اسكربت بقلم ايمان صلاح

يلا اطلع بره وانتي جهزي الاكل بقى يلا 
كان بيزعق جريت وقفت على البوتجاز و نادر خرج بسرعه رغم ان بابا بيدلعنا و وبيضحك معانا بس وقت ما بيكون جاد بيكون شخص شديد جدا اول مره نشوفوا .
خلصت اكل وطلعت رصيت على السفره و ماما طلعت قعدت معانا ولسه هعقد الباب خبط فتحت لقيت يونس و تسنيم حضنت تسنيم وسلمت عليها ودخلوا بإحراج اول ما شافوا الاكل يونس اتكلم 
_اظاهر أننا جينا في وقت غلط 
بابا اتكلم _ايه ده اللي غلط ده احسن وقت حماتك بتحبك انت وهي اقعدوا يلا معانا 
_لا شكرا والله أكلنا يا عمو 
_ليه يا بنتي كده كملي معانا دي حتى سجى اللي عمله الاكل 
Eman Saleh 
بابا مسك فيهم وقعدهم ويونس قعد على الكرسي واتكلم 
_بقى انتي يا سجى اللي عملتي الاكل 
ابتسمت باتساع_اه كل وقولي ايه رايك 
_انا هجهز رقم الإسعاف قبل ما ناكل عشان تلحقنا 
ضحكوا كلهم وانا بصتله وكشرت
_ليه بقى ده انا اكلى احلى اكلي مكلتوش قبل كده 
_واضح واضح 
نادر ضحك _عشان تعرفي مش انا لوحدي 
بصتله بغيظ وهمست _بارد !
بدأنا ناكل ويونس كان بياكل وباين عليه علامات الرضا بصتله بانتصار وضحكت بابا بص ل تسنيم واتكلم
_وانتي بقى يا تسنيم في كلية ايه انا مسألتكيش قبل كده 
ابتسمت بهدوء _انا في تالته طب بيطري يا عمي 
ماما بصتلها وابتسمت _ايه ده نفس كلية نادر ابني اتجدعني كده وانزلي اتدربي معاه مع أن انا مش عارفه حابين ايه في كلية الحيوانات دي 
تسنيم ضحكت واتكلمت بخجل _والله يا طنط انا ما كنت عايزاها بس التنسيق الي منه لله بقى 
بصتلها وضحكت _طيب انتي والتنسيق نادر اخويا العبقري كان جايب طب بشړي واختار طب بيطري 
نادر بصلي بغيظ و تسنيم اتكلمت بدهشه فيها بعض الخجل _معقول يا دكتور نادر حد يسيب بشړي عشان بيطري!
_اه انا بحب المجال ده 
_ليه يعني سوري تسيب تعامل البشر وتتعامل مع الحيوانات مش فاهمه حاجه 
_انتي اللي بتقولي كده يا دكتوره تسنيم بعد ما قعدتي في الكليه تلات سنين المفروض تكوني عرفتيها 
_انا عارفه الكليه بس بشړي ليها مميزات كتير 
_ما هي بيطري فيها مميزات واهمها أننا بنعالج كائنات مش بتعرف تتكلم ولا تعبر عن اللي جواها الحيوانات دي كائن صامت مش بيعرف يتكلم ف احنا بنعالجه ده في حد ذاته حاجه عظيمه أما الإنسان ف بيعرف يقول ايه بيوجعه أما الكائنات دي لا 
_طيب ما فيه قسم زي قسم الأطفال برضوا مش بيعرفوا يعبروا 
_طب البشري فيه ناس كتير متميزه فيه اما البيطري فقليل اوي المتميز في المجال ده وشايفه احسن بالنسبالي 
بصتله وابتسمت وانا بصتلها _خلصي الامتخانات بس وتعالي اتدربي في المزرعه مع نادر 
نادر اتكلم بسرعه _ياريت 
سكت شويه واتكلم بتردد _فصدي يعني عشان ادربك ازاي تتعاملي معاهم بسهوله وتحبي كليتك اكتر ولا