قصة فيروس الزومبي الحلقة الاولي
البداية شوفت فيديو لشخص علي اليوتيوب بيقول ان في فيروس خطېر هينتشر بين الناس و كل اللي هيتصاب بيه هيتحول لزومبي ، طبعا انا مكنتش مصدق الكلام دا لانوا اكيد اي كلام عشان يلاقي تفاعل كبير و يطلع تريند ، لكن بعد ايام شوفت فيديو جديد لنفس الشخص دا بيقول فيه ان الفيروس بدأ ينتشر و ان في حيوان عندوا مربيه اټصاب بالفيروس دا و انوا الحيران دا عضه في ايدوا و شوفت في ايدوا بعض القدمات اللي ظهرت من اثار العضة ، بعد ايام سمعت ان الشخص دا اتقبض عليه و بعد كده انقطعت اخباره ، و في يوم من الايام كنت قاعد مع بابا في الغرفة بنشوف بعض المذكرات علي الاب توب ، لقينا باب الغرفة بيخبط جامد و فجاة لقيت ماما دخلت و هي بتنهج و بتقول محدش يتحرك ولا يخرج بره ، استغربنا انا و بابا من كلام ماما ، ماما شاورت علي الشباك و قالت بصوا برة كده ، بالفعل بصينا انا و بابا لكن انصدمنا من اللي شوفناه !! ، شوفنا في ناس تحت البيت بقي شكلها غريب و تصرفاتها بقت اغرب ، فتحنا التلفزيون لقينا كل القنوات بتحذر المواطنين من فيروس خطېر و ان ممنوع اي حد يخرج من البيت في اي ظرف من الظروف ، فجاة انقطعت كل التواصل بين القنوات و انقطعت الكهرباء و بعدها انقطعت الميه عن البلدة ، و بقينا في ظلام دامس ، بابا و ماما كان عندهم اكل مخزنينه ، بس للأسف كان قليل جدا و كان قرب يخلص ، بابا خرج بسرعة و جبلنا اكل كتير و جه ، الفيروس كل ما يروح كان بينتشر اكتر في البلد ، حتي الشخص جرانا اللي كان بيخرج يجيب الاكل مع باب اتعدي من الفيروس و اتحول لزومبي ، و في يوم الاكل قل تاني عندنا ، بابا قرر يخرج و يجبلنا أكل اكتر ، بس انا و ماما كنا رافضين انوا ينزل , لكن بابا نزل و بعدها ما رجعش تاني , حزنا انا وماما اويعلي بابا , و ماما كانت تقعد في الغرفة لوحدها و پتبكي , لكن لما كانت بتشوفني بتمسح دموعها و تحاول تطمني , لكن بعد ايام ظهر علي ماما تعب و كانت بحرني اني مخرجش خالص من البيت مهما حصل , و كأنها هتسيبني و تمشي , ماما زاد عليها التعب و بقت في الفراش طول الوقت , وشها اتغير و حالتها بقت صعبة , مكنتش عارف اعمل ايه , ومكنتش قادر انزل اجيب اي اسعافات او اي حاجة تخفف عنها , تاني يوم بدخل الغرفة بتاعت ماما لكن مش بلاقيها علي الفراش و بلاقي سايبة ورقة مكانها علي السرير بتقول فيها " معلش حبيبي كان لازم اسيبك و مينفعش افضل , خلي بالك من نفسك و اياك تخرج من البيت نهائي " , الدموع نزلت من عيني ڠصب عني و انا ببكي اني خلاص بقيت لوحدي بعد ما بابا و ماما سابوني , انا مبعرفش أعمل حاجة من غيرهم , قعدت في البيت لوحدي وانا ببكي , بعدها قومت من مكاني و انا ببص من الشباك , كانوا متجمعين تحت البيت الزومبي , مكنتش اقدر انزل و لا اتحرك من مكاني , فضلت يومين والاكل و الميه كانوا بيقلوا و انا مكنتش عارف هأعمل ايه , كنت بفتكر كلام ماما و هي بتحذرني اني اسيب البيت و انزل , الاكل قل و الميه خلصت و مبقاش في حل غير اني انزل عشان اجيب اكل و شرب , بصيت من الشباك علي الزومبي اللي تحت , لكن ملقتش حد مش شدة التلج اللي كان نازل و اللي كان مالي كل مكان اكترية الزومبي ادفنه تحته و ماتوا من البرودة , لبست لبس تقيل و مزود بحديد وواقي و نزلت , كنت ماشي في الشوارع و ببص حواليا , الحمدلله مفيش اي حد منهم , التلج كان في كل مكان في الشوارع , لقيت سوبر ماركت , الباب بتاعها كان مقفول , لكن كان في شباك مكسور , مشيت و دخلت منه , لما دخلت لقيت كل حاجة في السوبر ماركت فارغة و مفيش حاجة تتاكل , لكن لقيت باب المخزن محطوط ليه خشبة و مقفول عشان محدش يعرف يدخل , خلعت الخشبة و فتحت الباب و دخلت المخزن كان مليان كارتين , اخدت علب اكل كتير في الشنطة اللي كانت معايا و قزايز ميه و اتحركت ناحية الباب عشان امشي , بس و انا ماشي لقيت ايد مسكت رجلي من تحت , و سمعت صوت مخيف , بصيت تحت رجلي لقيت ايد واحد منهم , ضړبت رجلي جامد و خلعتها منه و اتخبط في الرفوف و وقعت عليه و متهيألي ماټ , خرجت بسرعة و روحت علي البيت و دخلت , وانا ماشي في البيت شوفت حد واقف في الصالة بس مكنتش محقق هو مين من الضلمة , لكن لما حققت فيه عرفت انوا بابا من الشنطة اللي لابسها و اللبس بتاعه , بس كان واحد منهم .. يتبع
لو وصلت لغاية هنا اعرف اني بكتب باقي القصة و هتنزل خليكم في انتظار الحكاية
