لعبة الانس و الجن بقلم رشا منصور

حاجه بيعملوها لكن محدش غيركم هيشوفهم وإلا هما يفشكلوا الجوازة وإلا أنتم تقدروا تقنعوهم ويلا مع  الشيخ وروحنا البيت عند نور واهالينا كلهم منتظرنا هناك وأول ما دخلنا فضلوا يسألونا قولنا لهم مافيش ده الجن هو اللى عامل اللعبه دى علشان منتجوزش ولقيت يجان بيقول ومش هتتجوزها بصيت له قولتله هتجوزها بالعند فيك
ابويا هو مين يابني لا حول ولا قوه الا بالله نور قالت له يا عمي يجان كان بيوسس لك في ودانك ناجي مش مچنون صدقني وهنا رون راحت عند أم نور وهى بتضحك لنا ووشوشتها لقينا بعدها أم نور قالت فضنا من الجوازة دى شكل حد ساحر ل بنتي يغور الجواز أنا بنتي عندى بالدنيا ومافيها
طيب اصبروا عليا وبكره نشوف مين اللى هيلعب بمين
كنت متغاظ أوى منهم بس من جوايا قررت أوريهم اللعب يبقي إزاى وبصيت ل امى وابويا ول أهل نور يا جماعه سواء الجوازة تمت ولا لأ إحنا أهل وبينا عشرة سنين ...
راح أبو نور قالي والله يابني عندك حق أنا مش عارف ايه اللى حصل شيطان ودخل بينا يا جماعه قومى يا أم نور جهزى الغداء أما انتوا بقي تتجوزوا ولا تتجننوا محدش هيدخل فينا في حياتكم
قولت له والله عين العقل يا عمي ربنا يخليك ليا يارب ويلا هتأكلونا إيه وفضلنا نضحك وأنا شايف يجان عه
ودخلنا ومدى ضهري ل باب البلكونه ونور واقفه جمبي روحت غمزت لها براحه علشان تفهم أنهم واقفين 
نور..... والله هى براحتها ولها حق تقول إكتر من كدا كمان أنت مسمعتوش قال إنه مش عاوز يبصلها ليه يعني هو فاكر نفسه مين علشان ېجرحها كدا
هو في واحد عنده ذوق يقول كدا ع بنت وكمان في وجود الناس أومال بيقول ايه من وراها وقال ايه صعبان عليك ما أنتوا رجاله زى بعض علشان كده بدافع عنه