايره وافقته عشان اغيظ به بنات الفصل كلهن خطوبهم حتي مروه بس يلا اساسا ماعندي حظ للدرجه دي
يعني مازعلانه
زعلانه مازعلانه شنو
مني !
ااي منك ترجع له الهدايا لشنو فيها دبدوب كان عاجبني
بس دا كل المزعلك الدبدوب. ياستي بكرا اجيب لك واحد
هيهي تجيب لي دبدوب عشان تغريد تقول نفس كلام دنيا الغبي دا مش عليك الله يامحمد نحن ننفع غير اخوان وبعدين دنيا دي انا قلت لها محمد بشوف اني غبيه ومابعتبرني بت
ضحكته وقلت كويس انك عارفه كلام زي دا لمن اتقال قدامك قول لهم مافي اخوان بفكرو كدا وواحده بتفكر كدا دي قليله ادب بسس ودنيا دي انا بعرف اربيها ولو شفتكم معاها بكسر راسك كان انتي كان مروة
يا الله ذكرتني مروة لازم امشي اوريه السبب كانت متحمسه تعرف
مشت من جمبي كوركت لها هناااااء وقفت واتلفت بي راسها ااااي يا محمد
انتي مايتيمه انا اخوك وابوك مش متفقين من زمان مااسمعك بتقولي يتيمه دي تاني ضحكت وقالت اخوي بس حقااار اتلفتت علي بجسمها كل وختت يدها في حنكها نظام بتفكر وقالت انت يامحمد تغريد ودنيا وعمران والناس العقلها صغير ديل شايفننا كيف عشان مفتكرين انك ممكن تفكر فيني انا مستغربه
ضحكته وقلت انا زاتي مستغرب لشنو منزلين من قيمتي كدا
ضحكت قيمتك انت ولا قصدك انا انا معقوله اقبل بك وانت بتدقني من صغيره حكت ضهرها وقالت ضهري اتعلم من حزام بنطلونك
مسكت الحزام
