اسكربت بقلم ايمان صلاح
مليش غيره في حياتي هو اللي مربيني دايما بيشتغل وبيصرف عليا من وانا صغيرع وهو معايا مش بيسبني
جهزت الاكل وطلعت حطيته وقاعدنا ناكل في هدوء خلصت الاكل ودخلته المطبخ وطلعت كان الباب بيخبط ادم فتح وسلم علي حد وحضنه قربت عشان اشوف مين برقت وكان عمرو بصيت عليه وهو كان بيبص في عيوني جامد لدرجه قلبي اتهز واتنفضت
_يلا يا مها هاتي الاكل ل عمرو
ايمان_صالح
عمرو بيتكلم وهو بيهز رأسه _لا لا انا مش بتعشي انت عارف
_يعني مش هتاكل عندنا مره
ابتسم واتكلم_يا عم انا كلت عندكم كتير عادي يعني
_خلاص هاتي حاجه نشربها يا مها
_انا لسه شارب نسكافيه حالا انت عارف عادتي
هزيت راسي بهدوء ودخلت المطبخ جهزت عصير وطلعته وحطيته قدامهم وانا بحط الصينيه ببص عليه لقيته بصلي فبعدت راسي بسرعه ودخلت وانا قلبي بيدق ودقاته عالية.
وقفت في المطبخ اتفرج عليه اشوفه بس بصيت عليه كان بيضحك ومبتسم علي الاخر هو وآدم وبعد شويه كانوا خلصوا العصير وبعدها سلم علي ادم وقام عمرو وآدم أصحاب من زمان عشان كده انا اتعرفت علي شروق من طريق عمرو جبها في مره عندنا واتعرفت عليها ومن ساعتها واحنا أصحاب اوي ..هي الوحيده اللي عارفه اني بحب عمرو هي بير اسراري.
_هو عمرو كان جايلك ليه
_وانتي مالك
_اخلص بقي كان جاي ليه
_يعني هو اول مره يجي يا مها وبعدين انتي مالك
_خلاص مش عايزه اعرف بس
_بس ايه
اتكلمت بتوتر _ك كنت عايزاه يجيب شروق تقعد معايا
بصلي شويه بهدوء وبعدها اتكلم بابتسامه
_خلاص يا ستي احنا طالعين رحله في مكان علي البحر يومين كده هو هيجيب أخته وانا وانتي ويبقى اقعدوا براحتكم
_بجد يعني هنطلع مع بعض
_اهه بجد
_امتى ..امتى بالله عليك يا آدم
ضحك_بعد يومين بالظبط جهزي نفسك بقى اي خدمه
كنت فرحانه اوي واخيرا هنكون مع بعض في رحله واحده !
تاني يوم كنت واقفه مع شروق وهي بتكلمني وكنت بتنطط من الفرحه
_هنكون مع بعض في رحله واحده يا شروق
ضيقت عيوني وبصتلها _عشان عمرو طبعا
_اهه يا
_المهم هتعملي اي هتجيبي لبس كتير ولا قليل
_عادي اي حاجه هجيب لبس وخلاص اهم حاجه أننا نخرج وأخيرا
جهزنا نفسنا وخلصنا وجه وقت السفر سافرنا وكانت احلي خروجه الجو كان حلو والمكان احلي كنت قاعده علي البحر وببص قدامي باستمتاع بس يعني مفيش مانع اني ابص عليه شويه !
_انتي اي المقعدك لوحدك كده
اټخضيت _اي يا عم مش تكح ولا حاجه فيه حد يخض حد كده
_هو انتي بتتخضي يعني
_لا مش بتخض
_اي مقعدك كده يا مها
_بحب اقعد لوحدي يا عمرو فيه حاجه
_لا انا غلطان انك صعبتي عليا فقولت أسأل قاعده لوحدك ليه
_ما يصعبش عليك غالي يا اخويا
بصلي بغيظ_تصدقي انك مستفزه انا ماشي
ضحكت عليه هو انا بتمنى اقف واتكلم معاه بس ده ميمنعش أبدا اني اغيظه واضايقه زي ما بيضايقني
بعد شويه ادم جه وشدني من ايدي ونزلنا البحر ..حقيقي ادم ده احلى اخ في الدنيا .
بعدها طلعت من المياه واتمشيت باستمتاع علي البحر بعدها لقيت حد مسك ايدي پحده بصيت بغيظ لقيته عمرو بصيت عليه بذهول
_اي ده ابعد ايدك دي عني
_طالما نزلت البحر وهدومك اتبهدلت كده اقعدي في اي مكان ومتتحركيش
_نعم وانت مالك اصلا
_انتي مش شايفه لبسك عامل ازاي مكان المياه وكل
قطع كلامه وسكت بغيظ فاتكلمت
_مش فاهمه عايز ايه
_روحي اقعدي مع شروق ومتقوميش من مكانك غير لما نمشي
_ لا انا عايزه اقعد لوحدي وبعدين شروق بتكلم صاحبتها في الموبيل انا اقعد معاها ليه
_روحي اقعدي جنبها وملكيش دعوه انا حذرتك
كنت لسه هرد عليه بس ادم جه
_انتوا واقفين كده ليه وپتزعقوا ليه
مردتش عليه ف عمرو اتكلم
_مفيش حاجه يا آدم انا بس كنت بقولها تقعد جنب شروق
_ليه يعني ما تقعد في اي مكان يا عمرو
_المهم تقعد متقفش كده
بصله باستغراب_يعني انت بتزعق عشان كده
_ادم انا عايز اتكلم معاك
اتكلمت وانا
