اسكربت بقلم ايمان صلاح

_خشي عليه بقلب جامد وقوليله لو سمحت يا دكتور عمرو عايزه العلاج ده
_دكتور ايه يا شروق اخوكي خريج اداب وواقف في صيدليه بقي دكتور دلوقتي !
_قوليله يا دكتور عشان كان نفسه يكون دكتور وبعدين كل واحد دكتور في مجاله 
_مجاله واي خلاه ساب مجاله وجه اشتغل في صيدليه بقي !
_يستي انتي مالك دلوقتي مها يا حبيبتي خليكي في نفسك مش انتي عايزه تتجوزيه

_يا بنتي والله اخوكي ده حلوف انا مش عارفه بحبه علي ايه 
اتكلمت بلامبلاه_عشان انتي هبله نعملك ايه !
_ايه
_ولا حاجه المهم هاتي الورقه دي 
خدتها من أيدها ودخلت الصيدليه بتوتر يارب استرها عشان انا بحب حلوف !
وقفت قدامه بثقه واتكلمت بابتسامه _لو سمحت يا دكتور عايزه العلاج ده !
بصلي شويه وبعدها اتكلم _ده خامس علاج الاسبوع ده يا مها هو فيه ايه 
_ايه ده هو انت لاحظت !
بصلي بهدوء وتفحص وبص في عيوني زي ما يكون عايز يعرف حاجه _لاحظت ايه بالظبط 
اتكلمت بتوتر وانا بحاول متلغبطش لان عيونه هلكتني_ا العلاج يعني كتير وكده 
اتكلم بنفاذ صبر وزعق_المهم انتي عايزه ايه دلوقتي 
بصتله شويه وهو بيزعق حتي وهو بيزعق جميل كده انتبهت علي أيده وهو بيشاور قدام عيوني بنفاذ صبر فاتكلمت_عايزه العلاج ده ..هو انت خطبت 
ضيق عيونه _وده من ضمن العلاج برضه !
بصتله بغيظ_انا نفسي في مره الاقيك بترد عليا علي طول بشكل مباشر لازم تلف علي الاجابه كده 
بصلي بترقب_قصدك بلف ودور!
رديت عليه بتعجب وغيظ_بتلف ودور !ده انت ابو الحوارات كلها
برقلي_نعم 
_قولتلي سعر العلاج كام 
والله انا لما قولت عليه حلوف محدش صدقني يلا مش مشكله طلعت بره الصيدليه بعد ما خدت العلاج وروحت عند شروق واتكلمت بتذمر وغيظ
_مش بقولك بارد مش مصدقاني 
ضحكت_عملك ايه يا بنتي وشك مقلوب كده ليه 
_ده مش طايق يتكلم معايا 
اتكلمت وهي بتضحك_والله بيفهم إذا كان انا اصلا مش طايقاكي
بصتلها بتوعد وانا بقرب منها_بتقولي ايه 
_والله بهزر معاكي بهزر المهم انتي عايزه طريقه تلفتي نظره 
_مش عايزه خلاص اصلا انتي وهو باردين 
_خلاص بقى متزعليش يا مها انا بحب اهزر معاكي 
ضړبتها في كتفها_وانا مبحبش هزارك بس هه
_حلاص انتي حره انا غلطانه كنت عايزه اساعدك 
شاورتلها بلا ومشيت وانا زعلانه هو ليه ميحبنيش زي ما انا بحبه كده مش لازم يعني بس ممكن نص حبي أو حتي ربع !
وصلت البيت ودخلت الشقه بهدوء و فجأة وبدون اي مقدمات لقيت حد بيخبطني بالقلم علي قفايا !
بصتله بغيظ 
_اه يا آدم الكلب انت 
ايمان_صالح
مسكني من تيشرت بتاعي وبصلي پحده _مين ده اللي كلب يا بت وبعدين كنتي فين كل ده يا هانم 
_يا ادم سبني بقي انت رخم كده ليه 
_اغلطي اغلطي انا كده كده مش هرحمك كنتي فين كل ده 
_يبني والله كنت مع شروق 
_كل الوقت ده انتي عارفه الساعه كام يا صايعه
_احترم نفسك واتلم علي اساس انت كنت بتصلي ما انت لسه راجع وبهدوم الخروج كمان اهو 
_طيب انا كنت في الشغل وانتي كنتي فين 
_كنت بدور علي شغل انا كمان يا آدم 
_يا سلام وهصدقك يعني بطلي كڈب كنتي فين !
_يووه بقى ما انا قولتلك اهو كنت مع شروق 
_طيب يا مها يلا غوري هاتيلي الاكل عشان جعان 
_طيب ما تجيبوا لنفسك هو انا خدامه عندك 
_اه خدامه عندي يلا يا بت بدل ما اجيلك 
دخلت المطبخ ووقفت في الشباك يمكن اشوف عمرو او حتى المحه أصله يعتبر جيران أو مش جيران اوي يعني هو بيجي عند قرايبه كل فتره وبيقعد كام يوم هنا وبيمشي اتعودت ابص من شباك المطبخ لان بيت قرايبه في نفس الشارع وسهل أشوفه وهو بيطلع يقف شويه يشرب النسكافيه بتاعه واوقات بيلعب رياضه بصيت علي الشباك شويه وبعدها لقيته خارج وماسك النسكافيه في أيده وبيبص قدامه بشروود 
ادم دخل ورايا المطبخ واتكلم
_انتي بتعملي ايه عندك فين الاكل 
بصيت بخضه واتكلمت وانا بقفل الشباك 
_مش تعمل اي صوت يا اخي اي ده 
_بقولك جعان يا بني ادمه انتي 
_ما قولتلك خلاص يا عم هجهزه كنت بشم هوا ايه ما شمش!
_لا متشميش انا خارج عشر دقائق لو ملقتش الاكل جاهز هزعلك !
_بني ادم براس كلب صحيح !
وقفت اعمله الاكل ادم اخويا الوحيد عيشين انا وهو لوحدنا