تعاقبنا_بذنب_غيرنا كاملة بقلم _خالدة_بشير وميساء_مصطفي

تقول بلبل وين انتي ي حبيبتي والله انا خاېفة عليك شديد ومشتاقة ليك ان شاءالله تكووني بخيير ونسمع عنك كل خير ..........
طلعت من غرفتهم ومشت لي ابوهاا في غرفتووا بس م لقتووا ونزلت لي اخوهاا وسالتووا.... 
بيكو شفت لي ابوي مشيت ليهو في غرفتووا م لقيتوا... 
..... ااي قبيل لما كنتي في المطبخ شفتوو طلع بسرعة وشكلوو كان زعلان من سيد اللبن لانو الليلة تاخر وماجي بدري ..........
بسمة في سرها اللهم اجعله خير يا رب بكون مشي وين وليه طلع ڠضبان كدا ياربي بكون عرف حاجه عن اختي ..........
طيب يابيكو انت هسي اكل وبعدين امشي البرنده اقرا تمام عشان بكرة المدرسة.. .......
بيكو بملل حااضر بس انتي ليه ما عايزة تاكلي.... انا عايزة انتظر ابوي لما يرجع اكل معاهو .......
بسمه انتظرت بيكو لحدي ما اكل شالت العدة ومشت غسلتهاا ورتبت البيت ولي هسي ابوهاا م جاء خاڤت عليهو ... وفكرت انوو ټضرب ليهوو... بس اتراجعت... وقالت ح اقول ليهو شنوو... بس جمعت كل قواهاا واتصلت ليهوو... 
علي رد خيير عايزة حاجة من الدكان......
بسمة والدموع في طرف عينها لالا بس كنت حابة اسالك انت ليه اتاخرت لاني منتظراك ب الغدا.......
قاطعهاا هسي يعني انتي متصلة عشان تسالين انا وين م ضروري ودا م شغلك انا ح اجي متى م عاايز... وقفل الخط في وشهاا.. 
ايوا ي جمااعة كدا كانت معاملة علي مع بناتووا قاسېة وجارحة جدا نهاائي م كان عندو حنان الابوة وكان جافي جدا مع بناتووا.. بس الشي المصبر بسمة على ابوهاا بلبل كانت دائمآ تنصحها وتقول ليها انو انفصال امهم عن ابوهم سبب ليهو مشاكل كبيرة في حياتو عشان كدا اتغير عليهم.. وبلبل م كانت بترضا كلام عن امهاا ودائما داخله في مشكله مع ابوها عشان السبب ده .......
بسمة حاولت تمسك دموعهاا بس م قدرت... ونزلوا زي المطررر...
ي ربي نحن عملنا شنو عشان نتعاقب كدا....نحن ذنبناا شنوو بالشي الحصل بينهم امي شافت حياتها وابوي حياتو بقت نحن ........ي ربيييييي انا م قاادرة اتحمل معاملة ابووي خاااالص ي ربي خد روحي وريحني من العيشة التعيسة دي يا الله........
فجاءة سمعت الباب فتح وشافت ابوهاا جائي داخل والشرار يتطاير من عيونوا..........
أتمنى لو كان بإمكاني إتلاف كل شئ حدث بيننا و نعود إلي الوراء إلى ما قبل اللقاء و لا نلتقي 
ايواا الدور جاء عليك صح...عايزة تعملي نفس العملتوا اختك...وتهربي وترتاحي من التعاسة والفقر دا صح
بسمة انتبهت لابوهاا ومستغربة من كلاااموا قالت ليهو بلبل اختي مالا.. ............. 
.... بلبل الي الچحيم... انتي وقت عاجبك عمل اختك العملتو قاعده ليه ماتلحقيها ....... انا انا يا ابوي ...........
.......انتي شنو مافي الاخير ح تكوني زي اخ......قطعها وماتماها اصلو ما في منكم فائده لا اله إلا الله محمد رسول الله انا عملت شنو عشان ربنا يعاقبني بيكم ...........
........ ابوي نحن عمرنا ما ح نفكر نعمل كدا ولا حتي اختي بلبل مستحيل تعمل الحاجه القالها الطفل عمر اكيد هو ملخبط بلبل معرفتها بسيطه شديد بالمحيط الخارجي لانو عمرها ماطلعت من محيط الحي ومافكرت حتي تطلع بلبل زوله خوافه لدرجه انو پتخاف حتي من ظلها . .....
.......... ياسلام بقت على كدا طلعتي انتي البتوجهني سبحان الله ..اتفلت عليها و بي ڠضب مسكها من شعرها وجراها عليهو اسمعي هنا كلامك ده ما بدخل في راسي وما ح يدخل ....و اذا بتفكري تعملي العملتو بلبل اعتبري نفسك مېته ويمين بالله اقطع رقبتك ب يدي واشرب من دمك وزول ح يفتح خشمو مافي......
......... ابوي قول بسم الله انت بتقول في شنو الله يحفظك اكيد في حاجه حصلت معاك برة قول لي فضفض لي عشان ترتاح و ضغطك مايرتفع لانو اكيد بالكتمان ده ح يرفع الضغط تبعك وممكن تجيك جلطه لا سمح الله ............
..... لو انجلط ولا لا ح تفرق معاكم ب شنو خسارة تربتي وتعبي التعبتو فيكم ماقايل بجي يوم واشوف البحصل ده ... 
جدع ليها ورقه في طرفها وقام علي حيلو دخل الغرفه جاب ليهو طبله ومفتاح وجه ...اسمعي هنا انتي واخوك من اليوم ماليكم طلعه من البيت ده خالص يمين بالله اشوف لي ظل واحد فيكم ساي حايم برة الا اشهيهو المۏت عاين ليهم پغضب وطلع قفل الباب وراءه وطبلو بالطبله..................
كل الحوار الدار بين علي وبسمه بيكو سمعوا لانو كان قاعد في البرنده يقرا..... ... 
بسمه لما انتبهت ليهو لاحظت على وشو علامات الحزن والتأثر وعيونوا مليانه دموع .....جرت عليهو وحضنتو عليها وبقت تحكي وتقنع فيهو انو الكلام السمعو كان مجرد هزار وانو ابوهم رجل طيب واثناء ما هي بتحكي ليهو نزلت دمعه من عينها علي يدو رفع راسو وسالها اختي بسمه جرت ابوي ۏجعتك ......
السؤال كان مؤلم بالنسبه لي بسمه بس كان لازم تتحمل عشان بيكو مايتاثر