رواية جيران_الهناء بقلم~رماز~الخير

ماهم بدا افهم يادوب
عاينت لي احمد وقمته قلت شبعته
اكلته شنو انت عشان تشبع
ماقلت لك اي واحد حر يا مهند 
مارديت لي احمد الكلامو كله تهم غسلته يدي في الوضايه ومشيت غرفتي وهم في الديوان دخلته رقدته وبالتعب زايد الهم نومته نووومه عميقه 
صحتني امي المساء سامع صوته زي الفيلم
محمد يا ولد ماتنوم المغارب
امي والله تعبان خليني انوم
لا قوم صلي المغرب واخد لك قعده وارجع نوم بعد العشاء
المغرب اذن يعني طيب يا امي قمته اتوضا جات داخله مروة وموده بضحكو
بغسل في رجولي وقلت انتو كنتو وين
موده مشينا عيدنا يامحمد هناء قالت سمحته لينا
اي سمحته لكم بس ما لي بعد المغرب
مروه اذن يادوب والله ودي خالتي ام احمد مسكتنا
تميت الوضوء ومشيت وقفته جمبهم كمان عند بيت خطيبك بيته بالذات ماتقعدي لي فيه وكمان تطلعي بعد المغرب مش دايره امسكو سيرتك وانشاءالله قدمك هو
لا والله احمد ماقعد معانا نايم لحدي ماطلعنا
طيب ادخلو وتاني المغرب مايلقاكم برا لا عيد ولا غيرو
كويس
تاني يوم الصباح قاعدين في الشارع بالكراسي انا واحمد مرقت هناء دخلت بيتنا وبعدها دنيا جات وبعدهم مراه اخو احمد وامه كلهم دخلو بيتنا
الحاصل شنو يامحمد ديل مالهم
بحضرو لي خطوبتي
ومالك بارد كدا
اعمل شنو يعني خليهم يعملو الدايرين يعملو ماعندي لهم حاجه نشوفهم حيجبروني كيف
شكلك كدا حتتبدس وتعرس معانا
اعرس معاكم ممكن بس تغريد اخر واحده كفايه اختها دي معقوله تبقي خاله اولادي 
انت مشكلتك تغريد ولا...
ولا شنو خلي تلميحاتك دي
بتتحمل كلامي
قول
امس انا سمعته كلامك مع هناء وشفت نظرتك لها احسن تعترف
اعترف لمنو يا احمد انت بتهظر البت دي اختي احسن تقتنعو انتو
اعترف لنفسك اول عشان ترتاح المشاعر المذبذبه دي حتقتلك هناء بت جميله وحيجي ميه واحد اتقدم لها لو عمران لقيت سبب ورفضته حيجي المناسب واخلي خشمك ملح ملح
احمد مافي كلام زي دا انتو بي كلامكم دا حتخلوني افكر فيها
طيب انا وريتك راي بما اني خبير
بقيت خبير يا الخطبته لك يومين
اسكت اسكت صحبك جاء
كويس افتكرته حننتظر اكتر من كدا
ہہہ٨ہہہ٨ہہ٨ہہہ٨٨
جيت راجع زمن متاخر امي شاكلتني لمن فترت كيف اخليهم ينتظروني ومااجي خالتي فتحيه زعلت وتغريد تبكي
اكتفيت بي كلمه انا ما وعدته زول
وكلمتي ماعندها مكانه عندك
كلامك فوق راسي بس انا اختي لمن قالت مادايره العريس قلت لها علي كيفك حااجي انا اختارو لي
انت داير شنو اشيلو حالنا وحال المسكينه دي
هناء الډخله شنو 
الډخلها شنو هئئمحتشوف برااك الحيعملو فيها بنات فتحيه بعد الحصل كلهم لاموها
بس مااكونو هبشوها
كانو حيضربوها بس ماخليناهم
طيب يا امي تصبحي علي خير انا بحلها بس مابعرس ڠصب 
تاني يوم الصباح جات الشرطه دقت الباب محمد نجم الدين
ايواه سعادتك اتفضل
مطلوب القبض عليك بتهمه التعدي علي عمران السر
عمران اڼضرب الحصل له شنو يا ساتر
اتفضل معانا علي القسم 
حاضر سعادتك امي جات دايره تولول امي اهدي مافي شي خطېر
طلعته معاهم وبسال فيهم حصل له شنو يا سعادتك دا صاحبنا ودفعتي طمني عليه
في راعي لقاهو واقع علي الحواشات ومضړوب ومافيه حته سليمه
لا حوله ولا قوة الا بالله جات هناء شافتني جات علي محمد مالك سايقنك وين
مافي شي انتي المرقك شنو
كلمتنا خالتي بي فوق وجيت اتاكد وريني عملته فيه كدا لشنو انا ماقلت لك ماتاذيه عشان ماتتاذي انت
وانا مش قلت لك الباذيك باذيه
يعني عملته كدا عشاني
اسكتي انتي دايره تثبتيها علي ولا شنو
خلي بالك من امي يا هناء
حترجع لي صاحاقصد لينا
حاارجع وعد .
