اسكربت بقلم ايمان صلاح
متضايقه_انا هسيبكم بعد اذنكم
مشيت وانا مخنوقه اوي قعدت جنب شروق بهدوء فبصتلي
_مالك في إيه
_مفيش حاجه
_انتي ايه بعدك عني مقعدتيش جنبي ليه
_ما انتي كنتي بتكلمي بالموبيل اعمل ايه لوحدي انا
_طيب انتي زعلانه ليه
_انا مش زعلانه انتي هتزعليني بالعافيه
_طيب مالك
_اخوكي انا كنت فرحانه انه هنطلع رحله مع بعض يمكن يحس يجي هنا ينكد عليا ويتخانق معايا
_قال ايه بيقولي اي اللي خلاكي تمشي بهدومك دي بعد ما خرجتي بالبحر
_هو قالك كده
_اه يا اختي يعني انا مستحمله غبائه انه مبيحسش بيا وجاي كمان يتخانق معايا
_وانتي مش فاهمه هو پيتخانق ليه
_هيكون ليه يعني اكيد عشان يتخانق وخلاص غبي
_هو برضه اللي غبي !
_قصدك ايه
بصيت عليه لقيته بيعوم فعلا اي ده انا اول مره اعرف انه بيعرف يعوم اوي كده
بس ثواني اي كل البنات دي
بصيت جنبي لقيت بنات كتير واقفه ووقفين مبتسمين وبيبصوله بانبهار !
اي ده هما بيبصوله ليه كده اقوم اضربهم دول ولا ايه بصيت علي شروق لقيتها واقفه وفرحانه قربت منها بغيظ
_ماله اخويا ما زي القمر اهو
_زي القمر فرحان ب لمت البنات حواليه كده وبيبصوله
_وانتي زعلانه ليه
_ده انا هطق مش زعلانه بس لا
كنت واقفه ببص عليهم بغيظ وعليه وبدبدب ب رجلي في الأرض لحظه أنه خرج من البحر ولسه هيقرب مننا وقفته واحده
_حقيقي السباحه بتاعتك هايله
_ينفع تعلمني السباحه زيك كده
_نعمممم
رديت بانفعال فبصلي بدهشه وضحك
_فيه حاجه يا مها
اتكلمت بغيظ _مفيش يبقي قولولي نتيجه السباحه
بصتلهم بتهكم ومشيت وانا متضايقه
_قال يعلمها السباحه قال !
ماشيه بكلم نفسي لقيته واقف قدامي وبيبتسم
_رايحه فين
شهقت _انت جيت ازاي
_انا بكلم نفسى انا اصلا مش عايزه اكلمك تاني اصلا
_ليه كده بس القمر زعلان مني ليه
_هه
ضحك _بقولك القمر زعلان ليه
بصيت في كل الاتجاهات ورجعت بصتله وانا بشاور علي نفسي
_انت بتكلمني انا
قرب خطوه _اه انتي مفيش غيرك هنا
_واحلي من القمر كمان
_انت عمرو ولا متهيئلي
_هو بعينه وقلبه والله
_انت اصلا ازاي واقف تتكلم معايا كده وسايب السينيوره اللي هناك دي من غير ما تعلمها السباحه
ضحك _وانتي زعلانه
اتكلمت بغيظ_انت كمان هتقولي زعلانه زي اختك انا مش زعلانه روحلها وعلمها انا ماشيه
وقف قصادي_استني بس انتي لو استنيتي عليا شويه كنتي شوفتيني وانا برفض انا اصلا مبعلمش بنات سباحه بس ممكن يكون فيه استثناء لوحده معينه
جزيت علي سناني _ومين دي بقي إن شاءالله
_انتي
_انااا
_بعد جوازنا إن شاءالله يا روحي
_مين هيتجوز
ضحك واتكلم ومسك ايدي_ انا وانتي انا اتقدملك وطلبت ايدك من اخوكي ساعه ما كنت عندكم وهو قال اخد رايك بس انا عارفه
_وعارف ايه بقي
_موافقه عليا طبعا انا اصلا واد مترفضش
_ومين ضحك عليك وقالك كده
كشړ _قصدك ايه انتي رافضاني
ضحكت_لا طبعا مين العبيط اللي قال كده
بعد ما رجعنا نزلنا اختارنا الشبكه بتاعتنا واختارنا الفستان والبدله بتاعته
_انتي عبيطه مستحيل اسيبك تلبسي الفستان ده
_ليه بس يا عمرو ده جميل خالص
_ده انتي اللي جميله يا اختي بقي جايبالي فستان نص ضهرك مكشوف وتقوليلي هلبسه
_هي الموضه بتاعته كده
_بلا موضه بلا زفت مش هتاخديه خلاص شوفي غيره
كشرت _بس هو عاجبني يا عمرو
بصتله بحزن فقرب مني وابتسم _انتي عارفه اني بحبك صح
_هه لا
ابتسم وشد علي ايدي _لا بحبك من زمان من اول مره جيت عند قرايبي كنتي صغيره وكبرتي قدامي ولقيت نفسي باجي عندهم عشان اشوفك اطلع البلكونه عشان اراقبك من بعيد ...انتي عارفه اني اوقات كنت ببعت شروق اختي عشان تطمني عليكي من بعيد عارفه انا كنت بقف في الصيدليه مع أنه مش مجالي عشان بس اشوفك وكنت ببقي فرحان لما الاقيكي جايه وكنت بحب ارخم عليكي اوي
بصتله بذهول وانا مش مصدقه نفسي _مش مصدقه بجد انت فعلا بتحبني اوي كده وانا معرفش
بصلي في عيوني واتكلم بحب_بعشقك يا مها وبغير عليكي ومفيش في قلبي غيرك والله بس عشان خاطري بلاش الفستان ده مش عايز اي حاجه منك تبان
سكت شويه مش مستوعبه الكلام وبعدها ضحكت _انا كده اتثبت خلاص كده هشوف غيره بدون نقاش
يوم الخطوبه
