قصة نداء السياد

قصتي بدأت لما اتجوزت ووافقت اعيش مع اهل جوزى  .. اول جوازي اهل جوزي كانوا كويسين معايا، بس  لازم تعاشړ الناس عشان يكون حكمك عليهم صح، مع الوقت وبعد مرور سنة من جوازي حالهم اتبدل، اتغيروا من ناحيتي وده بسبب اني اتأخرت في الحمل. كنت بحس في كلامهم في تلميحات بكده واني يمكن اطلع مبخلفش ..
ام جوزي جت في مرة وقالت .. 

- يا بنتي ما تروحي تكشفي مش هتخصري حاجه .. قولتلها
:- يا حماتي كل شئ بأونه ..
قالت 
- طيب يا بنتي اللي تشوفيه بس مش هينفع اقعد كده من غير ما اشوف عيل لابني .. 
جوزي جه من الشغل لقيت حماتي ندهت عليه واخدته ودخلت لجوا الفرفة .. 
انا كنت عارفه هيا هتكلمه في إيه .. هتكلمه في نفس الموضوع اللي كلمتني فيه الصبح ... 
جوزي جه وقالي علي اللي قالته امه .. انها لازم تشوفله عيل قبل ما تموټ وكلام الامهات لاولادهم لما يتجوزوا .. واننا لازم نروح لدكتور .. قلتله : 
- والله ياحبيبي انا عارفة ومقدرة بس معلش نستنا شوية كده وان محصلش حمل نروح لدكتور .. 
عدى 7 شهور علي كلامنا وبرضو مفيش حمل .. 
فجأة لقيت حماتي ام جوزي جاية وبتقولي .. 

- أي يا بنتي عاملة إيه .. 
- قلتلها الحمدلله بخير يا حماتي .. قالت : 
- ايه مفيش جديد .. 
- قلتلها لا والله لسه محصلش .. قالت .. 
_ لا كده مش هينفع انتي لازم تروحي للدكتور انا مش هقدر اقعت اكتر من كده مشفش اطفال لابني ..
قولتلها:
-  حاضر حاضر ان شاء الله .. 

محمد جوزى رجع من الشغل ولقيته بيقولي ..
-  ريهام احنا لازم نروح لدكتور عشان نطمن بس ..قلتله خلاص يا محمد اللي تشوفه ..
رحنا عند الدكتور ومحمد جوزى قاله .. 
- احنا يا دكتور داخلين في السنتين متجوزين ولسه مفيش حمل لحد الان وكنا عايزين نطمن ولو كان لسه شوية نصبر عادى وفي الاخر كل بأيد ربنا .. الدكتور قال 
- تمام بس انا هحتاج نعمل تحاليل .. عملنا التحاليل والدكتور قال .. 
- پکړھ ان شاء الله يا استاذ محمد تستلم النتيجة بتاعت التحاليل .. 
روحنا البيت وانا كنت خايڤة جدا من پکړھ لان مش مطمنة مش عارفة ليه وخايڤة من ام جوزي لو التحاليل اثبتت اني مبخلفش ..