تزوجت ظابط شرطة بقلم ايمان صلاح
ياربي متخلف
_انتي ايه اللي اخرك كده يا وفاء
_لحد ما خلصت شغل
_وانا كام مره قولتلك متقفش قدامي بلبس الشرطه ولا عربية الشرطه انت هتعملي سمعه في المكان !
_ده لبس شغلي على فكره ثم إن ايه مكان دي اللي بتتكلمي عليه !
زعق _وانا قولتلك سيبي شغلك ده
_يعني ينفع انت كمان تسيب شغلك
_ده تخلف على فكره مفيش حاجه اسمها راجل وست
عيونه احمرت_يعني انا متخلف !
_طيب يلا اركبي عشان اوصلك
اتكلمت باستنكار _مين ده انت فاكر أننا هركب معاك عربية المساجين دي انت فاكرني مسجونه !
_هروح انا وصاحبتي ثم اني بيتي قريب من هنا
اتنهد بضيق_طيب يلا امشوا جنبي هوصلكم
اتعصب _انتي عنيده كده ليه ما قولت اوصلكم
چنى شدتني من ايدي وهمست _هو مين ده وبعدين اسمعي الكلام ده شكله هيتحول ولا ايه
_ميقدرش يعمل حاجه على فكره
_والله !
لقيته لفلي وبص عليا بصيت عليه بشجاعه مصتنعه وانا بشد چنى من دراعها
_يلا تعالى ورايا على فكره انا مخوفتش منك هه يلا
نفخ بضيق ومشي قصادنا شويه وبعدها وصلت چنى بيتها لان بيتها قبل بيتي سلمت عليا وبعدها دخلت وهو جه مشي جنبي وهو ساكت وانا كمان كنت ساكته تماما مع إن مش عادتي اني امشي وانا ساكته كده !
إيمان_صالح
وصلنا عند البيت وجيت اطلع مسك ايدي سحبتها بسرعه فبصلي بتوتر وبعدها وقف بثبات
_رايحه فين
_هطلع فوق فيه حاجه
بصلي شويه وبعدها هز راسه _لا مفيش حاجه بس
_فيه ايه عايز تقول حاجه يا نائل
_لا اه قصدي يعني اتفضلي
لقيته طلع من جيبه شيكولاته وعطهالي بصتله بتعجب
_ايه ده
_هيكون ايه يعني شيكولاته !
_لمين يعني
رفع حاجبه_هيكون ل مين يعني
رديت بعند _ايوه ل مين
اتكلم بضيق _ل محمد اخوكي يلا اطلعي فوق بقى
زق ايدي وانا بصتله وكشرت
_انت بتزقني !
_اعملك ايه انت مبتفهميش
_انا مبفهمش !
_اه ويلا اطلعي
بصتله من فوق ل تحت وقولت وانا بطلع اجري على فوق _والله انت اللي مش بتفهم
طلعت فوق وانا بضحك من قلبي احسن يستاهل دخلت وقفلت الباب
_اتأخرتي ليه يا وفاء
_لحد ما خلصت شغل يا بابا
_هو نائل راح لك
_اه وانت عرفت ازاي
_عشان كلمني وقولتله انك لسه مجتيش البيت
_طيب انت كلت
_اه امك اكلتني ونامت
_ماشي يا حبيبي
دخلت اوضتي وقفلت الباب ولقيته بيتصل مردتش عليه اول مره لحد ما بدلت هدومي وبعدها لقيته بيتصل تاني رديت عليه
_ نعم
_انتي مبترديش عليا ليه يا وفاء
_مش عايزه ارد عليك
_والله طيب بعد كده لو رنيت تردي على طول
_لا مش هرد عليك ها
_طيب لو مردتيش عليا شوفي هعمل ايه
_متقدرش تعمل حاجه على فكره !
_لا هقدر وهتشوفي
_طيب انت متصل
