رواية جيران_الهناء بقلم~رماز~الخير
سنوني وقابض يديني وانا بسمع فيها
وريني ذنبها شنو ولا انا ذنبي شنو
الغلط غلطي انا اني خليتكم تمشو وبعد مامشيتو خليتكم براكم
محمد مافي غلط هنا غير دقك لي المسكينه واليتيمه دي هي ماغلطه ولا الولد غلط فيها شنو هو قال داير اجي بالباب حمرت لها ومرقته طلعت الورقه الفيها الرقم من جيبي عاينت لها دخلته في خشمي لوكتها وقلت مرفوض.
مرقته امي صاحيه تعمل لها في زلابيه ومروة وموده نايمات ومهند قاعد يونس في امي
صباح الخير ياامي
صباح النور يامحمد الليله مالك صاحي بدري
شالتني نومه وما لحقته الصبح كنت بصلي الصبح حاضر وبقرا شويه وبرجع انوم للضهر في حاله ماعندي شغل او جامعه .
دا موديه وين يا مهند
لي خالتي انتصار هناء بتحب الزلابيه
هناء دي بتحب اي اكل جيبو انا بوديه
انت !
اااي انا مسكته ومرقته دقيت الباب وانا بقول انشاءالله تفتح هي جات خالتي انتصار
صباح الخير محمد
اتفضلي يا خالتي
قول لي نعمات شكرا
نايمه
هناء نايمه من متين بتنوم
لمن تكون زعلانه بتنوم كتير
حكيت دقني امممم طيب ياخالتي رجعت البيت شربته الشاي وتركيزي بعيد قمته مارق عاينته للشجره نزلته منها كميه بتاعت جوافه وبقيت اضرب في واحده سامع صوت هناء مودة يااخ دايره انوم ماتزعجيني ضحكته وحسيت بي فرحه
طلعته في الحيطه وقلت كما تدين تدان
مادايره حاجه ممكن تخليني انوم
رفعت الكميه وقلت شوفي الكيس دا نزلتو لك
اخدت نفس وقالت جيبو طيب
لا الداير حاجه اجي اشيلها ونزلته سامعه بتقول سخيف ماجايه ومادايره قعدته وبعاين في الباب مسافه جات داخله ابتسمته ومسكته واحده باكل فيها جات مسكتها مني ماتاكل منها مش قلت لي
اي وماتتكلم معاي انا جيت اشيل الجوافه وراجعه
مادايره تلفونك
مادايره التلفون دا من يوم جبتو عامل لي به مشاكل
ختيت في يدها كتاب روايه ومن فوق له التلفون وقلت دي لك خلاص مايبقي قلبك اسود ماانتي غلطانه كمان بتقيفي لشنو انتي عارفاني حااكسر راسك ااي كان السبب انا مانعكم المرقه عشان المواقف الذي دي
انت مابتوثق فينا بس
الثقه براها ودا براهو لمن اشوفك في غلط لازم اعاقبك اتعودي علي كدا
يعني انت اسي بتعتذر ولا افهم شنو
بعتذر الغلطان وانا ماغلطان
انا ماعارفه مرتك حتتحملك كيف انت حتمنع منها النفس
مالك ومالها امشي حضري نفسك عشان حنبدا مذاكره العيد خلاص انتهي
ضحكت ودخلت لي جوا وهي بتقول خالتي وينك شامه ريحه زلابيه صحني علي جمبها لو سمحتي
عاينت لاثرها حكيت راسي بضحك ومارق.
بدينا مراجعات استعنا بي احمد البعديها لي تركيز مع مروه ونحن بنشرح لهم
انا ماجايبك هنا عشان تشاغلها قدامي انت هنا عشان انت علمي فااحترم نفسك
انا اسي قلت شنو
رايك شنو يا هناء ماقال حاجه
محمد عليك الله خليهم انت مالك كدا
اخليهم يتحاببو لي هنا انتي قايلاني منو
انا ماعارفه تغريد بتحب فيك شنو
يعني مابتحب
بالنسبه لي لا لا مابتتحب
ياخي انا فارس احلام نص البنات والنص التاني فارس واقعهم
ضحكت وقالت انا مامعاهم غايتو
لشنو انتي دايره راجلك كيف يا دكتوره
اول شي انا مابحب العڼف والعصبيه يعني اكون رومانسي وهادي ومااعلي صوته علي ولمن اغلط ينصحني بهدؤ
دا ماراجلك دا ولدك مابعملها لو دي ياها مواصفاتك معناها البتجبيه دا حيكون ااي كلام
علي فكرة الرجوله ماعصبيه وكواريك
انتي شكلك اندمجتي مع الروايات البتشيليها مني دي
لا انا طول عمري بحلم بي راجل عكسك
اممم يعني انا ماراجل في نظرك
لا راجل طبعا بس مابتنفع كحبيب انت اخ عظيم .
