اسكربت من حكايات ايمي بقلم ايمان صلاح

_ينفع كده يا طنط اللي بنتك بتعمله ده 
_عملت ايه يا نادر يا حبيبي بس 
_قولتلها متروحيش الشغل ده تاني وهي برضوا مصممه تروح
_شغلها يا حبيبي وبتحبه وبعدين اهي بتجيب مصاريفها
_يا طنط انا قولتلها تقعد وانا ادفعلها اللي هي عايزاه 
_تدفع لمين يا اخويا مش لما تكفي نفسك الاول 

_ شوفي يا طنط قلة ادبها 
_مين دي اللي قليلة الادب انت إنسان مش محترم 
_انا 
_عيب يا جنة مينفعش كده 
_مش هو اللي بيقول وبعدين انا مستحيل اقعد في البيت 
_وانا قولتلك الشغل ده بلاش منه وانتي دماغك نشفه 
_وانا بحب الشغل ده واللي معايا في الشغل كمان 
زعق _ ومين ده اللي معاكي في الشغل يا بت 
_بت اما تبتك انا بتكلم عن اصحابي البنات يا متخلف 
_وربنا ما فيه متخلفه هنا يا غبيه الشغل ده مش كويس انتي بترجعي منه اخر الليل 
_شوفتي يا ماما المتخلف 
_شايفه يا طنط المتخلفه !
_بس بسسسسس انتوا الاتنين كفايه يلا يا نادر روح بيتك وسلملي على مامتك وانتي يا زفته ادخلي البيت 
دخلت الشقة وماما دخلت ورزعت الباب ورا والله ده متخلف فعلا مش كلام انا مش عارفه ماما مصره تدخله حياتنا ليه طيب هي و مامته اصحاب انا مالي يدخل في حياتي ليه بالشكل الخنيق ده  
_ يا بنتي المسألة دي مبتتحلش كده 
نفخت بضيق _امال بتتحل ازاي يعني مش عارفه 
_ما انتي لو مركزه معايا كنتي فهمتي على طول أما انتي دماغك جزمه يا جنة
شهقت بغضب_انا دماغي جزمة 
_انتي مصدومه كده ليه اهه دماغك جزمة بالله عليكي طايقاها معاكي ازاي 
_هي مين دي اللي طيقاها 
_دماغك يا جنة 
_طب والله ما انا قاعده عندكم ومروحه 
مسك عصايه جنبه_اقعدي يا بت عشان مش هتمشي غير لما تفهمي الدرس ده 
_انت فاكر نفسك مدرس ده انت ناجح في تجاره بدرجات رأفه !
_مين ده اللي ناجح بدرجات رأفه انا ناجح بتقدير 
_ها هي مقبول بتاعتك دي تسميها تقدير 
_لا اسم الله عليكي انتي يا اختي مش عارفه تعدي من دبلوووم دبلوم تجاره 
_ماله بقى دبلوم تجاره يا سي نادر 
ضحك _حلوه سي نادر دي 
_والله طيب انا ماشيه 
_طب والله يا جنة لو اتحركتي من مكانك ل اخبطك بالعصاية دي وبرضوا مش هتمشي غير لما تفهمي الدرس ده 
_بارد وغلس
_مستفزه و رخمه! 
ايمان_صالح
إنسان بارد عملي فيها مدرس وهو مش محصل تلميذ قال ايه خريج كلية تجاره وهو ولا فاهم حاجه بني ادم براس بخاخه صحيح !
_انتي جايه منين الوقت ده 
_هكون جايه منين يعني من الشغل 
نفخ بضيق_يادي الشغل وسنينه 
_انا مش عارفه انت مش متقبل الشغل ده ليه ده شغلي 
_هو انتي بتسمي وقفتك في مكتبه طول النهار ده شغل 
_امال اسميه ايه بقى يا استاذ نادر 
_مش شغل طالما بيجيبك متأخر كده 
_ايه يعني أنا مبخافش 
_يا حبيبتي انا عارف انك مبتخفيش بس برضوا انتي بنت وكلام الناس كتير 
_ميهمنيش كلام حد 
_طيب الجو مش مضمون حاولي مترجعيش متأخر كده 
هزيت راسي بهدوء وطلعت فيها ايه لما يفهمني بهدوء كده ويكلمني بهدوء بيكون شخص تاني خالص والله متفاهم وحنين اول مره اتعرفت على نادر كان عندي خمس سنين كان بيجي عندنا هو و مامته وكان بيجي يلعب معايا ويرخم عليا برضوا اوقات كتير كان بيجبلي العاب وشيكولاتات والوان وايس كريم كمان !
كنت قاعده في الصاله بقرا روايه ومندمجه اوي فيها وفجاه نادر دخل مش عارفه امتى وازاي 
_وريني كده بتقراي ايه 
_فيه حد پخوف حد كده طيب كح حتى 
_اكح ! وپتخافي ده انتي تخوفي بلد ! 
_انا طيب اطلع بره بقى 
شد الروايه من ايدي _