تعاقبنا_بذنب_غيرنا كاملة بقلم _خالدة_بشير وميساء_مصطفي

خشمها باستهتار وشوفت نفس تكلمت معاها.........
.
......وووووووا الليله بنت الاب المحترم مشرفانا من وين 
هههههههههه وانتي يا فطومه بتسال ليه في اسئله انتي في الاصل عارفه جوابها اسفه يادوب تذكرت اكيد جاية تشحدي باقي الاكل اللي عندنا لانو ابوك بعد عملت الابنه المحترمه ما جاب ليكم اكل بس يا بتنا بعتذر لانو الاكل الباقي من فطورنا كبيناهو لي الكلاب.....
بسمه بعزة نفس ونحن يااستاذة فاطمه اساسآ ما بناكل الاكل البكبوا باقيهو لي الكلاب لانو لو كان كويس ما كبوهو لي الخناذير وانتي اكيد زوجه دكتور وبتعرفي نوع الاكل البتاكلو الخناذير فهمتي علي ولا اشرح اكتر بس ما اظن انك محتاجه شرح لانو انتي زوله متعلمه ........
............بسمه قالت الكلام ده ماعدم احترم وسوء ادب منها بس بتبقي مشكلة الطعن في الشرف والعرض امر مهين ومقرف لي ابعد الحدود مافي زول بتحملو مهما كان سنو وعقلو رغم الخلافات الاسريه تبقي مسألة سمعة الاسرة هي الأولى......
فاطمه بحرقه فوق ما انتي ماعندك ادب وكمان وقحه الغلط ماعليك الغلط علي اهلك اللي ماعرفوا ربوك وا دبوك .....بس برجع واقول اذا امك وابوك براهم ما...شتيمه وتعير بخصوص انفصال ابوها وامها قطعتها وما تمتها .......
بسمه لما سمعت الاهانه دي انتفضت من الارض پغضب وردت ليها سبحان الله يا استاذة فاطمه ربنا بدي الناس حاجه وبحرمهم من حاجه ثانيه عشان الكمال لله وحده .......
عارفه ربنا اداك المال والمكانه العاليه بس حرمك من الوعي والفهم والادراك رغم انك متعلمه والمفروض يكون تفكيرك غيري ده بس مرات العلم بشيل من الزول اكتر ما يديو 
وده الحصل ليك ......
الحاجه الحاصله لينا نحن والعايشنها حاليا مابيدينا ماحاجه عيب ولا حرام ..........
لما تتقفل جميع الابواب في اوجه الناس ربنا بفتح باب وان كان هذا الباب مبغوض بس هو في الاخير ه حلال .......
الطلاق مذكور في القرآن عشان يسهل علي الناس الامور المقعده ماعشان يخليهم مضحكه في خشوم غيرهم ....
نحن ربنا قسم لينا هذة القصه ولازم نعيشها بكل تفاصيلها ب مرها وحلوها برضي وقبول عشان في النهايه ربنا يجازينا باحسن الجزاء وجزيناهم بما صبرو .......
مافي زول سعيد في الدنيا كلنا عندنا مشاكل لما نقفل ابواب بيوتنا علينا ....
وعلي فكرة اخفاء المشاكل ما ذكاء وشطاره وفهم من الناس عدم اظاهرها من جميل ستر الله لنا .....
بس نحن بقينا علي لسان كل زول ربما ارد ربنا ان يجلعنا عبرة وموعظه للناس البخلو اولادهم ضحيه ل انفصالهم ورقة ضغط واڼتقام ........
يلا مامهم الكلام ده هسي انا مرسله لي دكتور اسامه بيكو اخو عيان وابوي قال لي قول ليهو تعال شوفوا .......
ربنا قادر في غمضة عين يقلب الموازين عشان يرضيك بس انت قول يا رب
فاطمه ۏجعها كلام بسمه كيف بت في عمر ١٤ سنه تسخر من تعليهما وفي نفس الوقت حست بالاحرج الشديد بدون ما ترد ليها دخلت و طاق ضړبت الباب في وشي بسمه ......
بسمه تاني رجعت قعدت في مكانها الجنب الباب ......
في البيت .......
علي يصل الباب وتاني يرجع قلقان وشفقان وخاېف شديد ع بيكو ياربي السجم دي تاخرت كدا ليه بيت اسامة شبرين من هنا ما يكون لحقت اخ..........بدون ما يتمها عيونو بقوا زي الشرار وعروق جبهتو كل عرق طار ليهو في اتجاه خطڤ جلابتو وطلع بعجله........... 
خلى بيكو علي السرير ما فيهو اي حركه ...............
لازالت بسمه في مكانها تعاين يمين ويسار ومافكرت لي الوقت زاتو بس كان كل همها انها تسوق الدكتو معاها واثناء ماقاعده جاها راجل من بعيد بقت تعاين ليهو لحدي ما وصلها 
........السلام عليكم ورحمة الله وبركاته .
........وعليكم السلام ورحمة الله وبركاته تفضل اخي .
......... معليش انا جاي من الحله البعد حلتكم دي وداير الزول ده بس ما بعرف مكانو دي حلتكم وانتي بتعرفيها ممكن تساعديني .
........ايوة بساعدك قول لي اسمو .
........اسمو مكتوب هنا في الورقه دي بس انا ما بعرف أقرأ يابنتي..
......ما مشكله يا خي ناولني الورقة كدي.
الراجل طوالي دنقر ليها لانها قاعده في الارض ومده ليها الورقه في اللحظه دي ابوها كان جاي في بداية الشارع وشاف المنظر ......شال المسافه في اقل من شبحه .....
بسمه شالت الورقه وقرت الاسم ......ايوة يا اخي الزول ده انا بعرفو بالشارع ده لما الټفت عشان توصف ليهو جاها كف لما وقعت علي قفاها ....
.الراجل اتخلع و بقي واقف يمسك فيهو منها .......
الراجل ما كدا يا ولد العم الامور بتنحل بالحديث ...
علي انت مابتخجل من نفسك كمان بتعمل في حركاتك دي في الشارع وقدام الناس فعلا الرجاله انعدمت ..
وانتي وقعتي ما سميتي مسكها من قميصها وجراها بالارض وهي تصرخ ابوي خليني افهمك ابوي عليك الله بس اديني فرصه اشرح ليك .....والراجل جاري فوقوا ويقنع فيهو وعلي كانوا مابسمع جوا ب جنب كورة نسوان ...
........انتي يادي الحله دي الجاها شنو بقوا يمسكوا