حب حياتي بقلم ايمان صلاح

يكون غلط يا ماما 
_ ليه كده يا فرح يلا اطلعي ناكل 
_ مش هاكل يا ماما قولتلك 
_ برضوا يبقى بسبب الواد الزفت ده 
_ يا ماما والله يوسف انسان كويس و صاحبي و 
_ اخرسي يا فرح مش عايزه اسمع سيرته عايزه تخلصي وتطلعي تاكلي ماشي 
دمعت_لا مش عايزه يا ماما 
بصتلي بيأس وبعدها مشيت وانا قفلت الباب قعدت شوية افكر في حياتي وبعدها نمت قومت تاني يوم قومت طلعت بره لقيتهم قاعدين 
_ بابا انا هروح المكتبه اجيب كتب 
_ خدي احمد اخوكي معاكي 
عيطت_ والله يا بابا مش هعمل حاجه تضايقكم و 
_ طيب والواد اياه ده هتعرفيه تاني 
اتنهدت واتكلمت بضيق_ والله يا بابا انا مش هعمل حاجه تضايقكم مني و وحتى يوسف مش بشوفوا ولو شوفتوا مش هكلمه وهمشي من الشارع تاني 
_ خلاص يا فرح هديكي فرصه اخيره روحي 
دخلت الاوضه بهدوء لبست وطلعت 
_ خدي الفلوس دي يا فرح عشان متنزليش من غير فلوس 
هزيت راسي بهدوء_ شكرا يا بابا 
قفلت الباب ونزلت وانا سرحانه حياتي اتغيرت تماما عن الاول اكتر حاجه مؤلمھ انك تحلم بحاجه وفي لحظه تضيع من ايدك تماما .
دخلت المكتبه ادور على الكتب اللي انا عايزاها فجاه حد خبط الكتاب وقع من ايدي ولسه انزل اجييه لقيت حد بيجيب الكتاب 
_ انا اس 
بصلي پصدمه _ فرح هو انتي 
_يوسف !
ابتسم بهدوء_ عامله ايه يا فرح النهارده
اتكلمت بإيجاز _الحمدلله بعد اذنك 
لسه هتحرك وقف في وشي بلهفه 
_ استني انتي رايحه فين انا عايز اتكلم معاكي 
_ انا اسفه يا يوسف انا وعدت اهلي اني مش هتكلم معاك 
_ ليه يا فرح انا 
_ بعد اذنك يا يوسف همشي 
سيبته ومشيت وانا متضايقه مش عارفه ليه يمكن يوسف اعرفه طول فترة الثانويه العامه فبعده مأثر فيا بس ليه يعني ده زميل عادي !
Eman Saleh .
_ حمدالله على السلامه يا فرح جبتي الكتب اللي انتي عايزاها
اتكلمت من غير ما ابصله _ اه جبتها انا داخله _ استني يا فرح انا عايز اتكلم معاكي 
_ نعم يا احمد خير 
اتكلم بابتسامه _ يا بت تعالي نقعد وبعدها نتكلم 
_ عايز ايه مني يا احمد 
_ هعوز منك ايه تيجي نقعد في البلكونه زي زمان 
هزيت راسي برفض_ لا عندي مذاكره
_ خلاص تعالي اقعدي هقولك كلمتين وبعدها ادخلي كملي مذاكرتك وبعدين يا اختي مذاكرة ايه ده انتي في تجاره 
اتكلمت بضيق _ ما انت اللي ضيعت مستقبلي كان زماني في طب زي ما بحلم 
شدني من أيدي وقعدني _ طيب تعالي اقعدي نتكلم شويه 
قعدت قصاده فبصلي وابتسم _ موضوع الكلية ده بيبقى قسمه ونصيب نصيبك هتدخلي كليه معينه فهتدخليها ربنا عايز كده 
_ ربنا برضوا ولا انت السبب في قعدتي من الدروس 
بصلي وبعدها حاول يتكلم بهدوء_اولا انتي عارفه كويس اني مش السبب انتي السبب انتي عاملتي في نفسك انتي اللي كلمتي واحد غريب عنك ومشيتي معاه 
اتعصبت _ يوسف مش غريب يوسف زميلي انا مبعملش حاجه غلط
_ ولما انتي مش بتعملي حاجه غلط بتخليه يقعد بعيد ايه مجتيش ليه عرفتينا عليه زي باقي اصحابك البنات 
_ عشان انتوا مكنتوش هتسكتوا زي ما عملتوا معايا كده 
_ يبقى غلط انتي كده بتعملي غلط اول الغلط يا فرح انك تخبي حاجه عن اهلك 
_ لا انا مش بعمل حاجه غلط يا احمد يوسف مجرد زميل بيساعدني في مذاكرتي 
_طيب قولي الحقيقه ومتكذبيش 
_ ايه 
_ لا قولي والله هقول الحقيقه من غير كڈب 
_ ليه يعني 
_ من غير ليه