كلامه علق في راسي وحسيت بي كف علي خدي من كلامها
قعدته بفكر في كلامه وحسيته موجهه لي ضغري عشان ماافكر فيها
مر الاسبوع ونحن بنشرح لهم ونقدمها لحدي بيتهم واحمد امشي بيتهم نزلنا الجامعه وعمران بقيت مابتلاقي معه بقي خاېف مني اصلو الاحترام مع ناس كدا مابوقفهم في حدهم محتاجين ېخافو.
رجعته من الجامعه مشيت علي امي والبنات كانو مبسوطات وامي وخالتي انتصار زعلانات
في شنو خير مالكم
موده هناء جاها عريس
مسكته نفسي عشان مايبان علي التوتر وقلت عريس دا منو دا
مروة تتذكر صاحب العربيه الوقفنا يوم الحفله
حمرت لها وقلت مالو بتذكريني عشان الجلده المااخدتيها
يا الله منك يامحمد قصدي دا ياهو العريس سال اهل العرس عن هناء وصفها لحدي ماوصلوها له واتاكد وجانا
واتاكد كيف
امي دا ياهو همك
ااي دا همي مااكون اتكلم معاها ووقفها وكلام فارغ زي دا لقيتوني مشغول مع الجامعه
مروه نحن كمان مشغولين مع الامتحانات علي فكره
اتاكد كيف ردو علي
جاء البيت مع واحد من اهل العرس وخالتك كلتوم ام العريس هي الوصفت لهم وشافو هناء
انتو لمن عملتو نظره شرعيه يا خالتي
خالتي جوني علي غفله وماقدرته اطردهم لو علي كان طردتهم بي عريسهم لا نظره لا غيرو
الف مبروك لها
الله يبارك فيك يا محمد بس مافي موافقه لو ماانت شفتو وقعدته معه ووافقته
هي موافقه ولا لا
موافقه
وافقت طوالي
قالت موافقه مبدئيا لانه العريس شكلو كويس
موده والله يامحمد كان شفتو سمح سماحه والعجب عربيته الليله تقوي بټموت بدون سبب پتكره هناء
تمام معناها اجي اتقدم من بكرا جرجره وونسه ماعندنا
امي يعني موافق هناء تتخطب
اي بت مصيره تتخطب يا امي احسن لها
البت صغيره يا انتصار انا ماعاجبني موضوع الخطوبه دا
ولا عاجبني بس مدام هي موافقه ومحمد موافق نحن نطلع منها
وانا الدخلني شنو في الموضوع يا خالتي
انت الموضوع كل
من ناحيتي موافق الا لو طلع عندو مشكله مشيت خليتهم دخلته الغرفه جدعته الدفتر وبمرق في القميص بي زهج جدعته وقعدته يديني في وشي وبتنفس بي صعوبه.
اتصل لي احمد
تعال علي لو جيت من الجامعه
في حاجه مهمه يعني
بقيت تجيني الا لي حاجه عشان نزلت جامعه وبقيت ود جامعه
وانت مش نزلته ولا هو قلة ادب وخلاص
ضحك وقال الفولت عاااالي ياربي حاسك حتطق زي حله البروستو
انت فايق ورايق اتصل لي خطيبتك مودها عالي وبتندمجو مع كميه الاستظراف العندكم دي
لا انا دايرك انت خطيبتي دي خليها
احمد والله ماعندي مزاج اتكلم مع زول
اجيك انا
لا خلاص جايك شكلو عندك كلام واقف لك في حلقك
غيرته بي ترينق وفنيله كوره وشبشب حمام اسود ومشيت له
اها داير شنو
ماقلت لك بدون سبب عندي فراغ قلت نضيعو سوا وامي الليله مزاجه
