اسكربت بقلم ايمان صلاح

_اياد خلاص سيبوا 
شاور بايده _اطلعي فوق 
_يا عم سيبوا خلاص انت هتعمل فيها شبح سيبوا بقي 
صړخ _بقولك اطلعي فوق امشيي حالا 
 من فوق لتحت بطريقه لا تبشر رمي نفسه علي اقرب كرسي وهو بياخد في نفسه بالعافيه !
ايمان_صالح
_انتي مبتسمعيش الكلام لي 
_وانت اي حد تمسك فيه و تضربه كده انت مبتتفهمش بهدوء لي 

زعق_اييي كنت عايزاني استني لما ياخدك مني واقف اتفرج 
_اياد هو معملش حاجه 
_معملش !كان بيعاكس مين كان بيعاكس امي يعني 
_يا اياد فيه حاجه اسمها تفاهم 
_ايمان مش عايز اسمع صوتك فاهمه ولا اي !
ماما طلعت علي صوته قربت وبصتله 
_في اي انتوا علي طول بتتخانقوا كده 
_بنتك بتستفزني يا طنط ومبتسمعش الكلام نهائي 
_لي كده يا ايمان مبتسمعيش الكلام لي 
_انا مبسمعش الكلام اقولكم والله ما انا قاعده معاكم انا داخله اوضتي 
سيبتهم و دخلت وانا سامعه حوارهم
_اهي يا طنط كل اما اتكلم معاها متسمعش و تعاند كده 
_في اي بس يا اياد اي الحصل لكل ده 
_يا طنط فيه واحد ابن ....كنا ماشين و عاكسها ولما ضربتوا بتحوش عنه و قولتلها اطلعي وقف في وسط الناس و تبجح فيا 
_ما هو يا اياد مكنش ينفع تتخانق وهي معاك برضوا يبني 
_احنا كنا عند البيت يا طنط وقولتلها تطلع وانا متعودتش الاقي واحد بيرخم علي واحده واسكت شوفي بقي لما تكون ايمان هطنش مثلا !
_واشمعنا يعني لما تكون ايمان !
اتوتر_م مفيش عشان قربتي و كانت جايه معايا 
ضحكت_قربتك بس !ربنا يصلح حالك يبني ادخل ارتاح شويه و عمرو جاي من الدرس 
_حاضر يا طنط 
دخل الاوضه وانا مسكت الموبيل انسان عصبي وانا مالي انا من الاول قولتله متجيش معايا بس صمم قال اي المكان اللي بيصلح فيه الموبيلات خطړ و مش عارفه اي !
اياد باباه و بابا ولاد عم يعتبر كنا متربين مع بعض في البلد واحنا صغيرين بس بابا اخدنا و جينه القاهره انا و هو وعمرو و ماما لما كبرنا عرفت أنه اتخرج و المفروض هيتدرب في مستشفي في القاهره هنا جه قعد مع عمرو في الاوضه هو كويس و محترم بس للاسف عصبي وانا عنيده شويه أو شويتين ! 
_رايحه فين يا ايمان 
_فيه ورق هخلصه في الجامعه يا بابا 
_خلاص روحي مع اياد عشان هو كمان فيه ورق هيخلصه 
اووف
_لا يا بابا انا 
سمعت صوته عصبني _انا خلصت يلا بينا نمشي 
_انا هقابل اصحابي 
_خلاص نوصل عندهم و امشي انا 
_ما تمشي من دلوقتي احسن 
_ايمان امشي مع اياد مينفعش تمشي الصبح بدري لوحدك كده 
_يا بابا يعني هتخطف 
_بطلي لماضه يلا امشي معاه 
ابتسم بسماجه فاتعصبت_ياربي عليا 
نزل وانا مشيت ببرود كان سابقني رجع تاني 
_ما تمدي شويه 
_لا انا مشيتي كده و عجباني 
جز علي اسنانه_اخلصي يا ايمان مش فاضي 
شوحت بأيدي _وحد قالك وصلني انا بعرف امشي لوحدي 
_وقسما بالله يا ايمان لو ما لمېتي لسانك لكسر عضمك انتي عايزه تتعاكسي تاني ولا اي 
_وانت مالك 
_طيب امشي قدامي يا هانم
وصلنا الجامعه بعد ما طلعت عينه وهو كان هيتشل بس يستاهل 
_يعني مقابلتيش صحابك لي زي ما قولتي
_ما انا رايحه عندهم هناك اهم
_طيب لما تخلصي رني عليا وانا هستناكي بره ماشي 
_لا انا