عمران صحا في نفس اليوم وقال الضربوة ناس مابعرفهم ودا اتفاق بينه وبين احمد يمرقني من السچن عشان مايودي لي ادراه الجامعه الزول السرب امتحانات السمستر الفات كنا ماعارفين انه هو بس بعد احمد هكر صفحته لقينا بلاوي ودي اقل بلوا 
رجعته البيت في نفس اليوم
امي الحمدلله انه ماانت الهبشته الحمدلله ياولدي ماتقص ضهرنا نحن ماعندنا غيرك
خالتي انتصار كويس طلع بعرف يعني شنو جيران حمدلله علي سلامتك حبيبي
خالتي فتحيه حمدلله علي سلامتك يامحمد يا ولدي الحمدلله مرقته منها شلت همك والله
مروه مهند موده حمدلله علي السلامه يا اخوي
تغريد ماتتخيل خوفته عليك قدر شنو رغم العملتو معاي كدا تشمت فيني ناس الحله
الله يسلمكم يا جماعه مروه هناء وين ماشايفه معاكم !
تغريد هناء! ! كلنا موجودين ومابهمك غيرها !
في شنو يا تغريد عاادي استغربته لانها ماموجوده معاكم اتوقعتها حتكون اول الموجودين
لا ياسيدي تقرا في قرايته ومافاضيه لك عشان تعرف الباقي عليك من البايعك
مروه هناءماشفتها من ماانت مشيت .......جات داخله انا هنا ياجماعه 
اتلفت عليها كنتي وين انتي
ضحكت وقالت كنت في غرفتي بدعي لك تمرق بالسلامه
تغريد تدعي ولا نايمه
ابتسمت لها ومدت يدها لي حمدلله علي سلامتك
كانت منها مختلفه 
في نفس اليوم قاعدين انا واحمد في الديوان احمد ماسك تلفونه براجع في برامجه الكتيره دي وانا راقد بقلب في القنوات علي الشاشه 
تفتكر حيلتزم بالاتفاق
والله بيني وبينك دايرو ماالتزم عشان المره دي مايلقو جثته
يازول مابستحق انا لو رجعته الصور الحذفته من تلفونه ووزعتها علي اخوان البنات حيبقي في خبر كان
لا يازول نحن مابنشارك في هتك اعراض الناس عندي اخوات 
مادا الشي الخلاني احذفهم بدون مااحتفظ بنسخه بس تباريح صدمتني
عشان لمن اقولك الجماعه ديل مابنفعو معاي
يعني حتكسر كلام امك
امي بعد موضوع الحبس والسجن شايفه لانت وقلبها بقي رهيف ماحتجبرني علي شي هي خاېفه علي هناء منهم وانا مابخليهم يسالوها مابسمح لهم عاين لي بنظره ذات معاني كتيره ضړبته بي المخده وقلت اخت قلنا
ضحك ورجع اعاين في تلفونه وقال انا ماسالتك
جات داخله هناء تفرك في يدينه ومعاها موده
الجابكم الديوان شنو كان انتي كان هي
احمد كيفك ياهناء
انا تمام يااحمد تسلم
دايرين شنو 
اممممم ماسامعين الحفله دي 
عاينت لها ورفعت حاجبي وقلت اها مالها
محمد عليك الله عليك الله رفعت شبشبي ورفعت راسي لقيتهم اختفو 
عليت صوتي عليك الله بس اسمع واحده فتحت الباب داعاينت لي احمد البعاين لي معاتب 
مالك انت كمان
خليهم امشو يا محمد الدنيا عيد
امشو وين يا احمد 
يااخ هي وينها الحفله مش الجنب الباب دي
عاينت له عاقد حواجبي وقلت دي خطيبتك لعبه لك بي راسك صاح
اي صاح حرام عليك ميه مرة قلت لك ماتكبتهم
احمد انا ماكابتهم بس الحفله كلها شماسه حتتحمل مسؤليه لو واحد شاغلهم وانا اعصابي ماقدرته اتحكم فيها وفتحته راسو
قوم نمشي معاهم اصلا ماعندنا شي جراني ومرقنا لقيناهم واقفات منتظراتننا هناء عاينت لي مروه وضحكت حمرت لها قلتي لها شنو يامسيطره صاح
مروه دنقرت خجلانه لمن فهمت كلامي
ضړبته في راسها وقلت عامله فيها بتخجلي كمان 
قعدناهم في كراسي مطرفه ووقفنا بعيد بتلفوناتنا بعاين لهم لو واحده قامت عشان ارجعهم لحدي ماانتهت ورجعتهم كانو مبسوطات وبحاكو في البنات ولبسهم كانت حفله الحنه لمن لقيتهم مبسوطات ما سالتهم وصلنا هناء بيتهم ودخلنا بيتنا 
تاني يوم كانت حفله الزفاف
قاعد بفطر انا ومهند جات مروه وقفت وتتمتم
مدنقر في الصحن وباكل وعامل اطرش
محمد حبيبي
اتعدلي انا اخوك ولا الكلام مع خطيبك عوج لسانك
لفت رجعت مدنقر وضحكته
جات موده اخوي الحلو
امممم دايره شنو 
انا مادايره حاجه هم الدايرات
دايرات شنو وهم منو
دايرين نمشي العرس