رواية تأني الحب الحلقة الاولي الي السابعة عشر بقلم ملك ابراهيم

ل فريدة وقالت وتاعب قلبه ليه يا ماما مش هو اختار خلاص البنت اللي هيتجوزها. 
فريدة خفضت وشها في الارض وسميحة بصت ل فريدة وقالتلها بقولك ايه يا فريدة اطلعي كده شوفيه واتكلمي معاه يمكن يبقى كويس لما تتكلموا مع بعض. 
فريدة بصتلها بستغراب اتكلم معاه في ايه بالظبط يا طنط انا مش فاهمه حضرتك تقصدي ايه 
سميحة يعني حاولي تخرجيه من حالة الاكتئاب اللي هو فيها دي يا فريدة انا من وقت ما شوفته وهو راجع من شغله بالحالة دي وانا قلبي وجعني عليه. 
اتكلمت فريدة بۏجع اسأليني انا عن ۏجع القلب يا طنط.. انا اسفه مش هقدر اعمل اللي حضرتك بتطلبيه مني لان مش طبيعي بعد اللي حصل بينا ده واطلع اوضته دلوقتي واقعد اتكلم معاه ولا كأن في حاجة حصلت!! انا اسفه يا طنط مش هقدر اعمل كده. 
اتكلمت شهد پغضب خلاص ياماما كامل اصلا مبقاش يهم فريدة وفي اللي اخد مكانه عندها دلوقتي. 
فريدة بصت ل شهد بحزن وخذلان والدموع كانت بتلمع في عينيها من شدة الصدمة في شهد واسلوبها الجديد معاها واتكلمت بهدوء. 
فريدة عن اذنكم انا هطلع اوضتي. 
طلعت فريدة اوضتها ونظرات شهد الحاقده كانت بتتابعها وهي حاسه بڼار جواها من وقت ما شافتها مع زياد وعرفت انه اعترفلها بحبه ومن اللحظة دي وهي حاقدة على فريدة وعايزة تضايقها بأي طريقه. 
اتكلمت سميحة بحزن وهي بتقوم تقف هقوم اطلع انا اشوفه واتكلم معاه. 
ردت شهد پحقد وابقي عرفيه يا ماما ميتعبش قلبه كتير لان فريدة خلاص لقت اللي يشغل مكان كامل ومبقاش يهمها حد. 
سميحة بصت ل شهد بستغراب وطلعت على اوضة كامل. 
بصت شهد قدامها وضغطت على اسنانها پغضب وهي بتهمس واحد قاعد مكتئب فوق عشان خاطر فريدة هانم والتاني بيعترفلها بحبه وجاي يوصلها بنفسه لحد الجامعة كمان! 
رواية تاني حب بقلمي ملك إبراهيم. 
فوق في اوضة كامل. 
دخلت سميحة بعد ما كامل سمحلها بالدخول.. قعدت قصاده على السرير وهو قاعد وساند ضهره وواضح عليه التعب والحزن. 
سميحة بصتله بحزن وقالت وبعدين يا كامل.. واخرتها ايه الحيرة اللي انت فيها دي. 
كامل بهدوء مفيش حيرة ولا حاجة يا أمي انا بس تعبان من ضغط الشغل وفي قضية كبيرة بحقق فيها وشغلاني شويه. 
اتكلمت سميحة وهي بتبصله بعمق بس اللي تعبك كده قضيتك الشخصية صح. 
كامل قام وقف وهو بيتهرب من نظرات والدته وقال يا امي انا مش فاضي صدقيني للكلام في الموضوع ده وعندي شغل اهم دلوقتي. 
سميحة بصتله بتفكير وقالت زياد جه البيت النهاردة وقابلني واتكلمت معاه في موضوعه مع فريدة. 
كامل لف بجسمه كله يبص ل امه پغضب وقال بعصبيه وهو ازاي يتجرئ يجي هنا وانا مش موجود! وبعدين هو خلاص بقى في بينه وبينها موضوع 
ردت سميحة اه يا كامل في موضوع وزياد قالي انه بيحب فريدة فعلا وواخد الموضوع بجد وانا قولتله يستنى لما فريدة تخلص امتحانات وكمان اخد رأيك لانك ابن عمها ومسؤول عنها في غياب باباها. 
كامل اتعصب اكتر واټجنن وسأل امه پغضب مكتوم والهانم رأيها ايه 
ردت سميحة واضح جدا انها موافقه ومبسوطة كمان. 
كامل اتعصب اكتر وهو بيتحرك في اوضته زي المچنون وسميحة متابعه شدة غضبه بس كانت متأكدة ان اللي عملته ده صح وكانت عايزة تفوق ابنها من وهم حبه ل فريدة وتثبتله ان فريدة مستعدة تعيش حياتها مع غيره عشان هو كمان ينساها ويعيش حياته مع غيرها. 
كامل وقف فجأة قدام والدته بعد تفكير كان مبني على الڠضب والتسرع والاڼتقام وقال پغضب يعني هي فاكرة انها كده هتكسرني لما تجيبه يقعد معايا ويخطبها مني.. فاكرة انها كده بټنتقم مني وتثبتلي اني مش فارق معاها وانها لقت بديل ليا قبل ما انا اقرر هكمل معاها ولا لا! 
سميحة بصتله وسكتت وهو كان هيتجنن وجواه مشاعر كتير متلخبطه وكان الڠضب والاڼتقام مسيطر على جميع مشاعره واتكلم مرة تانيه بكبرياء وانا مش هسمحلها تعيش الاحساس ده وتفكر انها كسرتني..
وفجأة اخد تليفونه تحت نظرات عين سميحة المستغربه ومش فاهمه هو ناوي يعمل ايه. 
مسك كامل تليفونه وبعد لحظات قليله اتكلم الو.. سيادة المستشار.. اخبار حضرتك عامل ايه.. انا كنت بستأذن حضرتك نيجي انا وعيلتي بكره البيت عندك عشان اطلب ايد الانسه مها بنت حضرتك. 
رد المستشار رؤوف بسعادة طبعا يا كامل تنوروا في اي وقت. 
كامل تمام بكره ان شاء الله الساعة خمسه هنكون عند حضرتك. 
سميحة بصت ل كامل پصدمة وهو قفل المكالمة وبص ل والدته وقال بعصبيه وكل جسمه كان بينتفض من شدة الڠضب بكره هنروح نخطب مها.. وعرفيها انها هتيجي معانا. 
بصتله سميحة پصدمة اعرف مين 
رد كامل الهانم اللي عايزاني اقعد مع عريسها الجديد.. هتيجي معانا بكره وتشوفني بعينيها وانا بخطب غيرها عشان تعرف حدودها معايا. 
سميحة قامت وقفت وبصتله بذهول ايه اللي انت بتقوله ده يا كامل!! ازاي عايز فريدة تيجي معانا واحنا بنخطب مها! 
رد بعصبيه