فاتن والشيخ عمار

كيف مادخلتي بيتي بطولك وتهمليلي بتي. 
حاضر يافتحي.. حاضر ههملهالك عشان تقعد مع الغزيه وتلقط من طبعها وتاخد من عمايلها وتعمل.
وابقا تعالا بعد إكده وعض صوابعك ندم بعد فوات الأوان واللي يأوي الغوازي فبيته يتحمل حنجلتهم ورقيصهم.
خلصت حديتها ودخلت اوضتها تلم فخلجاتها وصرت بؤجتها ولفحتها فوق دماغها وطلعت من البيت 
وأول ماطلعت شافت الناس كلها متجمعه قدام بيتها ووقفت وحكتلهم اللي فتحي عايز يعمله قبل ماتروح 
وفاتت الناس تتهامس وتتوشوش على الراجل الرزين اللي عمر مالعيبه طلعت منه وهو ممشي مرته من بيتها عشان يجيب الغزيه تقعد فيه وداي اول عيبه يعملها فتحي الديب وغلطة الشاطر اللي فتح علي روحه بيها ابواب جهنهم الحمره. 
فاتن والشيخ عمار ٢
طلعت ام فاتن من دارها وهملته وهملت بتها وبيتها وجوزها وراحت لأهلها غضبانه...
يابوي إنت لازمن تشوفلك حل ففتحي وعمايله اللي مترضيش حد ولا انت عاجبك اللي عيعمله وهتسكتله وتسيب حق بتك
استهدي بالله بس ياراضيه واقعدي وهودي هبابه هو جوزك بصراحت ربنا غلطان ومش غلطان ومحدش يقدر يلومه عيساعد بحكم الرأفة والانسانيه وعيستر ولايه بس فنفس الوكت الولايا دول عاملين كيف عش الدبابير واللي يقرب منهم يتلسع وميسلمش وفنفس الوكت كمان جوزك مشهودله بالاخلاق والتدين يعني اللي عملتيه ديه والجرسه اللي سوتيهاله الناس كلها هتغلطك فيها وكت مايشوفوه مهمل بيته وعايفه للغازيه وامها واختها
لغاية ماياخدلهم بيت ويأويهم فيه وبعدها يعاود لبيته ويكون في نظر الكل بطل همام وانتي اللي هتوبقي غياره بلا عقل هملتي بيتك وبتك بلا سبب.
امها
مالك لو قعدتي فدارك وحرستي حرستك بدال ماجايه لافحه خلجاتك على راسك وفايتالهم الجمل بما حمل وواربتي الباب للشيطان مابينهم وخليتي اللي عمره ماكان هيوحصول ممكن يوحصول وجوزك تلوف عليه غيرك وانتي خابره شغل الغوازي عاد وعمايلهم.
راضيه بتفكير وندم
تصدقوا حداكم حق اني إيه اللي عميلته ديه واهو برضاي ڠصب عني جابها ومشى كلمته واني الوحيده اللي طلعت من بيتي وهملت بتي والكل دنيته ماشيه ومحدش هيهمه وجودي من عدمه.. طيب تعالا يابوي عاودني ليه وقوله إنك مرضيتش باللي اني عميلته وان عقلي رد فراسي خلاص.
له مهينفعش أعمل إكده ياراضيه ولا ينفع اعاود بيكي لدارك قدام كل أهل البلد اللي شهدتيهم على جوزك واشتكتيلهم من عمايله إكده هيبان الأمر كيف ماتكوني رضيتي باللي عمله وبوجود الغازيه فبيتك ومقاسمتها لجوزك أو آني اللي متحملتش بتي فبيتي ومعاودها لجوزها بيدي بعد كل اللي عمله فيها.. كبرتيها وصعبتيها ياراضيه على روحك وعلي جوزك وعليا.. جوزك اللي تلاقيه بين نارين إنه مهمل بته مع وحده غريبه وبين انه ميتنازلش وياجي يردك بعد ماخيرك واخترتي تهمليه وتهملي بيتك وتمشي.. 
مش دايما ياراضيه لما عنساعدو حد لازمن تكون نيتنا سوء او نكونو راضيين بعمايله فيه ناس عتعمل لوجه الله يابنيتي وقاصده بعمايلها جنة ربنا اللي محدش عينولها ويسكنها غير اصحاب القلوب النضيفه والعقول اللي تفكيرها غير تفكير الناس العفشه.
طيب وبعدين يابوي ايه الحل دلوك اشيعله مرسال ياجي ياخدني ولا اعمل ايه اني
متعمليش وهملي الموضوع ديه وجوزك عاقل وهتاجى على احسن حال وهيجمع بيت قوام قوام وينقل الجماعه فيه وتردي لدارك وجوزك وبتك معززه مكرمه مادامك طلعتي من بيت جوزك وانتي ناقحه عليكي كرامتك متعاوديش غير وانتي محافظه على كرامتك عشان مترخصيش وتنزلي من نظر جوزك.
اما فبيت فتحي..
مهجه
الله يافتحي بيتك حلو قوي شرح وبرح وريحه هادي إكده ويرد الروح.
فتحي رد عليها وعيونه في الارض مترفعتش
خدي راحتك يامهجه انتي وامك واختك واني هاخدلي كام غيار واطلع اسكن في مندرة العمده لغاية مااجمعلكم بيت وانقلكم فيه.. ولحد ماديه يجرا رجلي مهتخطيش داخل البيت بس بتي فاتن هتفضل معاكي خلي بالك منها ووكليها زين هي مليهاش في الوكل وامها عتدادي فيها مداديه عشان توكلها..مونة البيت عندك في الموطبخ اطبخوا وكلوا واللي ينقص شيعيلي اختك لواحظ عالغيط او المندره واني اشيعهولكم معاها..
رجلك يامهجه متخطيش بره عتبة الدار وفاتن اني معطلعهاش وصنف حد ياجيلك الدار اعتبري روحك اترميتي براه اني بيتي محدش غريب عيدوس عتبته حتى لو كانت مره بيتي ليه حرمه ومحدش عيدخل يكشف ستره.
مهجه
حاضر ياسي فتحي والله ماتخاف ولا تقلق وأصلا اني مين هياجيني ولا هروح لمين يعني واطلع لفين اني خلاص
موطرحي ووصلته.
الجمله الاخيره معجبتش فتحي لأنه شاف فيها تملك لكنه سكت عنها وأعتبرها كلمه طلعت منها متقصدش معناها.
بعد مامشي فتحي بصت فاتن لمهجه اللي هبت واقفه وفضلت تلف في البيت بفرحه وهي بتضحك والدنيا مش سايعاها وفرحتها بالبيت كانت تشبه فرحت عيله بالمولد فاتن خابراها زين كانت تبص علي كل حاجه في البيت بسعادة وضحكتها موقفتش.. وسمعت امها عتقولها
له يامهجه يابتي اوعاكي تكوني عتفكري حتى فاللي مخلي عينك لمعت بالطمع من آمنك لا ټخونه ولو كنت خاېن وديه امنك على بيته وجايبك يسترك ويحميكي أوعاكي تضمريله الأڈى والشړ.
أذى ايه يمه وشړ ايه