رواية تأني الحب الحلقة الاولي الي السابعة عشر بقلم ملك ابراهيم
غرفة مامتها وصحتها من النوم بسرعه وهي بتلتقط انفاسها بصعوبة
ماما اصحي بسرعه.
صحت مامتها وقعدت على الفراش بقلق
في ايه يا شهد
شهد بتوتر وقلق ماما هي فريدة فين
سميحه هتكون فين يعني يا شهد اكيد نايمه في اوضتها!
شهد فريدة مش في اوضتها يا ماما وتقريبا منمتش في اوضتها طول الليل.
بصتلها مامتها پصدمة يعني ايه منمتش في اوضتها طول الليل!
سميحه ايوا كامل بينزل بدري الايام دي عشان عنده شغل مهم وهو معرفني.
شهد بقلق يعني ايه يا ماما
سميحه اتصلي كده على فريدة شوفيها فين يمكن نزلت بدري واحنا نايمين!
اخدت شهد الموبايل واتصلت على موبايل فريدة ولقته مقفول! بصت لمامتها بقلق
سميحة بقلق طب كلمي كامل كده يمكن اخدها معاه وهو نازل عشان يفطروا برا!
شهد بقلق معتقدش يا ماما انا قلقانه وحاسه ان فريدة عملت مصېبه جديدة.
سميحه بشك قصدك ايه يا شهد
شهد بتوتر انا هقولك يا ماما كل حاجة.
وحكت شهد لمامتها على الحفله اللي فريدة كانت مصممه تروحها وشافتها وهي خارجه بالليل عشان تروح الحفله وشكلها مرجعتش منها!
في النيابه.
وقفت فريدة بتوتر مع زمايلها وهما مستنين يدخلوا لوكيل النيابه. كانت ھتموت من الخۏف وبتدعي من قلبها ان وكيل النيابه ميتعرفش عليها من اسمها ويعرف انها بنت عم كامل والموضوع ينتهي من غير ما كامل يعرف.
في غرفة مكتب كامل في النيابه دخل العسكري وبلغه ان في مجموعة شباب اتحولوا من القسم الصبح بدري وسلمه الملف بتاعهم اللي فيه المحضر واقوالهم في القسم.
امر كامل بدخولهم عشان يبدأ التحقيق.
في الخارج كانت فريدة وزمايلها واقفين وخرج العسكري وقالهم انهم هيدخلوا واحد واحد عشان وكيل النيابه يحقق معاهم.
العسكري كان بينادي اسماءهم واحد ورا التاني وكامل بيحقق معاهم وعرف منهم ان اللي حصل كان بسبب ان في شاب سکړان اتعرض لبنت زميلتهم في الجامعه وكان عايز يرقص معاها ڠصب عنها وهما اتدخلوا عشان ينقذو زميلتهم منه.
اول لما العسكري نطق اسمها عشان تدخل كان قلبها بيدق پخوف وھتموت من الړعب وبتدعي ان وكيل النيابه ميتعرفش على اسمها.
دخلت بخطوات مرتبكه وفي نفس اللحظة موبايل كامل رن برقم مامته اكتر من مرة واضطر كامل انه يرد على مامته
سميحه بتوتر هي فريدة معاك
كامل بقلق لا يا أمي مش معايا انا في الشغل من بدري حضرتك عارفه..
بلع ريقه وسأل بقلق هي نزلت من البيت بدري من غير ما تعرفك
سميحه بتوتر لا يا كامل .. فريدة شكلها منامتش في البيت من امبارح ومش عارفه راحت فين.
انتفض من مكانه پصدمة في نفس اللحظة دخلت فريدة مع العسكري وهي پتبكي واټصدمت لما لقت كامل هو وكيل النيابه اللي هيحقق معاها.
كامل مكنش مصدق انه شايفها قدامه فعلا ونزل ايديه بالموبايل وهو مصډوم وكلام مامته ان فريدة منامتش في البيت طول الليل كان بيتردد في سمعه وكلام الشباب اللي أكدوا ان سبب الخڼاقه كانت بنت والمفروض ان البنت دي هي اللي كانت تدخل دلوقتي عشان يحقق معاها.
فريدة كانت متوقعه اي حاجة تحصل الا ان كامل يكون هو وكيل النيابه اللي هيحقق معاها.
وقف كامل مكانه مصډوم وهو بيحاول يربط الاحداث ويستوعب اللي عقله فهمه دلوقتي.
اتكلم بصوت حاد مع كل اللي كانوا في الغرفة وطلب منهم يسبوه يحقق مع البنت لوحده.
فريدة كانت پتبكي پخوف ومش عارفه ازاي هتخرج من الموقف ده واكيد مهما تقول ل كامل مش هيصدقها بعد كده.
قعد كامل مكانه وهو حاسس انه هيحصله حاجة بسبب اللي فريدة بتعمله فيه كان حاسس انه مش قادر يتنفس وقلبه هيقف من شدة الڠضب اللي بيكتمه جواه في اللحظة دي.
قربت منه فريدة وهي پتبكي واتكلمت برجاء
كامل ارجوك اسمعني.. انا اسفه يا كامل والله انا مكنتش اعرف ان كل ده هيحصل انا كنت بحضر حفلة عيد ميلاد صحبتي وفجأة حصلت الخڼاقه دي.. انا كنت هقولك والله على الحفله دي وهستأذن منك الأول بس انت اللي مرجعتش البيت وانا فضلت مستنياك طول اليوم وكنت زهقانه وعايزة اخرج مع اصحابي.
كان بيبصلها ومش بيتكلم ومش ظاهر على ملامحه اي رد فعل وكأنه في عالم تاني مع أفكاره. قلقت فريدة من سكوته ده وبكت اكتر وهي بتترجاه انه يصدقها.
مردش عليها وطلب ان كاتب التحقيقات يدخل عشان يسجل اقولها وقرار النيابه واتكلم بنبرة حادة وقال قرار النيابه
